هو زى ما كريم قال, نستبعد ال Sx4
هيتبقى الجراند بونتو, ابيزا, و ياريس اتوماتيك
1- جراند بونتو
خارج مصر العربية سمعتها حلوة جدا, العربية جذابة اوى, و فيها كماليات محترمة, لكن يعيبها ان الوكيل جديد, و سمعته كانت وحشة اوى فى الاول, لكن حاليا هى فى تحسن, و العربية بدأت تنتشر نسبيا عن الاول
2- الابيزا
عربية جميلة جدا, الكماليات اللى فيها زادت, و الوكيل نقدر نقول جيد, قطع غيارها متوفرة فى التوكيل, ده غير ان فى امكانية انها تتصلح بره (انا لا احبذ النقطة دى)
ثبات ممتاز, موتور جميل, كفاية ان سيات تعتبر الجناح الرياضى لشركة فولكس فاجن
3- ياريس اتوماتيك
الياريس نجحت جدا فى مصر, و سوقها شغال حلو اوى, و ده مفيد للناس اللى بتغير عربيات كتير, لأن سعر اعادة البيع مرتفع عن الموديلين السابقين, غير ان الهاتشباك عموما سوقه نايم عن العربيات السيدان, العربية ناعمة جدا, اوسع من البونتو و الابيزا, لكن الثبات اقل منهم بفرق واضح, ده غير حاجتين تانين مهمين: ضعف الصاج الخارجى, و ابعادها الصعبة (سواقتها مش فى سهولة الابيزا و البونتو), ده غير مستقبلها كعربية معمرة غير واضح المعالم عس البونتو و الابيزا
بالنسبة لى, الاختيارات تبقى كالاتى:
1- سيات ابيزا
2- فيات بونتو
3- ياريس اتوماتك