أحذروا الخطر الداهم رسالة هامة الي كل مسلم

**dr-mohamed** · 14-02-2011 04:59 AM

المشاركة الأصلية كتبت بواسطة m3_dolphen

د. محمد بارك الله فيك على ردودك المميزة والمفحمة لكل من يتكلم بغير علم ..انا كنت لسه هاكتب رد بس حضرتك أثلجت صدرى..

اخوك فى الله محمد محمود

الله يكرمك يا اخي محمد وانا واثق ان رد حضرتك كان هايكون اقوي اكيد عن ردي ومفحم لامثال هذا الكائن الذي لا يستحق ان اصفه بأنه انسان
وهو لعلم حضرتك من طريقته بيتكلم بعلم جدا وفاهم اوي وعلشان كدة بيحاول انه يلبس الباطل بالحق ويظهر كلام كاذب وادعاءات مزيفة في شكل كلام صادق وقول حق ويحاول يحرق ما بين المسلمين والمسيحيين في مصر ويدعي ادعاءات كاذبة ليصدقها من لا يعلم
لا يعلم ان مصر قد تغيرت كثيرا

**dodino2006** · 14-02-2011 08:06 AM

المشاركة الأصلية كتبت بواسطة ralliart

يا ناس مش عايزين نعمل فتنه بعد الروح الجميله اللي شفناها الايام اللي فاتت

الدستور لما بيتعدل فيه مادة بيتعمل استفتاء عليها وبكل بساطه اللي رافض تغيير المادة يشارك في الاستفتاء واللي عايز يغيرها يشارك هو كمان وفي النهاية الشعب بيقول كلمته مش الشيخ محمد حسان ولا مايكل منير ولا اي حد لوحده
انما اللي انا شايفه ان الناس بتختلق أزمه على الفاضي

وطبعاً لازم في النهاية الدستور يكفل الحرية والمساواه والعدل بين الكل لأن ده اللي الناس بتطالب بيه

+1

بدون الدخول في جدال ليس وقته, و لكن من سيحدد المستقبل هو فقط صندوق الاستفتاء و ليس شخص أو مجموعة أشخاص, و بعد فتح أبواب الحوار لجميع الأطراف و الاراء...

دكتور محمد, حضرتك حصرت المطالبين بإلغاء المادة الثانية من الدستور في شخصي "مايكل" و "ساويرس", و لكنك للأسف أسقطت التيار الليبرالي -الذي أنتمي اليه بكل فخر و ينتمي له شخصيات هامة و محترمة كالدكتور أسامه الغزالي حرب- و بالاضافة للتيارات اليسارية و العلمانية من الحساب.... و الي ان يفتح باب الحوار الجاد فلنا حديث أخر.....

.

**yaserbasha2000** · 14-02-2011 08:47 AM

المشاركة الأصلية كتبت بواسطة m3_dolphen

سابعًا: يحتسب الموقِّعون على هذا البيان المقتولين من أهل الإيمان بسبب الاعتداء عليهم -شهداء عند الله تعالى، ويستحق أهلهم تعويضًا عما لحقهم من الخسائر والأضرار في الأنفس والممتلكات.

يعني المقتولين من غير اهل الايمان ميستحقوش تعويض ؟

المشاركة الأصلية كتبت بواسطة dr.amr

مين اللي قال حد يقدر يغير
الماده 2 دي اهم ماده في الدستور

المشاركة الأصلية كتبت بواسطة midohtato

طبعا كلنا موافقين علي البيان

دي لو اتلغت مش اقل من 70 مليون هينزلو التحرير و كلنا اولهم

يا جماعه احنا تقريبا من الفرحه مش مستوعبين اللي حصل و بنتكلم بنفس مفردات و قوانين امبارح
هما مين اللي يغيروا ؟
هما مين اللي يقدروا ؟
هما مين اللي يلغوا ؟

انا لو مش عايز اشارك بدور فعال في العمل السياسي زي اغلب الشعب في اي مكان في العالم اقعد زي الباشا و و اي موضوع كل سياسي او ناشط له رأي يقوله و يقول مزايا رايه والباقيين يفندوا الراي ده و يقولوا رايهم وانا اشوف مين فيهم مقنع بالنسبه ليا و انتخب علي اساس اقتناعي انا مش اقتناع حد تاني

يبقي من النهارده مفيش هما فيه احنا
واللي ميشاركش في اي انتخاب يبقي بيرجعنا لورا

من النهارده مفيش توكيلات علي بياض لحد ايا كان مين هو
من النهارده مفيش نظريه الديكتاتور المستنير العادل
من النهارده مفيش الحاكم الملهم

انا عندي استعداد اغلط وانتخب شارون يحكمني بشرط اني اقدر احاسبه في اي وقت واغيره في اول انتخابات

**Dr Ahmed** · 14-02-2011 09:35 AM

المشاركة الأصلية كتبت بواسطة yaserbasha2000

يعني المقتولين من غير اهل الايمان ميستحقوش تعويض ؟

يحتسب الموقِّعون على هذا البيان المقتولين من أهل الإيمان بسبب الاعتداء عليهم -شهداء عند الله تعالى

البيان بيقول إن المقتولين من أهل الإيمان شهداء
حضرتك تظن إن اللى يموت مش مؤمن هيكون شهيد؟
عندك اعتراض على كده؟

ومن حيث التعويضات
المقتولين مش من شهدائنا وبس
المقتولين منهم بلطجية ومساجين ولصوص
دول هنطالب لهم بتعويضات؟؟

فبلاش نتعامل مع البيان بعدائية ونلخبط كلماته

**Dojuar** · 14-02-2011 09:58 AM

المشاركة الأصلية كتبت بواسطة dr-mohamed

بالمناسبة هو نجيب ساويرس محدش بيتكلم عن فساده ليه ولا على تهربه من الضرائب ولا على تزويره في اوراق شركة اوراسكوم تليكوم ولا استيلائه على شركات الاسمنت المصرية بابخس الاسعار بحجة الراسمالية الوطنية وبعد ذلك بيعها لشركات اجنبية وهي نفس اللعبة التي فعلها مع شركات اخري كما استثار المصريين ضد الجزائريين بحجة انهم يحاربون شركته المصرية واعلى النعرة الوطنية بينما كان يدافع عن امواله هو وبالمرة حد يشوف الفلوس بتاعة بيع حصته وبلغت 70 مليار راحت فين وهل هي في الداخل ولا في الخارج

بالظبط.... و ايه اللي يخليه عضو في لجنة الحكماء...بامارة ايه؟

وازاي يكون عضو فيها و هو على علاقة وطيدة بزهير جرانة المتورط في قضايا فساد

ليه ميكونش جمال أسعد مثلا؟؟

**تامر.محمد** · 14-02-2011 10:25 AM

مؤيد للبيان
و اقترح اننا نصبر بس عشان ما ننجرش ورا سياسة فرق تسد

**عمرو عمارة** · 14-02-2011 10:42 AM

**تامر.محمد** · 14-02-2011 10:46 AM

يا اخوة

احنا لسه ما بقاش في ايدينا اننا نختار او نغير
لو سمحتم ركزوا اننا يبقى لينا الحق الأول اننا نختار و بعدين كل واحد يبقى يشوف هايختار ايه

ما ينفعش نخبط في بعض دلوقت لاختلاف اختياراتنا و بعد كده نلاقي نفسنا اتضحك علينا و رجعنا متساقين زي الأول بالظبط

-

-

الموضوع: أحذروا الخطر الداهم رسالة هامة الي كل مسلم

LinkBack

أدوات الموضوع

عرض

-

-

-

-

-

-

-

المواضيع المتشابهه

رسالة هامة علي الموبايل من مودرن موتورز

::: رسالة هامة إلى العمدة و الأعضاء :::

رسالة هامة جدا لكل مصرى صاحب عقل وبصيرة

معلومة هامة لكل مسلم ينتظر مولود

الكلمات الدلالية لهذا الموضوع

المفضلات

المفضلات

ضوابط المشاركة