النقل المثالى للغيار

**HSHM** · 25-02-2011 12:04 AM

انا معايا لوجان برده و قربت اوصل ل 6000 كم بيها و هي العربية لما بديها الغيار على 2.5 في جميع الغيارات بتبقي مرتاحة اوي معايا وصوتها مبيعلاش و بتجمع معايا على طول في الغيار اللي بعديه مش بتبقي مخسعة و بعدين لو شوفنا في اغلب العربيات الأتوماتيك الغيار بيتنقل فعلا عند 2.5 rpm

**HSHM** · 25-02-2011 12:11 AM

انا معايا لوجان برده و عامل بيها حوالي 6000 كم و بغير كل غياراتي على 2.5 rpm و العربية بتبقي مرتاحة اوي في الغيار و مبتخسعش في الغيار الأعلي و بيبقي صوتها هادي وبعدين لو بصينا لأغلب العربيات الأتوماتيك هنلاقي ان الغيار بينقل على 2.5

**mazenzyad** · 25-02-2011 07:40 AM

المشاركة الأصلية كتبت بواسطة HSHM

انا معايا لوجان برده و عامل بيها حوالي 6000 كم و بغير كل غياراتي على 2.5 rpm و العربية بتبقي مرتاحة اوي في الغيار و مبتخسعش في الغيار الأعلي و بيبقي صوتها هادي وبعدين لو بصينا لأغلب العربيات الأتوماتيك هنلاقي ان الغيار بينقل على 2.5

انا بلاحظ زيك ان اللوجان مرتاحة فى النقل على 2.5 rpm لكن ناس كتير بتقول انقل على 3 rpm يا ترى ايه الصح ؟

**Fo2sh_23** · 25-02-2011 10:15 AM

طب هو فية حد فيكم جرب ينقل قبل كدة الغيار من غير دبرياج ولا انا الوحيد الشفت الموضوع دة او أخر من يعلم ؟؟؟

**classboy** · 25-02-2011 04:10 PM

طب لو بشد ... يبقي النقل المثالي عند الاربي ام كام

انا عندي في العداد من اول ال 6.5 علامه حمره ...

**kisho55555** · 25-02-2011 07:26 PM

طب لو بشد ... يبقي النقل المثالي عند الاربي ام كام

انا عندي في العداد من اول ال 6.5 علامه حمره ...

بالنيبة للشد ... لو انت رجعت للكتالوج والمواصفات بتاعت العربية هتلاقى ان اقصى عزم فى اغلب العربيات بيطلع عند 5-5.5 ار بى ام .... فالبالتى للشد معاك لغاية 6

بالنيبة للانوس فعلا ان العداد بداية الاحمر من 6.5 ولكن العدربية والموتور بيفصل عند 6.2 بالظيط ...

**mazenzyad** · 26-02-2011 08:41 AM

المشاركة الأصلية كتبت بواسطة mazenzyad

انا بلاحظ زيك ان اللوجان مرتاحة فى النقل على 2.5 rpm لكن ناس كتير بتقول انقل على 3 rpm يا ترى ايه الصح ؟

عند 3 rpm صوت الموتور بيعلى و عند 2.5 rpm صوت الموتور عادى ، يبقى انقل على 3 و لا 2.5 ؟

**HSHM** · 26-02-2011 03:58 PM

اولا : بالنسبة للشد فانت ياريت تعرف امكانيات عربيتك كويس يعني مثلا لما يقولك العربية دي قوة موتورها كذا حصان عند عدد دورات كذا فهو ده الوقت المناسب اللي انت تنقل فيه للغيار التالي عشان تستفاد في شدك من كل قوة الأحصنة اللي عندك في الموتور .
ثانيا : في اللوجان انا بصراحة الأولاني بديه اخره معايا اوي بوصله ل 1.5 rpm والغيارات الباقية كلها على 2.5 rpm وبتبقي مرتاحة حتي لو انا في مطلع وغيرت على كده مبتخسعش و لا اي حاجة وبعدين الواحد في مشاويره اليومية مبيحتاجش يقرص على العربية على الأقل عشان تعمر مع الواحد و متنسووووش استهلاك البنزين برده

**HSHM** · 27-02-2011 09:05 AM

موضوع نقل الفتيس و انك تدي غيار للعربية من غير ما تدوس دبرياج اه موجود وانا عملته قبل كده في عربيتي القديمة فيات 128 بس كانت حالة طارئة ان سلك الدبرياج اتقطع ومكنش معايا سلك غيره

**samirsaid1** · 27-02-2011 11:31 AM

بالنسبة لموضوع الغيارات انا معايا نيو أكسنت وبحب اجرى بيها ودايما بغير على أر بى 3
بس فية حاجة عاوز خبرة حضراتكو فيها وهى :-

لما اكون ماشى على سرعات عالية مثلا 100 كيلو ودست فرامل لحد ماهديت على مثلا 65 وبعد كدة نقلت على الغيار الاقل بلاقى العربية تقلت كانها فرملت ثوانى وبعد كدة بتندفع بسرعة نتيجة ان العزم زاد

فالوقفة الصغير ة دى بتضايق وخصوصا ان لما بيكون فيه عربيه بالخلف والواحد بيخاف من اللى ورا

...........
فيه سؤال ثانى لما بكون ماشى على اى سرعة سواء عالية او قليلة وعاوز اهدى أو أقف او حاجة بعملها بدوس دبرياج وامور الفتيس واول مايزول سبب التهدئة او الوقوف باخد الغيار تانى وامشى بس دة بيحصل كتير وبعفوية هل دة بيأثر على الموتور
..........

والضغط على الفرامل اثنا الغيار فية مشكلة لحد مالعربية تهدى ؟؟؟

وشكرا مقدما