أنا مش عارف الموظفين الانتهازيين اللي بيعملوا اضرابات في الوقت الصعب ده عايزين ايه وبيفكروا ازاي دول ضيقي الأفق ينظرون لمصالحهم الشخصيه فقط والناس الانتهازيين دول كانوا فين والامن المركزي كان بيطحن فينا والشهداء اللي ماتت
عايزين نبدأ ثورة التنمية في ناس دلوقتي بتنتهز الفرصة
لازم نوعيهم الجهل هايفسد كل حاجه حلوه
ولا انتوا رأيكم ايه؟
للأسف فيه ناس فاكرة إن أي تغيير هيبقى فوري وده مش صحيح.
فاكرين أن معاهم مصباح علاء الدين.............لاحول ولاقوة الابالله
حتى ألي في التحرير قاعدين
شوفوا على الجزيرة دلوقتي بيقولو أيه
تفهم مين
هما فاكرين ال ما يعتصمش دلوقتى يبقى مش هياخد حقه بعد كدا ربنا يهدى
مع الاسف كل واحد بيفكر ياخد اكبر قدر ممكن من المنفعة الذاتية حتي النقل العام مع ان البلد الان محتاجة لكل مساعدة لكي تنهض بسرعة
قمـــــــة الأنانيــــــة
أظنهم مش فاهمين
+1اقتباس:
المشاركة الأصلية كتبت بواسطة tlrsiap
أغلبهم مش فاهمين
ياريت كل واحد فينا يبدا باصدقائة فى العمل او جيرانه او اى شخص يتحدث معه وتوضيح مثل هذة الامور ان التغيير لازم ياخد وقت حتى تتضح الصورة للجميع
بص , هو بصراحة انا متمسك بكلمة اظنهم
مش عايز اخد حكم استباقي و تكون الناس فاهمين و على الحق و اطلع انا على الباطل
النهارده رحت بنك الاسكندريه لقيتهم مضربين ومش راضيين حتى يشغلوا الصراف والناس محتاجه فلوس ومرتباتهم كويسه بيقولوا احنا بنقبض 4 تلاف وغيرنا بيقبض 10 عايزين زيهم وقفلوا البنك ومشيوا
دول بقى مش فاهمين ازاي دول كلاب
ههههههههه................علشان كده قلت أغلبهماقتباس:
المشاركة الأصلية كتبت بواسطة memo_p910
طيب طالما اتفقنا انهم مش فاهمين الى يقدر يفهم اى حد فيهم يفهمه ويشرحله بدل ما ندخل فى دائره التهكم عليهم واكيد فى ناس تعرف توصلهم وتتكلم معاهم بطرق كتير ...
مش عايزين حد يعمل ولى على حد من يومين كانت نص البلد مش فاهمه الى بيحصل محدش قال يولعوا لأ كلنا ايد واحده دلوقتى ونساعد بعض
بصراحة بعيدة اوياقتباس:
المشاركة الأصلية كتبت بواسطة memo_p910
حاسس ان اللي قال لك كده مش صادق
السلام عليكم و رحمة الله و بركاته
المشكلة دلوقت خلصنا من الظلم اللى كان واقع علينا و اتجهنا للمصلحة الشخصية .
يا ريت الناس زى ما صبروا 30 سنة على وضعهم "موظفيين البنوك ......" من غير اضرابات يستنوا سنة كمان أو شهور لحد ما البلد تبتدى تقف على رجليها و بعد كده يطالبوا باللى عايزينه (بلاش أنانيه).
و إلا حعمل اعتصام علشان معنديش طيارة خاصة و لا شاليه فى الساحل الشمالى.....:213-1107231241[1]:
لما عملت موضوع زي ده الاربعاء الماضي وكانت الاضرابات الفئوية اكبر من كدة بكتير وكانت الثورة لسة منجحتش ناس كتير طلعت تقول يحقهم وبراحتهماقتباس:
المشاركة الأصلية كتبت بواسطة memo_p910
طيب يا سيدي الموظف بتاع البنك ده انا مستعد ابادل معاه وظيفتي وموافق بمرتبه الحالياقتباس:
المشاركة الأصلية كتبت بواسطة osama_i
احنا من 7 سنين اتنبح صوتنا علشان المرتبات ولما جه الوزير يوم الثلاثاء الماضي يطلب الاجتماع معانا وكانت الثورة لسة لم تنجح قلنا له عايز تجتمع يبقي نتكلم عن تحقيق مطالب الثورة وتنسي موضوع المرتبات ده وماتتكلمش فيه ولو اتكلمت اعتبر الاجتماع ملغي وانتصرت في النهاية الراي اللى بيقول ان لا اجتماع الا بعد نجاح الثورة وتحقيق اهدافها
الناس اللى بتتظاهر علشان مصالح فئوية دلوقت من الاخر بيصطادوا في المية العكرة
طيب هما فاكرين مين حيجيب حقهم
هو فيه حد مسؤل فى البلد غير الجيش
كده حيطرو الجيش يقلب على الوش التانى
عيب اوى بصراحه
اقتباس:
المشاركة الأصلية كتبت بواسطة dr-mohamed
دكتور محمد
سؤال بغرض اني افهمك اكتر - بصراحة يعني -
ليه بيصطادوا في المياه العكرة ؟
و
حتى الشرطة بتصطاد في المياه العكرة ( لأنهم بيتظاهروا هما كمان) ؟
طيب خدو دى بقى النهاردة و انا فى وسط البلد تحركت ناحية شارع حسين حجازى نفس الشارع الى فية ضريح سعد زغلول لقيت مين بقى عامل مظاهرة مش حا تصدقو بعض أفراد الشرطة شوية امناء و كام ظابط بس عددهم مش قليل مش أقل من حوالى 300 أو 400 فرد كدة الجيش بقى عمل أية قفل بالدبابات من الناحيتين و منعنا تماما من تخطى الحواجز الى عملوها و قال لنا ابعدو للخلف لما بتوع الشرطة حاولو يتحركو ضربو طلقات تحذيرية من المدافع الى على الدبابات صوتها كان زى الرعد و كل أمين شرطة كان بيعدى الناس ماسكينة تريقة و يقولو لة بدل ما تشيل طبنجة فى جنبك شيل رغيف عيش احسن . أنا كنت بضوف من شهر تعاملهم مع الناس هو فى ناس الشارع كان بيتم استخراج صحيفة حالة جنائية (( فيش و تشبية )) بصراحة كانو بيعاملو الناس وحش شوية و بيلطعوهم فى طوابير و منتهى التناكة و هما بيتعاملو النهاردة الشرطة عاملين مظاهرة علشان تحسين أوضاعهم و أحوالهم و دى الصور الى عرفت أصورهم لان الجيش منعنا من الدخول و حاصر المظاهرة لان بعض عناصر الشرطة معاهم سلاح
http://img832.imageshack.us/img832/4...0220114506.jpghttp://img837.imageshack.us/img837/9...0220114507.jpg
أنا رايى الشخصى أن بتوع الشرطة بيتظاهرو علشان دى حركة دفاعية يعنى عاوزين يبانو فى موقف أنهم كانو مظلومين و مأمورين و يبينو أنهم من طوائف الشعب و كل دة لكسب تعاطف الناس معاهم . بصراحة حاسس أنها حركة لئيمة بس مفقوسة و باينة قوى أنها مسح جوخ
اقول لحضرتك رايي بصراحة وقلته من قبل وما زلت مصمم عليهاقتباس:
المشاركة الأصلية كتبت بواسطة tlrsiap
دلوقت وقت حرج جدا لاقصي درجة في تاريخ مصر والمطلوب بعد ما خرجنا وغيرنا النظام اننا نبني بلدنا علشان تبقي افضل لو كل واحد فينا خرج وعمل مظاهرة علشان مرتبه يزيد طيب مين اللى هايشتغل ؟ طيب البلد هاتبقي احسن ازاي ؟ وخصوصا ان اللى بيتظاهر لازم يقف في مكان يعطل فيه المرور ويعطل بقية الناس عن عملها وبالتالي الدولة كلها الىل المفروض بقت بتاعتنا بتتعطل و ده بيقلل الانتاج بشكل رهيب في المقابل لو زادت مرتبات الناس كلها في ظل انخفاض الايرادات هايحصل تضخم والاسعار ترتبع جدا يبقي معملناش حاجة كنت بتقبض الف جنيه وتشتري احتياجاتك الاساسية هايزيد مرتبك يبقي 3 الاف جنيه ومش هتقدر تشتري الاحتياجات الاساسية نفسها
واه الشرطة بتصطاد في المية العكرة واي حد يتظاهر دلوقت علشان مصلحته الشخصية بيصطاد في المية العكرة ليه لانهم بيستغلوا حالة الضعف الداخلي اللى الدولة بتمر بيها علشان يحققوا مصلحتهم هما مش مصلحة البلد ولو الحكومة وافقت دلوقت على كل مطالبهم هايحصل تضخم رهيب وبردو كلنا هانخسر علشان موظف البنك يزيد مرتبه من 4 الي 10 لااف جنيه وبتاع الاتصالات تبقي علاوته لا تقل عن 200 جنيه وبتوع شركة بتروتريد بتاعة البترول يقبضوا 10 الاف جنيه او معرفش مطالبهم ايه هما كمان
وبقول للجميع وانا اولهم نشتغل الاول ونزود الانتاج بتاعنا والبلد تقف علي حيلها ووقتها نطلب بحقوقنا
لكن نطلب حقوقنا واحنا مش بنقوم بواجباتنا فمرفوض تماما
زي طالب الامتحان بعد اسبوع وعايز يطلع رحلة يومين ويقول حقي لانى مخرجتش طول السنة طيب يا سيدي عدي الامتحانات وابقي اطلع الرحلة ومش يومين بس لا اطلع رحلة اسبوع لكن بعد الامتحانات
لو اناغلطان حضرتك صحح لي
يا دكتور محمد انا مش باناقشك بهدف غلط او صح , انا فعلا باحاول افهمك اكتر لأني اقتنعت اني مش فاهمكاقتباس:
المشاركة الأصلية كتبت بواسطة dr-mohamed
الأول بصراحة كنت حاسس انك مع النظام السابق , لكن مؤخرا بدأت اراجع نفسي في النقطة دي
عايز اسألك سؤال كمان قبل ما اكمل
هل حضرتك من الناس اللي شايفين ان مصر لازم تكون كويسة و حلوة و متحضرة و متقدمة ,,,,, و مش شرط ان ده ينعكس بالخير على كل اللي فيها او على الأقل مش مشكلة لو اتأخر عليهم شوية ؟
هههههههههههههههةاقتباس:
المشاركة الأصلية كتبت بواسطة tlrsiap
يا راجل يا طيب فيه حد ضد النظام السابق ويخرج كل المظاهرات ضده ومن قبل ما ناس هنا في المنتدي تتولد كمان وكل المظاهرات من 25 الى 28
مصر عمرها ما هاتبقي كويسة وحلوة ومتقدمة ومتحضرة وكلنا خارجين مظاهرات وبنعطل الطرق والمصالح علشان نزود مرتباتنا والعلاوات وناخد شقق من المحافظة
مصر هاتبقي كدة لو كل واحد فينا قام بدوره في مكان عمله
لو انتاجية العامل المصري ارتفعت من 37 دقيقة - و دي احصائيات مؤكدة ومن مصادر علمية متعددة ومتنوعة - الى نسب قريبة من المعدلات العالمية
بعدها من حقنا كلنا نطالب بحقنا ومن حقنا يبقي لينا نصيب في ثروة بلدنا
انما نخربها ونقعد على تلها ونقول لا لازم تزود مرتبي الاول وبعد كدة اشتغل يبقي البلد هاتخرب
تخيل حضرتك ان العاملين في المياه والكهرباء والاتصالات اضربوا ورفضوا العمل الا بعد زيادة مرتباتهم هاتبقي الحياة في مصر عاملة ازاي وقس على ذلك باقي الاعمال
انا مع ان كل فرد يحصل على نصيب عادل من ثروة البلد لكن بعد ما يقوم بدوره الاول
احنا مرتباتنا لم تزد من السبعينات ومن سنين بنطالب بزيادتها لكن دلوقت لا دلوقت البلد وبس
للأسف مش ذنبهم
الحل من وجهة نظري وبببساطة
طلبات تقدم بما يشتكو منه الى الوزير المختص......والصبر قليلا على المسؤلين لتصحيح الأوضاع دون تعطيل عجلة الأنتاج
+1اقتباس:
المشاركة الأصلية كتبت بواسطة m.osman
فيه ناس منهم اتظاهرت جوه اماكنهم + ان فعلا رواتبهم معدمة
و منهم ناس برضه كانوا فى التحرير
يا جماعة دول لسة مصرين للأن على موقفهم المعارض للثورة و يحاولون تدمير الثورة بهذه الأفعال... و يجب الحذر من هذا
الموجودين بالتحرير ينظفون الميدان و المعتصمون ينتظرون تعهداً من الجيش بالوفاء بأهداف الثورة من حالة الطوارىء و حكومة الإئتلاف و إقالة الوزارة الحالية ..... و لا نلومهم على ذلك و قد بدأوا يتمركزون في إعتصامهم في الحديقة ( لا أعلم تفاصيل المكان ) حتى لا يعطلوا مصالح الناس ....... حتى الأن الجيش أقر بشرعية المطالب و لكن لم يبدي إنضمامه للثورة....
حيادية الجيش كانت واجبة أثناء أحداث الثورة قبل تنحي الرئيس و لكن بعد التنحي كان من المفترض أن يتبناها الجيش ... حتى لا يشعر الناس أنه كان جزء من النظام الأمني لمبارك
لاحظوا أيضاً أن وجود مبارك على أغلب الظنون في شرم الشيخ يثير حفيظة الناس و يسبب فعلاً عدم الإستقرار..... و معظم الأمور سوف تستقر إذا بدأ إجراءات محاسبتته أو محاكمته ليكون عبرة للأتي من الرؤساء
هذا رأيي
في مصنع اخويا ( أدكو ) للأدويه العمال اوقفوا الماكينات وطردوا مديرة قطاع بالشركه واعتدوا على الاداريين شغل بلطجه وعدم ثقافه
هانبدا حملة تشكيك في الجيش ولا ايه الحكاية ؟اقتباس:
المشاركة الأصلية كتبت بواسطة gassarian
موظفين :
انتاجية = 0
تعليم = 1/2 متعلمين مع ان بعضهم بكالوريوس أو ليسانس ... وفيه حاملى دكتوراه كمان
وعاوزين حقوقهم