أحذروا ثورة الجياع بدأت بالأسكندرية

**Mostafa.Mahran** · 13-02-2011 06:01 PM

فعلا يا دكتور شهدى امبارح و انا فى المنشية كنت بركن العربية لقيت كائن غريب طلعلى و بيقولى الركنة هنا ب2 جنيه قلتله اشمعنى يعنى قالى علشان هنا جراج و احنا بناكل عيش منه قلتله ولا تزعل نفسك يا سيدى خد 3 جنيه اهم كمان بس خلى بالك من العربية قالى متخافش يا دكتور فى عنيا
دلوقتى علشان والدتى كانت معايا مينفعش اتكلم و حتى لو لوحدى مش هنزل لمستوى الناس دى
لازم طبنجة و اليكتريك و سيف و شومة علشان تعرف تمشى فى الشارع

**dodino2006** · 13-02-2011 06:02 PM

و غير كمان تعلية المباني, كمية رهيبة من الاراضي الزراعية تم البناء عليها أو تبويرها, كله بيلحق يعمل الغلط اللي نفسه فيه دلوقت علشان يثبت عليه لما النظام يرجع (النظام العام يعني, مش نظام مبارك ههههههه)

طيب حضرتك يا أ/شهدي معرفتش هما كان ليهم طلبات معينة و لا هي مجرد مظاهرة و خلاص ؟؟

.

**Ahmed Eraqy** · 13-02-2011 06:12 PM

سمعت ان شابة في منطقة شوتش تم خطفها

نزلت امبارح و مرجعتش و يرجح انها خطفت فياريت كلنا نخلي بالنا

لازالت الشرطة مش موجوده و لا يزال البلطجية و الحرامية مليين البلد

**waleedraafat** · 13-02-2011 06:21 PM

الكلام ده حصل برضه في القاهرة ، تجمعات من البلطجية تحطم زجاج السيارات في مسيرات جماعية في حي الزيتون

من الواضح ان فلول النظام السابق من رجال المباحث والامن السري او رجال الاعمال يحاولون اثارة البلبلة واخافة المواطنين ونشر عدم الامان ، يا جماعة دي فئة من ابشع وازبل ما خلق الله مجرمون بحق وربما يرغبون في الانتقام من الشعب الذي اسقط سلطانهم وهدد مصالحم المريضة

لا تخافوا، دي بس حلاوة الروح

**Ralliart** · 13-02-2011 06:22 PM

الفوضى في القاهرة وصلت لان التكاتك بتحمل دقي وجيزه وهرم وجامعة الدول !!
امبارح شفت تكتك خبط عربيه في شارع البطل احمد عبد العزيز وطلع يجري
كل ده وعساكر المرور واقفين بيتفرجو
الوضع خطير ولو اتعودو مش هيبطلو وهنلاقي التكاتك على الشوارع الرئيسية كلها

**أحمد كمال** · 13-02-2011 06:33 PM

بلاش سلاح حي

لو اتمسكت بيه في لجنة جيش اليومين دول و غير مرخص هتت....*

**gassarian** · 13-02-2011 06:37 PM

هؤلاء فلول النظام الساقط...... يحاولون إبتزاز الثورة الشعبية البيضاء

اللهم خلصنا منهم هؤلاء الخونة جميعاً

**gassarian** · 13-02-2011 06:39 PM

أسف .. و تشويهها أيضاً..... مازالوا موالين لمن كانوا يلقون إليهم بالعظام البشرية ليأكلوها .. كلااااب من صنع النظااااام

**ashouhdy** · 13-02-2011 07:06 PM

مكنش فى اى طلبات دول مجموعات تقدر ب 200 او 300 على اقصى تقدير طلعوا فجأة من غير اى سابق انذار النهاردة 1 ظهرا

مفيش يفط ولا مطالب .... دول حوش وناس من اوطى قاع فى المجتمع مناظر بشعة وجوة مشوهة اسنان متكسرة حسيت انهم الزومبى او اكلى لحوم البشر اللى فى افلام الرعب والله

كل اللى على لسانهم وهم بيرزعوا على اسقف العربيات و الكبوت احنا مش لاقيين ناكل وانتم راكبين ملاكى لييييية دى فلوسنا اللى شفطوها

انا باين حعلق يافطة على العربية اكتب -- عليها أقساط -- ولو انى اشك انهم بيعرفوا يقروا اصلا

معتقدش ان الشومة او اليكتريك ينفع ... دة لازم سلاح حى عشان يهربوا ... مانا معايا اليكتريك بس لو كهربت واحد حتلاقى 10 نططوا عليك

وعلى فكرة اللى خلانى اعدى بسلام انى معملتش حاجة هبد و خبط ياعم براحتك ومشيت شوية شوية وفركت وجرييييت

هم كانوا فعلا مستنيين ذى ماقلت حد ينزل يجادل معاهم و ووقتها ...........

أنا بس بحذر الناس ... منخليش الفرحة وكلام انا مصرى وبنحب بعضينا ينسينا ان فى ضباع وسطينا لا بتتعترف بأخلاق او عقل ممكن يكون الجوع الله اعلم

واللى مجننى ان مفييييييش شرطة .. دة مفيش قسم اصلا !!!!!!

الموضوع: أحذروا ثورة الجياع بدأت بالأسكندرية

LinkBack

أدوات الموضوع

عرض

-

-

-

-

-

-

المواضيع المتشابهه

حكومة ثورة وإلا ما نراه من ثورة على الحكومة

لماذا لن أشارك في ثورة الغضب الثانية المزعومة الجمعة 27مايو(ثورة سرقة نتيجة الإستفاء)

من أنتم؟ أين كنتم عندما كان يطلق علينا الرصاص في ميدان التحرير؟ إلى الأمام ثورة ثورة

أحذروا ثورة الجياع بدأت بالأسكندرية بغلق شارع فؤاد

الكلمات الدلالية لهذا الموضوع

المفضلات

المفضلات

ضوابط المشاركة