هل التورتة اصبحت جاهزة لأميريكا و اسرائيل

**otefa** · 13-02-2011 09:51 PM

المشاركة الأصلية كتبت بواسطة medokimo

الفيديو فعلا مفيش فيه مشكلة زي ما حضرتك قلت

وبالنسبة للـfacebook متهيالي انه فعلا هيكون ليه تاثير كبير في اي انتخابات قادمة

حتى لو كان عن طريق الفيس بوك أنتم متوقعين أن التعديلات الدستورية والحزبية هاتسيب الموضوع سبهلله!
أكيد لأ طبعا هاتلاقو المرشحين في الأخر متقاربين وفيه نقاط ثابتة لايمكن هايتجاوزوها .........الخطوط العريضة للسياسة الداخلية والدولية..........ونصبر نشوف الدنيا هاتمشي أزاي

**medokimo** · 13-02-2011 09:56 PM

المشاركة الأصلية كتبت بواسطة otefa

حتى لو كان عن طريق الفيس بوك أنتم متوقعين أن التعديلات الدستورية والحزبية هاتسيب الموضوع سبهلله!
أكيد لأ طبعا هاتلاقو المرشحين في الأخر متقاربين وفيه نقاط ثابتة لايمكن هايتجاوزوها .........الخطوط العريضة للسياسة الداخلية والدولية..........ونصبر نشوف الدنيا هاتمشي أزاي

تقريبا حضرتك فهمتني غلط
انا قصدي الدعاية الانتخابية علي الـ faccebook ومش فاهم ايه علاقة التعديلات الدستورية بالدعاية

**kono** · 13-02-2011 10:00 PM

الفيديو عادى جدا والناس دى بنى آدمين زيهم زى أى انسان فينا
لازم يهزورا ويخففوا عن نفسهم شوية
وحكايات ان الانتخابات تبقى على الفيس بوك دى دعابة
اما نظرية المؤامرة اللى النظام القديم كان كل ما يحب يفرض سيطرته على الشعب ينشر الادعاءات والاشاعات
سؤال صغير جدا ليها:
ليه قبل الثورة مسمعناش عن أى توتر للعلاقة بين مصر من جانب وبين اسرائيل وامريكا من جانب اخر ؟؟؟؟؟؟؟؟؟؟
اعتقد ان مصر كانت حليف قوى جدا للاثنين خصوصا اسرائيل
ده نتنياهو الوحيد اللى كان بيدعم مبارك طول الأزمة

كفاية كده اتباع نظريات النظام القديم الفاشل
كفاية فرحة بالحرية
لازم نتكاتف ونعمل على جعل مصر من دولة فى مركز متأخر من العالم الثالث الى دولة متقدمة

**otefa** · 13-02-2011 10:05 PM

المشاركة الأصلية كتبت بواسطة medokimo

تقريبا حضرتك فهمتني غلط
انا قصدي الدعاية الانتخابية علي الـ faccebook ومش فاهم ايه علاقة التعديلات الدستورية بالدعاية

أنا با أكمل في أطار مشاركتك.........توضيح مش أكتر تحياتي

**m_car** · 13-02-2011 10:05 PM

انا مش فاهم ليه بنحب اننا ندخل جوه عقلنا حاجات غريبة
وفيديو ايه ده وايه المشكلة اللى فيه وبعدين اصلا عمر ما ينفع وائل يمسك مصر مش للدرجة دى اولا لاسنه ينفع ولا قانونا ولا دستوريا حاجات كتير

وبعدين احنا ليه بنكره طعم الحرية ويقولك امريكا واسرائيل واسطول واقف على البحر ومعاه منجانيق ومستنين الاشارة

ياجماعة الحرب مبقتش دلوقتى بسلاح ودبابة الحرب بقت اقتصاديا وحاجات كتير

بالعقل لو اسرائيل جات وعاوز تحتل مصر ايه وجه الاستفادة لما يجى ياخد بيتك ها رد عليا ؟؟؟؟؟؟

هما اسعد حاجة ليهم بقاء النظام الفاسد السابق تصدير غاز بيع اراضى (( ابحثوا عن موضوع اسمه وجيه سراج )) راجل يهودى اشترى 550 فدان فى سيناء وحصلت مشاكل طلب تعويض 350 مليون تعويض فى هنا احسن من كده

فوقوا بقا يا مصريين كفاية بجد لازم نشغل عقلنا اللى بقاله30 سنة واقف لحد ما قرب يصدى

وبعدين ايوة الفيس بوك هيكون مؤثر جداااااااااا فى الانتخابات اللى جاية

**otefa** · 13-02-2011 10:06 PM

المشاركة الأصلية كتبت بواسطة kono

الفيديو عادى جدا والناس دى بنى آدمين زيهم زى أى انسان فينا
لازم يهزورا ويخففوا عن نفسهم شوية
وحكايات ان الانتخابات تبقى على الفيس بوك دى دعابة
اما نظرية المؤامرة اللى النظام القديم كان كل ما يحب يفرض سيطرته على الشعب ينشر الادعاءات والاشاعات
سؤال صغير جدا ليها:
ليه قبل الثورة مسمعناش عن أى توتر للعلاقة بين مصر من جانب وبين اسرائيل وامريكا من جانب اخر ؟؟؟؟؟؟؟؟؟؟
اعتقد ان مصر كانت حليف قوى جدا للاثنين خصوصا اسرائيل
ده نتنياهو الوحيد اللى كان بيدعم مبارك طول الأزمة

كفاية كده اتباع نظريات النظام القديم الفاشل
كفاية فرحة بالحرية
لازم نتكاتف ونعمل على جعل مصر من دولة فى مركز متأخر من العالم الثالث الى دولة متقدمة

وهل تعتقد بتغيير في ذلك في القريب العاجل أسيبها لفطنتكم

**Ralliart** · 13-02-2011 10:11 PM

لو السؤال عن الفيس بوك
ايوه الفيس بوك من وسائل الاعلام زي اي حاجة تانية بس الفرق انه مش تحت سيطرة جهة معينة فكله بيتكلم بحرية مش زي التلفزيون وشركات الاعلام كانت بتعلن للحزب الوطني فقط وكان بقية المرشحين بيكتفو بلوح قماش في الشوارع ترجعك لحقب الستينيات
ده انسب وقت للإعلام والإعلان الالكتروني
يبقى اكيد هيكون ليه تأثير كبير

**zkralla** · 13-02-2011 10:13 PM

يا باشا ازاى مؤامره بس
الى حصل ده على عين اسرائيل وبالتالى امريكا
لانهم فقدوا حليف مهم جدا
لان دوله اسرائيل فى عهد مبارك مكنتش من اعداء مصر لكن كانت دوله اسرائيل الشقيقه الى بنديها غاز بملاليم واسمنت وحديد وبترول وبنحاصرلهم اهالى عزه ونقفل ليهم المعابر عليها ,,,, الخ
اسرائيل وبالتالى والدتها امريكا من اكثر من تضرر من رحيل نظام مبارك وبالتالى من المستحيل ان اسرائيل كانت ليها يد فيما حدث

**kono** · 13-02-2011 10:16 PM

المشاركة الأصلية كتبت بواسطة otefa

وهل تعتقد بتغيير في ذلك في القريب العاجل أسيبها لفطنتكم

مستحيل تتغير فى القريب العاجل
واللى هيحاول يعمل كده يبقى عنده غباء سياسى
احنا فى موقف ضعف الوقت غير مستعدين لاى حروب او غيره
وأعدوا لهم ما استطعتم من قوة

**Bishoy.Girgis** · 13-02-2011 10:20 PM

المشاركة الأصلية كتبت بواسطة ralliart

لو السؤال عن الفيس بوك
ايوه الفيس بوك من وسائل الاعلام زي اي حاجة تانية بس الفرق انه مش تحت سيطرة جهة معينة فكله بيتكلم بحرية مش زي التلفزيون وشركات الاعلام كانت بتعلن للحزب الوطني فقط وكان بقية المرشحين بيكتفو بلوح قماش في الشوارع ترجعك لحقب الستينيات
ده انسب وقت للإعلام والإعلان الالكتروني
يبقى اكيد هيكون ليه تأثير كبير

100% حضرتك فعلا وصلت لمقصدي الرئيسي

طيب ... بما ان الفيسبوك هو اللي هيكون له تأثير كبير
من اين هنجيب الـ cv بتاع كل مرشح للرئاسة
يبقي لو جروب من الجروبات القوية اتفقوا ان ينتخبوا رئيس
يبقي كده ممكن التأثير من خلال الفيس بوك.... الشباب يقولوا أأأأأأأمين
هل هي دي الطريقة المثلي في الاختيار
يبقي انا لازم اخاف من النقطة الخطيرة ديه
يا جماعة احنا بنتناقش لأن الحرية بقت في ايدينا و عايزيين نشوف الطريقة الصحيحة لأختيار رئيس الجمهورية
و اللي اهم كمان هما نواب مجلس الشعب اللي المفروض هيمثلونا

الموضوع: هل التورتة اصبحت جاهزة لأميريكا و اسرائيل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

شقة للتمليك بمدينتى 88 متر جاهزة للسكن

العربية جاهزة علي تعديل الفرمل

بعد موضوع التوكيل كدة برسونتى جاهزة للتظبيط

رينجات جاهزة

اسبرانزا \ شيري A3 جاهزة للتصنيع

الكلمات الدلالية لهذا الموضوع

المفضلات

المفضلات

ضوابط المشاركة