الموضوع: كـمـــــــال الجـنـزوري - لمن شاهدة اليوم -

اولا انا بحترم الدكتور الجنزوي كشخص ولكن هل قارن احدكم بينه وبين المهندس حسب الله الكفراوي وبين اللواء احمد رشدي وزير الداخلية حين كلموه في البرنامج امس فرفض الحديث في اي شئ وشكر المهندس الكفراوي واغلق التليفون ؟؟؟؟؟؟؟؟؟
ليس من الشجاعة ان يتكلم احد الان بعد ان صمت لسنوات كثيرة بعد ان اصبح من يقولون عنه الان لا يستطيع الدفاع عن نفسه او لا يستطيع ايذائهم
ليست الشجاعة ان تنتقد مسئول لكن الشجاعة ان تنتقد مسئول وهو ما زال في مركز القوة اما ان تنتقده بعد ان زالت عنه قوته فلا اري فيها شجاعة بل ..................

بالنسبة للدكتور الجنزوري لن اقول لكم سوي امرين:
الاول مشروعات توشكي وشرق التفريعة وترعة السلام كلها مشروعات فاشلة تماما وخسرت الدولة مليارات الجنيهات باسعار التسعينات ووقتها كل الخبراء رفضوها وقالوا انها مشروعات خاسرة وليست لها اي جدوي اقتصادية لكن لان السيد كمال الجنزوري يريد ارضاء الرئيس وقتها اقنعه ان كل مشروع من هذه المشاريع انما هو مشروع قومي سيخلد ذكراه في التاريخ كما ان السد العالي خلد ذكري عبد الناصر في التاريخ المصري

ثانيا ابحثوا عن اسمين فقط على جوجول وابحثوا عن تاريخهما وماذا فعلا ومن كان الحامي لهما هما طلعت حماد وطارق السويسي والاخير هو سبب اقالة الجنزوري وليس كما ادعى انه اقيل لانه كان يتخذ قراراته دون الرجوع للرئيس

المشاركة الأصلية كتبت بواسطة xander2010_evo

أنا مش عارف ليه إتشال
واحد كان هدفه يأسس دولة جديدة بعيدة عن النيل
مجتمع جديد قال "إحنا كنا ساعتها حاجة وأربعين مليون علي حوض النيل وإحنا بردو دلوقتي 85 مليون علي حوض النيل"
بجد الإهمال وااااااااااضح جدآآآ أو "تعمد التسيب" واضح فالزراعة والصناعة فعلآ
راح فين القطن طويل التيلة إللي كانوا عاملين ليه أناشيد ودروس في كتب إبتدائي
راح فين القمح إللي كان كل يوم بيتصدر لأوروبا علشان الناس الجعانين إللي هناك زمان
أنا أتمني الراجل ده يرشح نفسو فالرئاسة هوا أو عمرو موسي علشان أديلو صوتي
أو حتي يبقي وزير أي حاجة فالدولة الجديدة
خسارة واحد بالكفاءة دي يروح هدر

اقرا مشاركتي وانت تعرف هو اتشال ليه
مجتمع جديد يبقي امتداد للنيل وليس في اعماق الصحراء
وهو عمل ايه للزراعة والصناعة ؟؟؟؟؟؟؟؟ لا شئ
والقطن والقمح اللى بيتغني بيهم كان محدد وقت ما كان رئيس للوزراء زراعتهم ولم يتوسع فيهم مثله مثل من قبله ومثل من بعده
وبدل ما ضيع مليارات على الدولة في مشاريع فاشلة زي ترعة السلام اللى كان المفروض توصل مياه النيل لاسرائيل كما كان التخطيط - واخد بالك اسرائيل - كان المفروض لو عايز يعمر سيناء فعلا ان يتوسع في زراعة اشجار النخيل لانها تتكيف مع البيئة الصحراوية ولا تحتاج لكميات كبيرة من المياه وعائدها الاستثماري جيد جدا
وكان يتوسع في الاستصلاح في الصحراء الغربية الاقرب جدا للنيل والاسهل والاوفر في الاستصلاح الزراعي

المشاركة الأصلية كتبت بواسطة som3aa

اعتقد الكلام دا مظبوط و خصوصا على ما سمعت طلعت حماد , موضوع توشكى دا محير فعلا انا مش خبير علشان اعرف هو مشروع فاشل فعلا و لا هما اللى بوظوه و مشروع سيناء برده لان كل الكلام دا مش تخصصى خالص.

الله اعلم الحقائق فين لان حضرتك جبت وجهة النظر المضادة لان فى فساد كتير حصل فى عهده و كان واضح برده بس عموما كدا كدا مينفعش بسبب السن

ولا انا كمان متخصص علشان كدة لما بحب افهم حاجة برجع اشوف اراء المتخصصين فيها ولان المشاريع دي كلها حصل حولها جدل كبير في وقتها كنت بقرا جميع الاراء المتعلقة بها وخصوصا اللى بيقولها ناس متخصصين وكلهم اجمعوا وقتها على فشلها وعلى انها للمنظرة فقط وخسارة بالمليارات باسعار التسعينات لكنه دماغه ناشفة وكان اقنع الراجل الكبير انها هاتخلد اسمه فاتنفذت وبعد كدة وقفوا بعضها بس بعد خراب مالطة
وعهد الجنزوري لا يختلف عن عصر احمد عز في الفساد لكن كل عصر على حسب قيمة العملة فيه يعن عصمت السادات كان رمز الفساد في السبعينات وكل ثروته كانت 300 مليون وفي التسعينات كان طلعت حماد وثروته بكام مليار ثم عصر عز وساويرس وبهجت الفساد بعشرات المليارات

المشاركة الأصلية كتبت بواسطة xander2010_evo

تمام يا دكتور محمد أنا قريت طلعت حماد ده بس صراحة مفهمتش أووي لآني مصدع أساسآ والكلام كتيرر جدآآآ
خناقات ومحافظ دقهلية وكلام كتير جدآآ
وطارق السويسي ده أنا قريت حكاية القبض عليه علشان الآثار بس
بس حتي لو كانوا دوول هما السبب في إقالته
أنا لما سألت الوالد قاللي كانت كل الناس بتحب الجنزوري وكان مخه كمبوتر وبيحفظ الأرقام ومبيحبش يقرأ من الورق
بس الراجل بيتكلم بكل ثقة صراحة وأكيد طبعآ كان ساكت لآنه كان خايف علي حياته الشخصية
زي من شوية كانوا جايبين المهندس حسب الله الكفراوي وزير إسكان سابق تقريبآ بس لحقت آآآخر الحلقة ع الحياة وبردو الناس بتشكر فيه
وواضح إنه راجل محترم بس واضح إنه إتأذي كتير في حياته الشخصية علي حسب قوله هوا ورئيس بنك مش عارف إيه كده :))
بس الراجل واضح إنه لسه لحد دلوقتي خايف "معاه ورق يدين ناس كتيرررر" بس خايف يقدمه
بجد الراجل ده مش عارف لما شفته صعب عليا

طلعت حماد كان في وقته خليط ما بين ذكاء وخبث كمال الشاذلي الله يرحمه وجبروت وغباء وسلطة وثروة احمد عز تخيل بقة اما يبقي فيه خليط بالطريقة دي يبقي ايه يبقي هو ده طلعت حماد
اما طارق السويسي فهو احد كبار مهربي الاثار خارج مصر وكان له شريكتان هما ابنة الدكتور الجنزوري وابنة طلعت حماد وكانت الاثار تهرب في حقائبهما وطبعا يخرجان من صالة كبار الزوار ولا تفتشان وحين اكتشفت القضية كانت سبب عزل الجنزوري من الحكومة
لا اجزم بانه كان يعلم لكن مثلما حسني مبارك مسئؤل عن كل خطايا رجاله وابنه رغم انه قد يكون لا يعلم يكون الجنزوري مسؤل عن خطايا رجاله وابنته حتي لو كان لا يعلم