الف مبروك عليك .... العربيه ممتازه انا جبتها من 6 شهور و ماشاء الله عليها فيها كل اللى انت عاوزه
الترخيص هيتكلف حوالى 650 جنيه بالرشاوى و الشاى و الدخان و الكلام ده :) ده كان قبل الثوره ... المفروض بعد الثوره الكلام ده يكون اتلغى بس انت و حظك بقى
اهم حاجه متزودش عن 60 فى اول 1000 كيلو علشان التليين
و انا شخصيا بعمل صيانتها لوحدى لأن التوكيل غالى و هيه صيانتها سهله و اى ميكانيكى بيشتغل فيها
عيبها ان نورها ضعيف شويه 40-45 فنصيحه روح لكهربائى و خلليه يعمل لك كتاوت و يركب لك لمبة المانى 120-200 هتفرق معاك كثير
و كمان ممكن تركب لها ارضيه جلد مش هتكلفك كثير لكن هتحافظ على الموكيت و خصوصا اننا فى الشتاء
ربنا يعطيك خيرها و يكفيك شرها