الموضوع: غدا ثورة ظباط الشرطة فى الثانية عشرة ظهرا

المشاركة الأصلية كتبت بواسطة baskota

غدا الاثنين الساعة 12 ظهرا مظاهرة سلمية امام مديرية الامن لضباط الشرطة والعساكر والامناء،...،
وقبل اى هجوم ورفض منكم بلاش ننسى ان مش كلهم وحشين وان فيهم ناس شرفاء جدا وغلابة اوى بس الفئة القذرة فيهم للاسف هى اللى بتظهر وتسئ للجميع

ما دمنا بنطالب بالحرية والديمقراطية يبقا لازم نعترف ان من حقهم يتظاهروا ويطالبوا بحقوقهم
بدون اى هجوم عليهم او حرمان اى مواطن مصرى من هذا الحق

هل تعود ثقتك مع من لم يخطأ منهم وتظر براءته ؟
وهل تتسامح من اخطا واعترف بخطئه ؟

ودى مطالبهم فى المظاهرة

1- تطبيق قانون العمل المصري علي ضباط الشرطة شئنهم شئن العاملين بالقطاع العام والخاص
وذلك تحديدا في عدة نقاط؛

أ.عدم ألغاء الراحات الاسبوعية تحت اي ظروف

ب.الحصول علي الاجازات السنوية كاملة وفق قانون العمل دون قيود وكذا الاجازات الرسميه سواء في موعدها او مؤجله

ج.تحديد ساعات العمل بحد اقصي 8 ساعات وما هو فوق ذلك يكون بأجر مستحق

2- زيادة المرتبات بما تحقق معيشه كريمة للضباط واسرهم

3- الغاء المبالغ المالية المطلوبة في حالة تقدم الضابط بإستقالته والمبالغ فيها و كذا تمتع الضابط المستقيل بمميزات الضابط العامل في حالة استكماله عشره سنوات عاملا بوزارة الداخلية

4- الغاء التمديد بعد سن الستين

5- عمل مؤتمر صحفي برئاسة وزير الداخلية لتوضيح حقيقة الاحداث الماضية و موقف قيادات الشرطة ومسؤليتهم عن الاحداث و تكريم شهداء الشرطة و تصحيح الصورة لابناء الشعب المصري

6- تقديم وزير الداخلية السابق/حبيب العادلي لمحاكمة عسكريهةعاجلة لتسببه بشكل كبير في فقدان الثقة بين الشرطة والمواطنين

7-تقديم القيادات التى تخلت عن ضباطها فى الاحداث وتركوهم دون قيادة او مصدر معلومات او اوامر للمحاكمة السريعة والعلنية ليعلم الشعب كل من بذر بذرة شيطانية اثمرت شجرة خطايا فى حق هذا الشعب العظيم
وصلاة الغائب على روح كل الشهداء الشرطة والتحرير
والله المستعان

كان في مظاهره لهم النهارده عند الشيراتون
كل المطالب مشروعه
ودي فرصه لتحسين الصوره طبعاً
بس اعتقد مش هيقدروا ينفذوا مطلب رقم 5 ورقم 7
ولو حاولوا مش هيكون بالشفافيه والمصداقيه المطلوبه

اهم حاجه دلوقتي يابسكوته المظاهره فين في القاهره؟