استشارة من اصحاب الاوبترا

**temo85** · 13-02-2011 03:12 PM

السلام عليكم ورحمة الله ، ياجماعه انا معروض عليا اوبترا 2009 ماشية 50 الف ياريت ياجماعه حد يعرفني ايه المشاكل اللي فيها انا سمعت عن موضوع علبه الدركسييون و العفشه هل العيوب دي موجودة في الموديل ده ولا في الموديلات اللي قبل كده ياريت ياجماعه حد يرد عليا بسرعه عشان لازم اخد القرار بسرعه واكون شاكر جداً

**mhmdalsaadany** · 13-02-2011 08:49 PM

الكشف على العربيه وحاله العربيه هو اللى بيحدد
ممكن تكون في عيوب في الاوبترا عموما ولكن فرديه مش شرط تكون في كل العربيات
فانت احسن حاجه تكشف على العربيه في مكان محترم ويستحسن في التوكيل عشان تكزن مطمن على فلوسك ومتنساش الاستخاره

**aymanmaly** · 13-02-2011 09:48 PM

بص يا استاذى العربية لا غبار عليها
يعنى انا عربيتى عاملة اكثر من 80000 و لسة الايام دى بفكر اغير حاجات فى العافشة
و موضوع علبة الدركسيون ظهر كحالات فردية و الى ظهر عندة بان من اول 15000
الغربية جيدة جدا
بس فية ملحوظة مهمة
العمر الافترادى للعربية بيحددة طريقة سواقة صاحب السيارة و عمل الصيانة فى مواعيدها
بالنسبة المستعمل بصفة عامة انت ماتعرفش االمالك القديم كان محافظ عليها ولا هاين العربية و طريقة سواقتة
على العموم اتأكد الضمان مختوم فى الصيانات الدورية ولا كان مكبر دماغة
و اضم صوتى لاستاذ محمد انك تكشف عليها فى التوكيل دة اضمن مكان

**mhmdalsaadany** · 13-02-2011 10:34 PM

الله ينور عليك يا ايمن باشا

**aymanmaly** · 14-02-2011 12:09 AM

ربنا يبارك فيك يا محمد باشا

**mhmdalsaadany** · 14-02-2011 05:19 AM

وعليك يا عمدتنا

**temo85** · 14-02-2011 11:38 AM

الف شكر ياجماعه على الردود , معلش انا عاوز اسأل على موضوع كده فى ناس بتقولى بلاش بيع و شراء فى الظروف الحاليه للبلاد!!! انا يمكن اكون مش فاهم ليه بيقولوا كده فياريت حد يقولى ليه و اشمعنى وايه الضرر اللى ممكن يحصل للبايع و المشترى و نقطه تانيه صاحب السيارة بيقولى ان الريموت بتاعها ضايع و انه بيتعمل فى التوكيل ب500 جنيه انا اللى فهمته من المنتدى هنا ان الريموت فى المفتاح يعنى حاجه واحدة ولا ايه ؟؟ وهل دى تكلفته فعلا لو كلامه صحيح , أسف للاطاله

**aymanmaly** · 14-02-2011 12:39 PM

بالنسبة لمفتاح العربية الريموت و المفتاح بيتعملو فى المركز بس فية قطعة المونيوم فيها رقم لازم تكون معاك علشان الرقم دة هو الى بيطلع بية المفتاح
انا معلوماتى انة ب 650 ج
بس يستحسن تكلم خدمة العملاء على الرقم المختصر 16424 و تسئل تانى يمكن فية اختلاف فى الاسعار
و لو الكود الى على القطعة الالمونيوم مش موجود اسئل على الحل
لكن اظن انة هايكون فى محلات عمل المفاتيح اقل من ذلك ولا يختجو الكزد الالمونيوم و يستحسن السؤال فى هذة المحلات
و ارجو لو وصلت لحاجة فى موضوع المفتاح تكتب الى وصلتلة لعموم الافادة للجميع
بالنسبة للعربيات و اسعرها الفترة الجايية محدش فاهم حاجة فدى اول مرة نشوف ثورة من هذا النوع بس اتوقع( و ليس معلومة اكيدة) ان بسبب سعر الدولار هاترتفع اسعار السيارات .
مش هاقدر انصحك اشترى دلوقتى ولا استنى
بالتوفيق فى القرار السليم

**mhmdalsaadany** · 14-02-2011 11:21 PM

اعتقد لو هتشتري زيرو مفيش مشكله لكن لو مستعمل استنه لما ظروف البلد تستقر شويه ودا رسك برضه لان ممكن ترخص وممكن تغلى

**temo85** · 15-02-2011 12:18 PM

بص ياباشا امبارح كلمت سمير ريان قالى ان كل العربيا اللى جايالوا جديد سعرها هيكون اغلى من الأن و قالى ان غبور رفع أسعار الهيونداى من دلوقتى و انا دخلت على كونتاكت كارز و لاقيت فعلا سعر الاكسنت زاد !!!!! احتمال ان الاسعار تقل ده ضعيف جدا من رأى

الموضوع: استشارة من اصحاب الاوبترا

LinkBack

أدوات الموضوع

عرض

-

-

-

-

-

-

-

المواضيع المتشابهه

استشارة من اصحاب الاوبترا

استشارة من اصحاب الخبرة

استشارة من اصحاب الميجان

استشارة يا اهل الاوبترا

يا اصحاب الاوبترا سؤال مهم جدا اجروكم افيدونى

الكلمات الدلالية لهذا الموضوع

المفضلات

المفضلات

ضوابط المشاركة