الانتهازيه والأنانيه والاضرابات في هذا الوقت الصعب

**otefa** · 13-02-2011 03:15 PM

المشاركة الأصلية كتبت بواسطة memo_p910

النهارده رحت بنك الاسكندريه لقيتهم مضربين ومش راضيين حتى يشغلوا الصراف والناس محتاجه فلوس ومرتباتهم كويسه بيقولوا احنا بنقبض 4 تلاف وغيرنا بيقبض 10 عايزين زيهم وقفلوا البنك ومشيوا

دول بقى مش فاهمين ازاي دول كلاب

ههههههههه................علشان كده قلت أغلبهم

**medo_2060** · 13-02-2011 03:15 PM

طيب طالما اتفقنا انهم مش فاهمين الى يقدر يفهم اى حد فيهم يفهمه ويشرحله بدل ما ندخل فى دائره التهكم عليهم‏ واكيد فى ناس تعرف توصلهم وتتكلم معاهم بطرق كتير ...
مش عايزين حد يعمل ولى على حد من يومين كانت نص البلد مش فاهمه الى بيحصل محدش قال يولعوا لأ كلنا ايد واحده دلوقتى ونساعد بعض

**تامر.محمد** · 13-02-2011 03:16 PM

المشاركة الأصلية كتبت بواسطة memo_p910

النهارده رحت بنك الاسكندريه لقيتهم مضربين ومش راضيين حتى يشغلوا الصراف والناس محتاجه فلوس ومرتباتهم كويسه بيقولوا احنا بنقبض 4 تلاف وغيرنا بيقبض 10 عايزين زيهم وقفلوا البنك ومشيوا

دول بقى مش فاهمين ازاي دول كلاب

بصراحة بعيدة اوي
حاسس ان اللي قال لك كده مش صادق

**Osama_I** · 13-02-2011 03:34 PM

السلام عليكم و رحمة الله و بركاته

المشكلة دلوقت خلصنا من الظلم اللى كان واقع علينا و اتجهنا للمصلحة الشخصية .
يا ريت الناس زى ما صبروا 30 سنة على وضعهم "موظفيين البنوك ......" من غير اضرابات يستنوا سنة كمان أو شهور لحد ما البلد تبتدى تقف على رجليها و بعد كده يطالبوا باللى عايزينه (بلاش أنانيه).
و إلا حعمل اعتصام علشان معنديش طيارة خاصة و لا شاليه فى الساحل الشمالى.....

**dr-mohamed** · 13-02-2011 03:50 PM

المشاركة الأصلية كتبت بواسطة memo_p910

أنا مش عارف الموظفين الانتهازيين اللي بيعملوا اضرابات في الوقت الصعب ده عايزين ايه وبيفكروا ازاي دول ضيقي الأفق ينظرون لمصالحهم الشخصيه فقط والناس الانتهازيين دول كانوا فين والامن المركزي كان بيطحن فينا والشهداء اللي ماتت
عايزين نبدأ ثورة التنمية في ناس دلوقتي بتنتهز الفرصة
لازم نوعيهم الجهل هايفسد كل حاجه حلوه
ولا انتوا رأيكم ايه؟

لما عملت موضوع زي ده الاربعاء الماضي وكانت الاضرابات الفئوية اكبر من كدة بكتير وكانت الثورة لسة منجحتش ناس كتير طلعت تقول يحقهم وبراحتهم

المشاركة الأصلية كتبت بواسطة osama_i

يا ريت الناس زى ما صبروا 30 سنة على وضعهم "موظفيين البنوك ......" من غير اضرابات يستنوا سنة كمان أو شهور لحد ما البلد تبتدى تقف على رجليها و بعد كده يطالبوا باللى عايزينه (بلاش أنانيه).
و إلا حعمل اعتصام علشان معنديش طيارة خاصة و لا شاليه فى الساحل الشمالى.....

طيب يا سيدي الموظف بتاع البنك ده انا مستعد ابادل معاه وظيفتي وموافق بمرتبه الحالي
احنا من 7 سنين اتنبح صوتنا علشان المرتبات ولما جه الوزير يوم الثلاثاء الماضي يطلب الاجتماع معانا وكانت الثورة لسة لم تنجح قلنا له عايز تجتمع يبقي نتكلم عن تحقيق مطالب الثورة وتنسي موضوع المرتبات ده وماتتكلمش فيه ولو اتكلمت اعتبر الاجتماع ملغي وانتصرت في النهاية الراي اللى بيقول ان لا اجتماع الا بعد نجاح الثورة وتحقيق اهدافها
الناس اللى بتتظاهر علشان مصالح فئوية دلوقت من الاخر بيصطادوا في المية العكرة

**تامر.محمد** · 13-02-2011 04:02 PM

المشاركة الأصلية كتبت بواسطة dr-mohamed

طيب يا سيدي الموظف بتاع البنك ده انا مستعد ابادل معاه وظيفتي وموافق بمرتبه الحالي
احنا من 7 سنين اتنبح صوتنا علشان المرتبات ولما جه الوزير يوم الثلاثاء الماضي يطلب الاجتماع معانا وكانت الثورة لسة لم تنجح قلنا له عايز تجتمع يبقي نتكلم عن تحقيق مطالب الثورة وتنسي موضوع المرتبات ده وماتتكلمش فيه ولو اتكلمت اعتبر الاجتماع ملغي وانتصرت في النهاية الراي اللى بيقول ان لا اجتماع الا بعد نجاح الثورة وتحقيق اهدافها
الناس اللى بتتظاهر علشان مصالح فئوية دلوقت من الاخر بيصطادوا في المية العكرة

دكتور محمد
سؤال بغرض اني افهمك اكتر - بصراحة يعني -

ليه بيصطادوا في المياه العكرة ؟
و
حتى الشرطة بتصطاد في المياه العكرة ( لأنهم بيتظاهروا هما كمان) ؟

**heshamzaky** · 13-02-2011 04:04 PM

طيب خدو دى بقى النهاردة و انا فى وسط البلد تحركت ناحية شارع حسين حجازى نفس الشارع الى فية ضريح سعد زغلول لقيت مين بقى عامل مظاهرة مش حا تصدقو بعض أفراد الشرطة شوية امناء و كام ظابط بس عددهم مش قليل مش أقل من حوالى 300 أو 400 فرد كدة الجيش بقى عمل أية قفل بالدبابات من الناحيتين و منعنا تماما من تخطى الحواجز الى عملوها و قال لنا ابعدو للخلف لما بتوع الشرطة حاولو يتحركو ضربو طلقات تحذيرية من المدافع الى على الدبابات صوتها كان زى الرعد و كل أمين شرطة كان بيعدى الناس ماسكينة تريقة و يقولو لة بدل ما تشيل طبنجة فى جنبك شيل رغيف عيش احسن . أنا كنت بضوف من شهر تعاملهم مع الناس هو فى ناس الشارع كان بيتم استخراج صحيفة حالة جنائية (( فيش و تشبية )) بصراحة كانو بيعاملو الناس وحش شوية و بيلطعوهم فى طوابير و منتهى التناكة و هما بيتعاملو النهاردة الشرطة عاملين مظاهرة علشان تحسين أوضاعهم و أحوالهم و دى الصور الى عرفت أصورهم لان الجيش منعنا من الدخول و حاصر المظاهرة لان بعض عناصر الشرطة معاهم سلاح

**heshamzaky** · 13-02-2011 04:10 PM

أنا رايى الشخصى أن بتوع الشرطة بيتظاهرو علشان دى حركة دفاعية يعنى عاوزين يبانو فى موقف أنهم كانو مظلومين و مأمورين و يبينو أنهم من طوائف الشعب و كل دة لكسب تعاطف الناس معاهم . بصراحة حاسس أنها حركة لئيمة بس مفقوسة و باينة قوى أنها مسح جوخ

**dr-mohamed** · 13-02-2011 04:10 PM

المشاركة الأصلية كتبت بواسطة tlrsiap

دكتور محمد
سؤال بغرض اني افهمك اكتر - بصراحة يعني -

ليه بيصطادوا في المياه العكرة ؟
و
حتى الشرطة بتصطاد في المياه العكرة ( لأنهم بيتظاهروا هما كمان) ؟

اقول لحضرتك رايي بصراحة وقلته من قبل وما زلت مصمم عليه
دلوقت وقت حرج جدا لاقصي درجة في تاريخ مصر والمطلوب بعد ما خرجنا وغيرنا النظام اننا نبني بلدنا علشان تبقي افضل لو كل واحد فينا خرج وعمل مظاهرة علشان مرتبه يزيد طيب مين اللى هايشتغل ؟ طيب البلد هاتبقي احسن ازاي ؟ وخصوصا ان اللى بيتظاهر لازم يقف في مكان يعطل فيه المرور ويعطل بقية الناس عن عملها وبالتالي الدولة كلها الىل المفروض بقت بتاعتنا بتتعطل و ده بيقلل الانتاج بشكل رهيب في المقابل لو زادت مرتبات الناس كلها في ظل انخفاض الايرادات هايحصل تضخم والاسعار ترتبع جدا يبقي معملناش حاجة كنت بتقبض الف جنيه وتشتري احتياجاتك الاساسية هايزيد مرتبك يبقي 3 الاف جنيه ومش هتقدر تشتري الاحتياجات الاساسية نفسها
واه الشرطة بتصطاد في المية العكرة واي حد يتظاهر دلوقت علشان مصلحته الشخصية بيصطاد في المية العكرة ليه لانهم بيستغلوا حالة الضعف الداخلي اللى الدولة بتمر بيها علشان يحققوا مصلحتهم هما مش مصلحة البلد ولو الحكومة وافقت دلوقت على كل مطالبهم هايحصل تضخم رهيب وبردو كلنا هانخسر علشان موظف البنك يزيد مرتبه من 4 الي 10 لااف جنيه وبتاع الاتصالات تبقي علاوته لا تقل عن 200 جنيه وبتوع شركة بتروتريد بتاعة البترول يقبضوا 10 الاف جنيه او معرفش مطالبهم ايه هما كمان
وبقول للجميع وانا اولهم نشتغل الاول ونزود الانتاج بتاعنا والبلد تقف علي حيلها ووقتها نطلب بحقوقنا
لكن نطلب حقوقنا واحنا مش بنقوم بواجباتنا فمرفوض تماما
زي طالب الامتحان بعد اسبوع وعايز يطلع رحلة يومين ويقول حقي لانى مخرجتش طول السنة طيب يا سيدي عدي الامتحانات وابقي اطلع الرحلة ومش يومين بس لا اطلع رحلة اسبوع لكن بعد الامتحانات

لو اناغلطان حضرتك صحح لي

-

الموضوع: الانتهازيه والأنانيه والاضرابات في هذا الوقت الصعب

LinkBack

أدوات الموضوع

عرض

-

-

-

-

المواضيع المتشابهه

الاختيار الصعب

الاختيار الصعب

أوبترا... والأختيار الصعب

ارجو مساعدتي في هذا الاختيار الصعب

الاختيار الصعب مهم جدا

الكلمات الدلالية لهذا الموضوع

المفضلات

المفضلات

ضوابط المشاركة