أنا عاوز أبلغ عن مصيبة هاتؤدي لكارثة فالمستقبل أبلغ ميييين؟؟؟

**heshamzaky** · 14-02-2011 04:49 AM

المشاركة الأصلية كتبت بواسطة dr-mohamed

بس مش معقولة هانخلي الجيش يشتغل بدل الشرطة
اهو وزير الداخلية رفع مرتباتهم النهاردة علي الله يحترموا نفسهم ويشتغلوا شرطة محترمة بقة
ونفسي والله الجيش يمسك البلد سنتين تلاتة ينضفها صح ويظبطها وسليمها بعد كدة لمدنيين يكملوا على اللي الجيش عمله

هما طبعا مش مؤهلين لكدة بس طلعو جدعان عرفو يتصرفو لما الحلوين بتوع المرور أتلمو جنب بعض و كانو بيستهبلو و سايبين المرور .بالنسبة لموضوع الحى انا ذكرت لة الجهة المختصة بس ما اعرفش بقى لو كانو شغالين و لا بياكلو رز مع الملايكة هما كمان هههههههههههههههه

**heshamzaky** · 14-02-2011 04:55 AM

المشاركة الأصلية كتبت بواسطة xander2010_evo

ههههههه شعب السويس خلاص جاب آخره بجد
الناس دي كاتمة في نفسها كتيررر أووووي
بص حضرتك حي الأربعين ده أول حاجة إتدمرت وبعدها مرور السويس
بس يستاهلوا صراحة بس ياريت كان يتدمروا بالناس إللي فيهم
والمحافظة كانت هاتتدمر في اليوم إللي تنحي فيه الرئيس
السؤال الصح حضرتك:"إيه عندنا إللي مفيهوش فساد؟"
الفساد عندنا من الأرض للسماء
ربنا يتولانا برحمته

الميزة الوحيدة فى الموضوع دة بتاع المرور علشان الناس الى كان عندها مخالفات ب الزور هههههههههههههه كدة راحت . بالنسبة لسؤالك عن الفساد للأسف قطاعات كثيرة جدا جدا و كلة بدا فى الظهور بعد ما كانت السكينة الى ممكن تدبح راحت الكل بدأ فى كشف المستور .بس أنا بصراحة ضد أن حد يخرب أنا مقدر أن الناس طبعا فشت غلها فى الى كان ظالمهم بس ضد التخريب و لو سالتنى عن رايى الشخصى من اعماقى كنت حا اعمل اكتر من الى عملوة دى رغبتى الدفينة لكل ظالم بس ما اقدرش اقول كدة علشان ما يترجمشى انة تحريض

**Xander2010_Evo** · 14-02-2011 05:03 AM

المشاركة الأصلية كتبت بواسطة heshamzaky

الميزة الوحيدة فى الموضوع دة بتاع المرور علشان الناس الى كان عندها مخالفات ب الزور هههههههههههههه كدة راحت . بالنسبة لسؤالك عن الفساد للأسف قطاعات كثيرة جدا جدا و كلة بدا فى الظهور بعد ما كانت السكينة الى ممكن تدبح راحت الكل بدأ فى كشف المستور .بس أنا بصراحة ضد أن حد يخرب أنا مقدر أن الناس طبعا فشت غلها فى الى كان ظالمهم بس ضد التخريب و لو سالتنى عن رايى الشخصى من اعماقى كنت حا اعمل اكتر من الى عملوة دى رغبتى الدفينة لكل ظالم بس ما اقدرش اقول كدة علشان ما يترجمشى انة تحريض

إنتا قصد حضرتك أروح أطلع أولع فالمحافظة؟؟؟؟؟
هوا قسم الأربعين والحي خلاص بح
متحف الأربعين القومي والدخول مجانآ أو كما يعرف بإسم "بيت الظلم" أو قسم الأربعين سابقآ
هههههه المرور ده بقي كان حكااااااااية
الأول كلهم هربوا منه "الظباط قصدي"
وولعوا في المبني الإداري بس مش عارف الملفات حرقوها ولا لأ
وواحد من البلطجية الناصحين سرق كل الرخص المسحوبة ووقف علي أول المرور
وقال "الرخصة هاترجع ب50 جنيه" هههههه والناس كانت بتفاصل معاه

أما بقي الموتسيكلات والعربيات النقل المسحوبة والملاكي كلللللله إتأخد بس الجيش رجع معظمهم
بس خردة طبعآ هياكل عظمية ههههههه أنا أول مرة أشوف هيكل موتسيكل صيني هههههه منظره يضحك
حتي فروع فودافون وموبينيل البلطجية محدش رحمهم
النوكيا إن8 كان معروض للبيع ب25 أو 50 جند ههههههه
وموبايلات مسروقة أشكال وألوان
غير بقي معارض إبراهيم فرج إللي إتحرقت بعربياتها
بس يستاهل صراحة

**heshamzaky** · 14-02-2011 05:14 AM

المشاركة الأصلية كتبت بواسطة xander2010_evo

وواحد من البلطجية الناصحين سرق كل الرخص المسحوبة ووقف علي أول المرور
وقال "الرخصة هاترجع ب50 جنيه" هههههه والناس كانت بتفاصل معاه

هههههههههههههههه يعنى الراجل استرزق ابن اللذينة حتى فى المصايب عمل مصلحة على الناس ههههههههههههههههههههههههه ه

**hosar** · 14-02-2011 12:50 PM

استعمل الخط الساخن للبلاغات

**mrwho1982** · 14-02-2011 01:07 PM

اللجان الشعبية لازم ترجع الداخلية اصبحت لا تطاق

بجد حاجة تعل وحسبي الله ونعم الوكيل

**ahmed_su** · 14-02-2011 01:16 PM

مع انى من المؤيدين لأحمد شفيق

بس تقديرى انه هيفشل من كثرة الهجوم عليه على الفاضى والمليان

كمان حالة الابتزاز الا متناهى من العمال والموظفين والاضربات فى مكان

كمان مالوش اى يد تنفيذية لتوقف التعديات والبلطجة السائدة

الشرطة بخ .. والجيش مع استمراره بالطريقة "السوفت" اللطيفية

بصراحة مش ده الجيش ابدا

ابقى قابلنى بقى... وسلملى على مصر

hh · 14-02-2011 02:56 PM

المشاركة الأصلية كتبت بواسطة نور القمر

نزلت شارع الهرم النهاردة
دبابتين قدام البنك المركزي واكيد مفيش بياعين على رصيفه
ملاحظتش ولا توكتك في الهرم الرئيسي
صنف يخاف ميستحيش صحيح

على فكرة دي مطبعة البنك المركزي اللي هي بتطبع فيها أوراق البنكنوت مش البنك المركزي نفسه. البنك المركزي في وسط البلد.

**heshamzaky** · 14-02-2011 03:25 PM

المشاركة الأصلية كتبت بواسطة ahmed_su

مع انى من المؤيدين لأحمد شفيق

بس تقديرى انه هيفشل من كثرة الهجوم عليه على الفاضى والمليان

كمان حالة الابتزاز الا متناهى من العمال والموظفين والاضربات فى مكان

كمان مالوش اى يد تنفيذية لتوقف التعديات والبلطجة السائدة

الشرطة بخ .. والجيش مع استمراره بالطريقة "السوفت" اللطيفية

بصراحة مش ده الجيش ابدا

ابقى قابلنى بقى... وسلملى على مصر

أحمد باشا صباح الفل بصراحة أنا الطريقة ال soft دى فعلا بجد بقت بتعلنى بس مش عاوزين فعلا نوصل للمرحلة الى بعدها .الجيش لغاية دلوقتى ماشى طرى قوى مع الناس بس الناس فاكرة أن البلطجة هى الى ماشية علشان كدة مفيش ظبط و لا ربط أنا شوفت أن بعض الناس الى فى ميدان التحرير أمبارح بيبلطجو العسكرى بتاع الجيش بيمشيهم و الشاب مع عاوز يمشى و راح زاقق بتاع الجيش راح بتاع الجيش قلع ال (( قايش ))) و ضربة و أخر ما سمعتة أن المحتجين عاوزين ينظمو يوم الجمعة القادم مظاهرة مليونية اخرى . أنا من البداية كان رايى أنة سيحدث انفلات أمنى و أدى الكلام و المشاهد و الظواهر تحققت كلها و بكرة حا تشوف مظاهرات للجياع و البلطجة و بكرة أفكرك بس للاسف الناس ما بتصدقشى الا لما تشوف الحدث بيحصل فعلا