العربية دى محدش بيتكلم عنها لية
هى وحشة ولا محدش بيشتريها
لو حد عندة تجربة معاها يقول عشان الواحد يستفيد
لاننى شايف ان فرق سعرها عن الانوس الكاملة مش كتير
وايه مواصفاتها باطبط
عرض للطباعة
العربية دى محدش بيتكلم عنها لية
هى وحشة ولا محدش بيشتريها
لو حد عندة تجربة معاها يقول عشان الواحد يستفيد
لاننى شايف ان فرق سعرها عن الانوس الكاملة مش كتير
وايه مواصفاتها باطبط
انا استلمت الافيو النهارده بس لسه ما جربتش يادوبك رجعت بيها من المعرض بس الانطباع الاول كويس انا كنت ناوى على الاسبيرانزا بس لما لقيت المعارض مستهبلة فيها ووصلت سعرها ل 70000 وكمان مش اللون اللى انا عايزه وفضلت مستنى اسبوع عشان اللون ومفيش ولقيت الافيو سعرها نزل 72000 عشان المعرض قولت خلاص على البركة المهم اوعدك حاجرب واحكيلك التجربة كاملة
الف مبروك يا باشا وربنا يعطيك خيرها ويكفيك شرها وعندى سؤال لو سمحت انته جبتها منين بالسعر ده انا سالت فى التوكيل قالولى ان ثمنها 74000 ؟ وكمان فى المعرض هى قسط ؟
وكمان انا ركبت العربية بصراحة لقيتها جميلة اوى بس الى معجبنيش حاجتين اول حاجه الزجاج الخلفى يدوى ثانيا وضعيه المقدمة فى السيارة منخفضة لدرجة كبيرة بحيت لا يمكن مشاهدة مقدمة السيارة اثناء القيادة . هذا انطباعى عنها - ياريت اسمع تعليق حضرتك لانى بصراحة بقارن بينها وبين الشيرى 15 ومحتار جدا - وشكرا
هى فعلاً قسط من معرض اسمه الفادى فى مدينة نصر والناس فى التوكيل بخله شوية ومش جايبين الزجاج الخلفى كهربا والكبوت منخفض اوى بس انا بقالى يومين وتقريباً اتعودت على ابعاده فا مفيش مشكلة حتتعود وبالنسبة للشيرى 15 انا شوفتها فى المعرض وهى هايلة برضه فى الاوبشنز بتاعتها بس ماقدرش احكم عليها عشان ما جربتهاش بالنسبة للافيو الحمدالله العربية حلوة جداً السحب هايل موتورها موتور دايو ETCH II التابلوه بتاعها شكله لذيذ بس ما نكرش ان الاسبيرانزا كان عاجبنى التابلوه بتاعها اكتر . شكلها من بره جامد جداً كنت فاكر ان هى صغيرة من جوه بس لا انا سايق مستريح وانا طويل واللى قاعد ورا واخد راحته التكييف جربته شوية برضه هايل بس ماشغلتوش كتير عشان قالولى فى المعرض بلاش اول 1000 تشغل التكييف عزل الصوت فيها كويس بمجرد ما بتقفل الزجاج ما بتسمعش حاجة بره حاجة كمان ان التوكيل جايبها بكاسيت عادى مش CD وده منرفزنى اوى انا عملت 200 كيلو تقريباً ولسه حاكمل تجارب واقولكو
العربية دي كان نفيسي أسوقها و كل معلوماتي عنها إن محركها هو نفس محرك الانوس
بس أنا رأي الشخصي إلي عنده 71.000 يشتري بونتو أنا قرأت عنها في المنتدى و هي نزلة إيطالي الشكل القديم ( مش جراند ) كاملة و بالسعر المذهل ده
الف شكر لكل الردود و فى انتظار الباقى و الف مبروك على العربية
شكرا للاستاذ جبلى على الرد وربنا يباركلك فيها ويكفيك شرها ويعطيك خيرها والحمد الله استقريت واشتريت شيرى a15 عربية تحفة بجد فول اوبشن (سحب - كماليات - عفشه - موتور ) هايلة فعلا وربنا يباركلى فيها . وشكرا للجميع .
الف مبروووك ربنا يعطيك خيرها ويبعد عنك شرها
مبروك عليك عربية متوسطة علي اد سعرها ده رأيي