-
سؤال عن الكشف الدورى
بما انى شخصيه من اللى بتكره العيادات وريحه الديتول فى المستشفيات
بحاول دايما ابعد عن الطبيب الا فى حاله الضروره القصوى
بس اسمع عن الكشف الدورى اللى المفروض كل واحد يعمله على فترات محدده
تقريبا سنه او 6 شهور
كنت محتاج حد من الساده الافاضل اطباء المنتدى
يشرح لى موضوع الكشف الدورى واللى بيتم فيه والتحاليل اللى بتتم
ويا ريت افضل الاماكن وسعر تقريبى
وشكرا لكم
-
بص يا باشا .... طول ما حضرتك قاعد جوا البطيخة يبقى كله فى التمام
الاول قول سن حضرتك كام علشان اقدر افيدك فما هو مطلوب فى العشرين بيختلف عن المطلوب فى الاربعين و هكذا
و ربنا يعافيك من كل سوء و يبعدك عن الدكاترة
و اكيد كل واحد بيتمنى الصحة و العافيه و انما المرض ابتلاء من الله و نحتسبه على الله لتكفير الذنوب و رفع الدرجات باذن الله
-
شكرا د.أحمد السعيد على الرد
بالنسبه لموضوع البطيخه ان الاوان انى اخرج منها خلاص
انا سنى 30 سنه
الحمد لله ما اشتكيتش من اى امراض قبل كده الا الحاجات البسيطه
-
ربنا يعافيك من كل سوء
للوقاية اولا : الاعتدال فى الاكل و الشرب و المحافظة على الوزن فى المعقول و تجنب التدخين و المشى و عدم الاعتماد على السيارة كليا
للاطمئنان : طالما مفيش شكوى محددة رأيى الشخصى بلاش تفتح على نفسك فاتوحة
و لو مصر يبقى على الاقل تعمل صورة دم كاملة و تحليل بول و براز سنويا لان دول هم المرآة بتاعة الصحة
و طبعا هتوريهم لدكتور باطنى و يقيسلك الضغط بالمرة و يسمع القلب و الرئتين لطمأنة حضرتك
و ربنا يعافيك و يافينا من كل الامراض
-
شكرا على الاهتمام يا دكتور احمد
Content Relevant URLs by
vBSEO 3.6.0 PL2