-
الطلبات بقت غريبه قوي!!!
دلوقتي وقت العطاء مش الطلبات الشخصيه....
يارب نشوف مصر بسواعد ابنائها اقوى دوله في العالم والناس في الدنيا كلها هاتجيب وسايط عشان تيجي تشتغل في مصربعقد عمل مؤقت حتى وساعتها نتأكد الاول ان الشباب كلها شغاله وممكن نبقى نوافق في الاخر...ياريت الحلم ده يبقى حقيقه ....و كل واحد يتنازل شويه عن طلباته ومش لازم عشان الثوره نجحت يبقى كل المطالب تتحقق فورا
الناس بقت بتضرب عن العمل اللي عايز عربيه وبامبرز وكيوي للعيال ..الطلبات بقت غريبه..ولا اللي طالع في القناة المصريه بيقول انا باخد مرتب 4 الاف جنيه في البنك الفلاني وغيري بياخد 10 الاف في البنك العلاني اشمعنى انا؟؟ ؟؟؟يبقى انا مضرب عن العمل لحد ما المرتب يزيد!!!!
بالله عليكم دا اسمه كلام؟؟؟
ولكن ندي فرصه للجيش عشان يعرفو يشوفو شغلهم وان شاء الله لو صبرنا مصر هتبقى احسن بلد ممكن نعيش فيها وكل واحد طلباته هتتحقق بإذن الله .
-
بأمانة الحل في توقيع حضرتك
وفعلآ لازم ننسي كلمة "أنا" دي شوية
الدنيا مش هاتتحقق بمجرد ما الكبير هايدوس علي زرار
لازم نصبر شوية
وبالنسبة للأخ أبو 4 ألأف ده بصراحة
نو كومنت علشان ما أشتمهوش
-
صح الكلام - مصر بعد اللى حصل محتاجه وقت علشان يادوب ترجع زى الاول - بس هيكون على اساس سليم وعادل ان شاء الله - بس دلوقتى لازم ننسى نفسنا شويه لان الامور ممكن تفلت ولا نطول عنب الشام ولا بلح اليمن - اعقلوها الله يرضى عنكم عشان مصر متضعشى
-
والله كنت بفكر اعمل موضوع جديد
اطالب فيه الاعضاء هنا بما انه منتدى للسيارات
يعملوا ثورة مرورية وسط الاحتجاجات دى
في حوار المخالفات والبنود المرورية الي خنقة كله
ماهو كله ماشي دلوقتي يابوحميد واهي فرصه !
وانا بتكلم جد فعلا
-
فيه وجهة نظر معاكسة بتقول ان الانسان اهم حتى من الدولة نفسها و ان لازم الناس كلها تاخد حقوقها
انا مش مع دي ولا دي , لسه مش قادر احدد
لكن انا حبيت اطرح وجهة النظر المقابلة
-
لما واحد البلد عاجناه 30 سنه و طالع عين اللى جابوه عشان يجيب كيلو لحمه و طالع عينه عشان يأكل عياله و مافيش حد بيفكر ولا يهتم بيه
صعب جدا تقوله طلبات شخصيه و مش وقته
ده مواة وطنك مصلحته من مصلحه البلد عشان يعرف يشتغل لازم يبقى مطمن
رفقا برفقاء الوطن
-
مانتوش معايا ان بتاع 4 آلاف جنيه و 10 ألاف جنيه ده فج اوي ؟؟؟
فج لدرجة انه فكرني بالعيال اللي كانوا بيستضيفوهم و يقولوا احنا كنا في التحرير لقيناهم عملا و اخوان و مشينا
فيه حاجة مش مظبوطة
Content Relevant URLs by
vBSEO 3.6.0 PL2