الموضوع: نفسي في ريس

المشاركة الأصلية كتبت بواسطة viper911s

والله يا تامر انا الى بشاور عقلى والموضوع جاننى اوى
يعنى انت رئيك اجيب ماكنة 400 كويسة اتعلم عليها كدة بتاع سنة خصوصا وانى عمرى ما سقت بايك نهائى(واية اخبار صوتة) وابدلها بتسعميات زى 919 او 954 وادفع الفرق

وبعدين لو جبت حتة كويسة 400 عاوز اعرف الخوزة والجاكيت والجوانتى والشوز والحاجاد الخاصة بالحماية تتكلف قد اية تقريبا

بص اولا انت مبتدا تماما تركب اذاى 900 دة اقل حاجة مع اول لفة بنزين غشيمة او ربع غشيمة هيرفع بيك بلاء ادنا شك ووقعة ال900 هتزعل جامد سواء انها لو وقعت عليك هتبهدلك او انها هتتبهدل منك وهتدفع رقم عشان ترجعها تانى يبقا تجيب وحدة 250 400 لغايت متحترف وتتقن اساليب السواقة وطرق المشى فى مصر خصوصا مصر انت اتعلم عليها وبهدلة لان فى نقطة كتير مننا ميعرفش ان المكنة والجير بذات بيتبهدل جدا مع حديث السواقة لانة بيدمر ورق الدبرياج والتروس جوة لانة بيعمل اخطاء فى النقل كتير عقبال ميتعود على النقل الصحيح يبقا تجيب 919 ولا 954 وتبهدلها فى التعليم دة حتى حرام عليك

بالنيبة للسفتى

الخوزة من اول 200 ج الى 3000 الف وكلة بثمنة
الجاكت النضيف من اول 800 الى 4000
الجونتى من اول 80 90 ج الى 300 ج
الجزمة ممكن تجيب جزمة سفتى بوت مش غلية هتعمل ما بين 90 140 ج
واقى الكوع والركبة 150 ج
واقى الظهر اظن 250 300 ان وجد لانة قليل شوية

نيجى للصوت طبعا مصر هنا او شباب مصر بيحب يمشى وصوت مصيبة جنبة
احب اقول ان الشكمان الاصلى معدوم الصوت وفى فلاتر من جوة عشان كدة ومصفا وقصة دة الاصلى وبيبقا مكتوب علية honda وكل الصوت صوت المكنة نفسهاء

اما الفلتر التعديل الشكمان يعنى بتحط بيطلع صوت والانواع كتير واختار الصوت

هو لية موميزات ولية عيوب والعكس صحيح مع الاصلى

انا 400 الفير بتعتى كانت جية بشكمنها الاصلى وكان معاها شكمان تعديل اضافى
اما 400 العادة بتعتى حاليا جية بالشكمان الاصلى

من وحى تجربتى الاتى

1- لما تكون ماشى مع الشكمان التعديل كل الناس بتتفرج عليك ودة لية ميزة انك قليل اوى انك تلقى حد يكسر عليك ويكون مش شيفك لان الصوت مستمر مبتحتجش تذمر ولا ترعش كلة بيوسع السكة من صوت الازعاج

2- فلتر التعديل بيديك قوة اعلى فى المتور مش محسوسة اوى الا مع السرعات العلية

العيوب

1- بتروح البيت بتكون دماغك صدعت من كتر الازعاج المهول الذى يسببة

2- اى حد اعد وراك مبتعرفش تكلمة نهائى

3- لما تيجى تسال على مكان محدش بيسمعك لازم تبطل المكنة

انا عن نفسى لا احب بتاتا الفلتر الرياضى او التعديل لانى بحب الهدواء والسكينة

وليك حرية الاختيار اسعار الشكمان بتبداء من 150 ج وبتعلاء حسب خامة الصناعة والنوع

ده اسمه سلايدر علشان يحمى الفايبر من الحوادث

المشاركة الأصلية كتبت بواسطة viper911s

شكرا يا تامر لردك المفصل
انال قاصد الى انت بتقول علية انى اجيب 400 دلوقتى اتعلم عليها مدة سنة واكون كملت ثمن الفرق بتاع التسعميات واكون اتعلمت كويس على ال400
وقلت لو جيبت 400 اجيب معاة حاجة السيفتى كاملة علشان اطمن اصلى متأكد انى هقع كتير
فى جزة كدة بيركب على البايك من النص زى زراع اظن دة علشان لو البايك وقع يكون مرفوع عن الارض وميجرحش الفير صح ولا غلط ولا هو للااستعراض بالبايك
اسئلتى كتير معلش بس بجد الموضوع داخل دماغى اوى (رغم معارضة الاهل ) لكنى مصر وربنا يسهل ياراجل دا انا كبرت دماغى من موضوع الجواز علشان بفكر فى البايك

خلاص هات 400
على فكرة وقعت الموتوسكل مش سهلة خالص خالص وحكايت تقع كتير دية يبقا السنة دية هتكون مفكش حاجة سليمة بص انت امشى بدون تهور فى السرعات طيب تسدق انا اخرى اوى 90 وبقالى سنين بركب بس الطرق متستحملش وبصراحة لو جربت الوقعة هتفكر الف مرة قبل متجرى انا لسة بعانى من وقعة بقالى 9 شهور خلى بالك ومشى على مهلك البلد ذحمة اصلا
وطبعا احيك انك هتشترى السفتى كامل طبعا دة مهم جدا انا على فكرة اخرى اوى الجونتى مع الاسف ومبتعلمش خالص وكان عندى خوزة وشحتها
الجزء دة اسمة سليدر الجوز بيعملو 90 120 ج بسيطة يعنى ودول بيحمو الفيبر من الوقعات وبنزبالك انت تعد بتاع 4 او 5 شهور من غير فيبر لما تتقن المشى تبقا تركبة
بص انت كدة كدة منتحر سواء اتجوزت او جبت موتوسكل النتيجة وحدة الاختلاف الوحيد انك مع الموتوسكل هتموت مرة وحدة لاكن مع الجواز بتموت كل يوم
وانا تحت امرك فى اى حاجة انت بس جيب الموتوسكل وملكش دعوة

المشاركة الأصلية كتبت بواسطة viper911s

ههههههههههههههههههههههههه هههه
حلوة اوى انت كدة كدة منتحر ملعوبة
شكرا يا تامر ربنا يخليك
بس الاهل بس يقتنعوا وربنا يسهل
شكلى ححطهم قدام الامر الواقع

بصراحة عندهم كل الحق البلد هنا لا تصلح ولاكنة ادمان مع الاسف