عرض للطباعة
دول انا صورتهم لما كنت واقف فى ميدان مصطفى محمود فى جامعة الدول ولقينا وائل غنيم طالع بيتكلم مش شقة كدا فى العمارة اللى فيها بورش وكان فيه كمان خالد النبوى طلع واتكلم بس انا مصوره صورة بس
دى صورة خالد النبوى
http://i54.tinypic.com/2iig8kz.jpg
ودول الفيديوهات
YouTube - ‫ظˆط§ط¦ظ„ ط؛ظ†ظٹظ… ظپظ‰ ظ…ظٹط¯ط§ظ† ظ…طµط·ظپظ‰ ظ…ط.ظ…ظˆط¯‬‎
YouTube - ‫ظˆط§ط¦ظ„ ط؛ظ†ظٹظ… ظپظ‰ ظ…ظٹط¯ط§ظ† ظ…طµط·ظپظ‰ ظ…ط.ظ…ظˆط¯ 2‬‎
هو خالد النبوي صاحب وائل غنيم؟؟
مش عارف بس انا شوفتهم مع بعض فى فيديو تانى كان متصور من جوا الشقة دى وكانوا بيحتفلوا مع بعضاقتباس:
المشاركة الأصلية كتبت بواسطة dramir1
شكرا لرد حضرتك
مشكلة اعلامنا انه لما بيسلط الضوء علي حد بيطلعه في السما
وائل غنيم ده عميل وليه اهداف وميول خبيثة وكل يوم بيظهر وبينكشف
اللي يحزن إن في شباب ماشي وراه تقليدا أعمى لا أكثر واتحدى إذا كانوا فاهمين هو عاوز يوصل لايه
علل ؟؟؟؟اقتباس:
المشاركة الأصلية كتبت بواسطة Evo
اقتباس:
المشاركة الأصلية كتبت بواسطة evo
حتى و إن صح هذا الكلام الغريب العجيب البعيد عن العقل و المنطق و الأدلة ... فإنه لن يؤثر بشىء فى الثورة.
ولا حضرتك ليك رأى مخالف؟
اقتباس:
المشاركة الأصلية كتبت بواسطة Evo
:plusone2: ااه وكمان ماشيين ورا الاخوان وايران وحزب الله
ومشو رمز الامن والامان والاستقرار وخربو جنة الحزب الوطني
هو مين وائل غنيم دة !
وزير جديد مستقبلا ً !!
ها ها ها عميل
انا موافق علي دي ، ربنا يخلي لينا العملاء
دا يا راجل انا كان نفسي اي حد يحل محل العيلة دي في الحكم حتي لو كان نتنياهوا نفسه
انتوا مش شايفين الي بيحصل ، العجل وقع والاعلام بكل وسائلة بيطبل للثورة وبيطلع بلاوي الرموز القديمة عدا صفوت ومفيد وسرور ومجموعة تانية كده ودا الي مخوفني ان البلاوي دي تستمر
عموما شوف حلقة العاشرة مساء بتاع مني الشاذلي مكمال الجنزوري وانت تفهم مبارك كان بيفكر ازاي هو وشلة الاغبياء والمنتفعين الي حواليه
ربنا يستر بس والشعب من جواه ينضف والا الثورة تبقي ما عملتش حاجة
يا جماعة مفيش داعي لرمي حد بالباطل
إلا لو كان فيه حد عنده أدلة قوية
وظني الشخصي لو كان فيه أي غبار على وائل غنيم كان الجيش بنفسه اللي تصدى له، مش يحضر معاهم إجتماع بالأمس!
يا ريت لو حضرتك عندك معلومات فعلاً تفهمنا و تكسب فينا ثواباقتباس:
المشاركة الأصلية كتبت بواسطة evo
انا اللي مضايقني ان في ناس كتييير تستاهل فعلا الأطراء والشهره بدل وائل غنيم مثلا بس ده لاينقص من وائل شيء
لكن المشكله ان بتخنق لما اسمع ان واحد زي البرادعي اللي هو او بني ادم في مصر نادي للتغيير وعمل حاجه فعلا وانا شايفه كان العامل الرئيسي وفي الأخر تلاقي ناس طالعه تقول ده عميل ومش عارف ايه
وتييجي علي اي حد بعت شوية كلام علي فيس بوك واتمسك كام يوم ويعملوه بطل والكل يحكي ويتحاكي بيه
طيب مافي ناس في المعتقلات بقالها عمر عشان كلمة حق قالوها واهلهم بيذلو ويتبدهدلو وعمرنا ماسمعنا عنهم
شهرة وائل غنيم هي اكبر دليل علي اننا شعب ننساق وراء عاطفتنا الا القليل
من بعد اللقاء اللي اتعمل والناس كلها مش بتتكلم علي حد غيره
انا مش كارهه عشان محدش يتكلم بس انزلو الناس منازلهم (كل الناس)
ياجماعة وائل غنيم شاب عادى لا اغراض خبيثة ولا بتاع
ياجماعة احنا مش عايزين نتخلص من عقدة الحزب الوثنى اللى فينا ليه وهو عميل وبتاع
وهو لو عميل هيتعمل كل ده ليه ما كان قعد فى شغله وخلاص وفكه من الحوار ده
والله احنا شعب غريب بنحب اى حد ظالم ونخاف منه ناس كتير اوى حاسه ان بعد رحيل حسنى مبارك البلد هتخرب على اساس انه ملاك وهو اللى يعلم الشيطان ازاى يبقى شيطان
اقتباس:
المشاركة الأصلية كتبت بواسطة Ahmed A.Maksoud
اعللك انا يا حج احمد ,,, بس عن طريق مثال تانى احمد حلمى نزل الميدان قام واحد طلع زى البتاع وقالك دة خاين وعميل وعلق على الكلمتين دول ,,, قام واحدة سئله انت بتقول ليه كدة قام مبلم ومتنح بمعنى هوا عميل وخاين عشان هوا كدة ( عافيه بلطجة اى حاجة المهم ان هوا عميل ) فهمت قصدى يا مستر احمد :E_braces[1]::E_braces[1]::E_braces[1]:
------------------
وممكن نضيف حاجة برضو هايقولك وائل غنيم خايين وعمل عشان طلع فى فيديو وهوا بيحتفل وقال رئيس مصر الى جاى هاننتخبه عن طريق الفيس بوك ( بئى خاين وابن 60*70) انما لما طلعت شعارات زى
( ارجع احنا بنهظر معاك - ..... ) ولا الكلام دة عادى مع ان ال 2 عادى كله فرحان وكله بيهظر
--------
نيجى لصور بتاعه الماثونيه ( شعب غريب يبقفش فى حاجات غريبه )
العلامة دى بتاعه فليب موريس بتاع السجاير ___ يعنى مش الماثونيه بس لو افترضنا انى دى حاجة اصلا
وبعدين ما ياما شباب بيلبس تيشرتات عليها علامة زى النازيه وعادى محدش بيدقق معاه ,,,,
ياربت بنكبر من الحاجات دى ونفكر ازاى فى بكرة افضل
_______________-
واتمنى محدش يزعل منى او ياخد الكلام بمحمل شخصى بس دة رأى واسف لو زعل حد
بسم الله الرحمن الرحيم
رسالة لكل الشباب: أولا أنا باشكر كل الناس اللي بتنتقدني. فيه ناس بعتتلي ايميلات انتقادات واتصلت ببعضهم واتأسفت عن الخطأ لو ارتكبته. عايزين ننسى شوية فكرة الإنسان اللي مش بيرتكب غلطة. يعني مش عشان وائل غنيم أو غيره عمل غلطة يبقى وحش بس المهم إن اللي يعمل غلطة يكون عنده شجاعة الاعتذار والناس يكون عندها شجاعة تقبل الاعتذار.
الرد على الإشاعات عملية مرهقة جدا وبتستنزف طاقة بس نظرا لأني كنت شخص محدش يعرفه وفجأة ظهر على السطح وكل الناس شايفاه فأنا مقدر إن ناس كتير بتقلق. وعشان كده أنا هارد لأوضح مواقفي وأرد على كل الشائعات. ويا ريت تصدقوني لأني مش باكذب وكل كلمة باقولها هي الحقيقة اللي ملتزم بيها أمام ربنا.
[1]
زوجتي أمريكية أسلمت قبل سنة كاملة من مقابلتي ليها عن اقتناع وبعد قراءة كتب كتيرة عن الإسلام. زوجتي كانت مسيحية قبل إسلامها وزوجتي ملتزمة بتعاليم الإسلام أو بمعنى تاني زوجتي مسلمة أحسن مني ألف مرة. محجبة وبتصلي وبتصوم وبتربي الأولاد على احترام الدين.
[2]
أنا حضرت مظاهرة 25 يناير مش زي ما الناس بتقول إن محضرتهاش. وعندي صور وفيديوهات ممكن أبقى أنزلها. كنت مع المهنيين أمام دار الحكمة ورحت التحرير. وحضرت جزء من المجزرة بتاعة بالليل.
[3]
أنا مدير التسويق في الشرق الأوسط وشمال أفريقيا في جوجل واختصاصاتي هي الدول العربية فقط من الجزائر لحد الخليج. وحاليا أنا في إجازة عن العمل وتم سحب كل ما له علاقة بالعمل مني وده من تاريخ بداية الثورة. الشركة بتاعتي مكانتش تعرف حاجة عن الصفحة ومكانوش يعرفوا إني نازل أتظاهر. وجوجل مالهاش أي علاقة باللي حصل.
[4]
أنا مقدمتش على أي جنسية في حياتي غير المصرية. وده مش عشان أي حاجة إلا إني باحب بلدي وكنت رافض فكرة الجنسية المزدوجة لأني فخور إني مصري مش علشان أنا عميل وهما طلبوا مني للتخفي إني مقدمش على الجنسية زي ما بعض الناس بتقول.
[5]
أنا وعدت الناس بالانسحاب بمجرد تحقيق الأهداف. وأنا فعلا هانسحب بس الاهداف متحققتش. أنا لن يكون لي أي اشتراك في الحياة السياسية المصرية بس كمصري محدش يقدر يمنعني من المساهمة في تنمية المجتمع وتطوير التعليم وتشجيع السياحة ومساعدة الاقتصاد. ده اللي أنا باعمله دلوقتي عشان ده أهم بكتير أوي من اسقاط النظام السابق. أنا دلوقتي مركز على مبادرات لتنمية المجتمع لأن هو ده المهم حاليا تعليم المجتمع وتطويره.
[6]
موضوع الحديث مع الوكالات الأجنبية: أنا فعلا قلت مش هاتكلم معاهم وفضلت لأيام طويلة مش باتكلم معاهم رغم إن كل يوم بيجيلي منهم أكتر من عشرين مكالمة وزيارة في البيت. وظهرت في السي إن إن لسبب واحد هو إن اللواء عمر سليمان طلع على قناة إي بي سي الأمريكية بيقول للأمريكان إن المصريين غير مؤهلين للديموقراطية وإن الإخوان اللي عملوا المظاهرات فكان لازم أرد عليه ومظهرتش بعدها نهائيا في أي وسائل إعلام. لكن بعد انتهاء الثورة ظهوري في وسائل الإعلام ضروري لتوضيح صورة شباب الثورة وتقديم فكرة ايحابية عنهم. ودلوقتي محدش هيزايد خلاص. فقرار عدم الحديث ده كان مرهون بوقت الثورة واتكسر مرة واحدة بس بناء على اللي حصل مع عمر سليمان. ولازم نفهم ان القرارات ممكن تتغير لو الظروف اتغيرت.
[7]
أنا كتبت موقفي من التدخل الأجنبي بكل وضوح وقلت إن الحكومات الغربية لازم تفهم إن المصريين مش بينضحك عليهم وإن الحكومات دي بتدور على مصالح شعوبها بس وطلبت منهم عدم التدخل في شؤون مصر. ولو حصل أي محاولة للتدخل الأجنبي هنكون كلنا كشباب للثورة مستعدين نضحي بدماءنا عشان نحمي بلادنا من أطماع الأجانب.
[8]
بالنسبة للتضارب في موقفي ليلة الخميس (قبل تنحي الرئيس بيوم) وتصوير بعض وسائل الإعلام لموقفي ليلة الخميس بإني باطالب الناس بالرجوع لبيوتهم: أولا ندائي للناس كان قبل سماع خطاب الرئيس اللي كان كل مصر افتكرت خلاص إنه اتنحى. ده كان غلط مني فعلا وكان لازم أنتظر الخطاب قبل التعليق بس على فكرة الغلط ده وقع فيه أكبر رؤساء العالم وهو أوباما لأن الشائعات كانت قوية بتنحي الرئيس. وبعد ما الرئيس اتكلم أنا ما أعلنتش موقفي إلا تاني يوم الصبح. وأعلنته بكل قوة في قناة العربية وقلت إننا كشباب أقوى وهنفضل نطالب بحقوقنا لحد ما ناخدها.
[9]
بعد إعلان تنحي الرئيس كأي شاب تعرض لظلم شديد كان عندي مشاعر غضب وفرحة ورغبة في التشفي وده كان برضه غلط. بعد أقل من ساعة قررت إني أتراجع عن الموقف ده لأنه مش موقف نبيل وقررت إني أحذف كل رسالة سخرية كتبتها لأن في النهاية احنا معملناش الثورة دي لتصفية الحسابات إحنا عملناها عشان كلنا بنحلم بمصر أحسن.
[10]
فيه ناس بتحاول التشكيك في وائل غنيم عن طريق التشكيك في جوجل. أولا وائل غنيم مش جوجل وائل غنيم هو موظف في شركة جوجل زي ما حضرتك تبقى موظف في بنك أو شركة عادية. خدوا بالكم من النقطة دي جدا لأن فيه ناس بتحاول تهاجمني من خلال جوجل. وعلى فكرة مشكلة الترجمة في جوجل مشكلة معروفة وموجودة في لغات كتير وليها سبب علمي وهو إن ترجمة جوجل بتعتمد على تقنيات بتسبب أحيانا في أخطاء عدم دقة والإسرائليين نفسهم بيلاقوا أخطاء زي دي في الترجمة من انجليزي لعبري. فيا ريت ناخد بالنا.
[11]
أقسم بالله العظيم مش عايز أي حاجة منك يا مصر. أنا بس عايزك بخير
رسائل أخيرة للشباب:
- أنا باراعي ضميري .. بجد مش باعمل أي حاجة تخليني مانامش بالليل .. هافضل دايما بيحركني دافع الوطنية وحب البلد والخوف على ولادها .. ممكن أرتكب أخطاء بس هاسمع نصايحكم وهاصلح أخطائي وأعتذر عنها بشكل رسمي.
- وائل غنيم مش رمز ... وائل غنيم هو شخص عادي جدا زيه زيكم وحاول يكون ايجابي وربنا استخدمه في تحقيق حلم المصريين وكان ليه دور بسيط جدا زي ما ربنا بالظبط استخدم مئات الشهداء وآلاف المصابين وملايين المصريين. يا ريت بلاش التركيز على شخصنة الثورة في شخص وائل غنيم لأني مجرد واحد عادي.
- أنا خلال 20 يوم عديت بظروف صعبة جدا .. أول مظاهرة في حياتي .. وشعور بالخطر على حياتي .. وبعدين اختطافي .. وبعدين نايم متغمي العين وايدي متكلبشة لمدة 12 يوم .. وبعدين خرجت عشان أكون من المشاركين في المظاهرات .. وبعدين تحصل مشكلة الضغط على الناس وخطابات الرئيس .. كل الوقت ده مكنتش بانام كويس .. فيه 3 أيام أنا نمت فيهم ساعة واحدة بس. فطبعا الضغط ده كله تسبب في أخطاء كتير وفي إن شخصيتي تكون عصبية على غير العادة. أرجو تسامحوني لأن دول كانوا أصعب عشرين يوم في تاريخ مصر كله بدون أي مبالغة.
- شخصيا مسامح كل واحد شك وبيشك وهيشك في نوايا وائل غنيم لأني مقدر إن فيه انعدام للثقة عشنا فيه كتير في مصر ولأن برضه مش كل الناس لازم تثق في كل الأشخاص ولأن وائل غنيم بشر وهيفضل يرتكب أخطاء.
أرجوكم سامحوني وأرجو إني أكون وضحت موقفي
===============
ده كلام وائل غنيم بعد وصوله من كوكب زحل
Welcome to Facebook - Log In, Sign Up or Learn More
للأسف فاهم قصدك و عارفه من البداية بس مش مقتنع بالناس اللى بتسمح لنفسها بتخوين ناس تانية بدون أدلة أو أفعال.اقتباس:
المشاركة الأصلية كتبت بواسطة mgazaly
معلش سؤال تانى رخم شوية.........هو التى شيرت اللى كان لابسه وائل اللى بيتقال عليه أن عليه علامة الماسونية ( أسد ) ممكن حد يجيبلى صورة ليه أو الفيديو بتاع وائل اللى كان لابس التى شيرت ده فيه ؟
هل هو التى شيرت اللى فى الفيديو ده ؟
YouTube - ‫ظˆط§ط¦ظ„ ط؛ظ†ظٹظ… ظ„ظ‚ط§ط¦ظ‡ ظ…ط¹ ظ‚ظ†ط§ط© ط§ظ„ط¹ط±ط¨ظٹظ‡‬‎
اقتباس:
المشاركة الأصلية كتبت بواسطة ahmed a.maksoud
اى نعم هوا التشيرت دة وفى صوره تانيه ليه هوا واولادة لبسين تيشرت عليه نفس العلامه
وائل غنيم دة الصراحه بسترخمه اوى
حد عايز شاى ههههههههه
جوردانو :)اقتباس:
المشاركة الأصلية كتبت بواسطة mgazaly
Giordano - Collection-Polo 2010
طيب ما نقول انه عميل فرنساوي بيدافع عن بيجو و الثوره ديه عشان نقص مبيعات بيجو في مصر ........اقتباس:
المشاركة الأصلية كتبت بواسطة أبو حمزة
انا مش عارف ازاي ناس متعلمه بتصدق الكلام الفاضي ده .....عيب
اقتباس:
المشاركة الأصلية كتبت بواسطة أبو حمزة
هههههههههههههههههه ,,, طلع ماثونى فرنساوى ( زوقه حلو الواد دة بيحب يدلع نفسه )
لو كل الخونة والعملاء هيخلصوا الناس من القهر والفقر والفساد اللى فى البلد يبقى اهلاً وسهلاً بيهم
وياريت كل الناس تاخد من الثورة اهدفها مش مين اللى عملها
يا نهار أسود على كده...........
أنا كنت فاكر ان التيشيرت المشبوه ده تيشيرت أنا مشفتهوش............يطلع هو ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
ده على كده بقى لو لبس تىشيرت مكتوب عليه gap يبقى عيل مش ولا بد :)