ماهو ده ألي بأتكلم فيه وهو ده الهدف من تحليل الأمور
عرض للطباعة
+1111
أنا لا يهمنى ديانتة حتى لو كان كافر ... ولا يهمنى لابس اية ومتجوز ميين
طالما وطنى واتجهاتة وطنية فأنا معاة قلبا وقالبا ... ومفيش حاجة اسمها مصالحة اتفقت مع مصالح البلد !!!!!! يعنى اية !!!!!
وبعدين مراتة بتعبد الجاموس و احنا مالنا !!!
... هو عمل اية غلط عشان تهاجموة ؟؟؟؟؟؟؟؟ ياجماعة اتقوا الله
حاجة أخيرة
مراتة طلعت وقالت أن الفيديو اللى على اليوتيوب مش بتاعة واللى فى الفيديو مش وائل غنيم
وبعدين واضح اوى انة مش هو فرق طوول رهيب و ملامح وقوة جسمانية
وائل قصير و ممليان شوية وشكلة غلبان.....
أجدع حاجة فالحيين فيها نهاجم على طول ؟؟؟!!!! طب ونهاجم لية وهو معملش حاجة غلط
أفتكروا بس هو عمل أية ... أفتكروا و ركزوا
الواد دة اللى بتتهموة بحاجات كتير
أول من دعى ونظم لقيامها من ايام خالد سعيد ... الولد دة صاحب اول يد فى أعظم ثورة فى تاريخ العالم
الولد دة بطل
ومعتقدش ان المجلس الاعلى للقوات المسلحة بكل مافية وكمان عمر سليمان ... مش حيعرفوا أصل وفصل وائل غنيم وحيسيبوة !!!!!!!!!!!!!!! وأحنا هنا بصورة على الفايس بوك لاسورة بتاعت دعم جمعيات السرطان قلنا علية عمييييييييييييييييييييييي ل ههههههههههههه
(((أجدع حاجة فالحيين فيها نهاجم على طول ؟؟؟!!!! طب ونهاجم لية وهو معملش حاجة غلط)))
في فرق يا أ.شهدي بين الهجوم والتحليل أنت عايز تاخد الأمور زي ما هيا كيفك
أنما ماتلعبش بالألفاظ وتحول الصورة من نقاش وتسميها هجوم...........خليك ديمقراطي يا أستاذ
دة مش نقاش دى أتهامات و اى اتهامات بدون دليل يبقى هجوم يابشمهندس
حتى اللى اتكلم لم يحاول البحث اولا
1) الاسورة
2) يبكى بدون دموع ...انا شفتلة دموع على فكرة ... واية يعنى حتى من غير ولا لازم تبقة مناحة عشان يتصدق
3) الفيديو اصلا مش بتاعة
بعد كل دة اعتقد دة مش نقاش دة اتهام مباشر لية انة عميل !
هو ايه الاستفادة من معلومة زي دي سواء صحت او طلعت اي كلام ؟
ممكن نبطل كلام وتحليل وتفسير ونبتدي نبقي ايجابيين ونبني بلدنا علشان الفتره اللي جايه مهمه وحاسمه وهي اللي هايتحدد فيها ملامح مصر بعد الثوره
الثوره مش وائل غنيم وكلنا خالد سعيد بس ...اللي كان في الميدان فاهم الكلام ده كويس...
سيبكوا من وائل وغير وائل وياريت نحاول نبص للايجابيات علشان نوصل لقدام ونحاول نغير من انفسنا ويكون الفعل الايجابي اكثر بكثير من الكلام وخاصه اذا كان كلام سلبي
انا اتمني انه مع سقوط النظام ووجود امل في قياده محترمه تحكم البلاد ان هايكون وضعنا افضل من كده بس نهضه مصر مش حكومه بس نهضه شعب تتم عن طريق شعبها ووعيه واحساسه بالمسئوليه نحو بلده وذلك بالمشاركه الفعليه وليس بالنقد اللي لا يقدم ولا يأخر
التذاكي داء أخطر من البلاهة
خسرت اسرائيل ومامتها امريكا حليف مهم جدا ورجل جعل دولته بكامل هيائها وشعبها فى خدمتهم ومورد اسمنت للجدار العازل باسرائيل ومورد بترولللدبابات والجيش الاسرائيلى ومورد حديد لهم وللجدار العازل ومحاصر لشعب عزه ...... الخ
يبقى مستحيل مستحيل مستحيل يكون الى حصل ده مؤامره اسرائليه او امريكيه عشان الى حصل ده كان على عينهم
أى كلام
أنا دافعت عن رؤيتي كل واحد مسؤل عن رأيه في النقاط الثانية يدافع عنها..............بس تعليقك كان بصفة عامة وعلشان كده رديت عليك في الأول
بالنسبة للفيديو مش هو النقطة الوحيدة ألي مش مريحاني ليه................................ ومع ذلك شكرت أبو حمزة على توضيحه أنه مش هو ألي في الفيديو
الواحد تعب من المواضيع دي ومحاولة التاكد مين صادق ومين كداب
انا دلوقت بعد ما دخلنا مرحلة جديدة ميهمنيش وائل
احنا عندنا فرصة نبدأ على صفحة جديدة
وفي كل الاحوال مش وائل اللي ينفع يتكلم عن كل شعب مصر ولا هو اللي يقرر لنا البرادعي ينفع كرئيس ولا لأ
احنا عايزين دولة برلمانية
كل المناصب فيها بالانتخاب
الشباب اللي لهم دور سياسي كتر لكن وائل بحكم وظيفته وخبرته قدر ينشر صفحته على النت بشكل واسع
وكان في شاب مع منى من يومين وفي نفس اللقاء وائل موجود وقال انه اول واحد عمل صفحة لخالد سعيد بس صفحة وائل هي اللي انتشرت اكتر ووائل ما انكرش كلامه وحصل بينهم تعاون
المهم وائل يشكر على نشاطه ولانه قدر يحرك شباب ورجال مصر ومن وراهم كل الشعب المصري
لكن دلوقت لازم نحط في بالنا ان اللي يبدأ يقود بناء مصر لازم يكون شخص ثقة وخبرة ومعروف لينا من زمان وله مواقف تشهد على امانته
وعايزين نعمل دور ايجابي في توعية البسطاء باهمية اختيار ذوي الثقة
يعني ميجيش واحد يرش شوية فلوس على الغلابة ويدولوا اصواتهم
هو لو وائل غنيم طلع عميل .... هايبقى عميل لمين و هايترتب على كده ايه ؟
وائل غنيم اشكرك على اللى فات لكن اسمح لى اللى جاى بتاع كل المصريين
بجد يا وائل .... تستاهل
انت الغلطان
انت الغلطان انك ما قعدتش في فيللتك في دبي كافي خيرك شرك
انت الغلطان انك ما خليتكش في شغلتك في جووجل كافي خيرك شرك .....
انت الغلطان انك ما خليتكش في حالك و ما قلتش "إياكش تولع" ......
عشان خليت الناس تقول عليك كلام مالوش تلاتين لازمة !!!!
بنفس نظريه نور الشريف فى فيلم الكيف عن حرمانيه الحشيش
"لو كان حلال ادينا بنشربوا وان كان حرام ادينا بنحرقوا"
فلو كان بطل يبقي الله ينور و قشطه
ولو كان عميل يبقي كتر خيره لانه كده كان عميل اهبل وفوق البلد كلها حتي لو كان ده مش قصده
راي انا
في المرحله دي مش لازم نبص غلي الاسباب لازم نيص على النتايج
الاستفادة ان لو الموضوع ده طلع حقيقى هو دلوقتى بيتكلم باسم شباب الثورة وهيعمل حزب ويكون قائدة وده انا متأكد ان هيبقى اعدادة كبيرة لانه هيبقى من كل اللى شارك فى الثورة وساعتها هو هيبقى العقل المفكر يعنى هيبقى فى عندنا حزب بفكر غربى وليس مصرى وممكن تؤدى لخلافات فى المستقبل او حرب اهلية بين الحكومة والاحزاب وده انا شخصيا مش اتمناه واتمنى ان يكون وائل غنيم مصرى نقى مش زى ما احنا حاسيين وحطوا تحت كلمة حاسين دى 100 خط لان احنا مبنتهمش حد بحاجة بدون دليل
معاك حق اللي يقولك مش مرتاح له واللي يقول بيمثل والله حاجه تكسف
بسم الله الرحمن الرحيم
َا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)
سورة الحجرات
يا جماعة
اما نبقى نشوف منه حاجة وحشة نبقى نتكلم
و الأخ بتاع حزب غربي و بتاع ..... اعضاء الحزب اكيد لو الكلام ما عجبهمش مش هيسكتوا ..... انتهى عهد ال One Man Show خلاص و اكيد مش هنستبدل طاغية بالتاني ....
حقاً......أنها الثورة التى ثار عليها الشعب
فرضاً أن وائل غنيم طلع عميل و خاين......أو غيره ( و أنا متأكد أن غيره هيطلع )
أحنا وصلنا لمرحلة مكناش نحلم بيها أو على الأقل معظمنا مكنش يحلم بيها......واجبنا الفترة اللى جاية أننا نحاول نبنى بلدنا من جديد زى ما أحنا عاوزينها.....و أحنا بنبنيها لو لقينا واحد عميل أو مرتشى أو حرامى أو غيره....نقف قصاده بكل ما أوتينا من قوة.
الفترة دى فترة تخبط فى الأفكار و الأراء.......يا ريت قبل ما نعمل رد فعل فى أى حاجة نفكر كويس أحنا بنعمل أيه و ده هيفيد البلد و لا هيضرها.
بالمناسبة الأسورة دى بتتباع فى محلات كتير فى مصر من زمان زى Nike و Virgin Megastores و زى ما قال كمال أنها معمولة لمحاربة مرض السرطان.
انا قولت رايى فى المشاركه 59 . واحب اضيف ان وائل غنيم بالنسبه لاغلبيه المصريين شخصيه مجهوله ومرة واحده اصبح اشهر المشاهير فى مصر ومن حق اى مصرى انه يكون حذر الايام القادمه من باب امن ولا تخون، يعنى لو وائل فعلا مخلص لمصر ربنا يقويه ويعينه ولو هو عميل والكلام ده فاحب اقوله شعب مصر ممكن ياكلك بسنانه وانت شوفت بعينك جدو مبارك عملنا فيه ايه. يااخوه ياافاضل ثوره 25 ليست حكرا على احد الثوره دى شرفها لكل المصريين ، بس الشباب اللى نظم الثوره هو اللى ظاهر على الفضائيات والبرامج واللقاءات وغيره . فانا اخشى ان تدب فى نفوسنا الغيره الغير محموده من هؤلاء الشباب.احب اقول لكل مصرى يامن لم تقدم الا دعوه لله اثناء الثوره بان ينصرها الله ارفع راسك فانت مشارك ولك شرف هذه الثوره
ياشباب مصر تابعوا وائل غنيم وتابعوا افكاره واراء زمايله المنظمين لو رايتوها افكار واراء لمصلحه مصر وبس ايدوها وادعموها ، وان سارت مطامع شخصيه وخلافه حاربوها وقفوا امامها فانتم لها خير شباب.
ثوره مصر لكل المصريين ومصر بها رجال كثيرين عندهم من الخبره والشرف مايطمئننا . وعلى الله التوفيق
ملحوظتين صغيرين لو سمحت ::
أولا :
وائل غنيم ليس ممثل لشباب 25 يناير
وائل غنيم في غيره كتير ومش هو كل حاجه في الموضوع من قبل الثورة ايضا
ثانيا :
التيشرتات بتاعته ماركة Giordano ومنتشرة في دول الخليج
فياريت ترحمونا لأن كل ده ليس له اي نتائج غير حاجه واحده
انكم بتتهموا شخص برئ بشئ ليس فيه والله ثم والله سيحاسب كل من تكلم عليه بشئ لا يعرفه
انا لست مدافعا عنه لشخصه
وانما انا محارب للسفه اللي شعبنا الفاضل مش عاوز يبطله
وده يا سيدي التيشرت بتاعه اهه
http://www.giordano-me.com/Campaign/Polo/img01.jpg
هوَّ كده... فيه ناس بتحب تبوظ كل حاجة حلوة حصلت وخلاص
نفس الكلام قيل على سعد زغلول... قيل عنه أنه كان خائنا وموالس مع الإنجليز في الخفاء
وقيل عن جمال عبد الناصر أن الأمريكان زرعوه في الجيش وأن أحد رجال مخابراتهم لا أذكر اسمه الآن كان الأدمين بتاع انقلاب 23 يوليو
دائما هناك مدمنين لنظرية المؤامرة... ولسه.... جايز حسني مبارك يطلع غاندي ولا نهرو واحنا مش عارفين
متفق تماما
أحب أوضح موقفي علشان حاسس أن فيه ناس كثيرة مش فاهمة قصدي
الثورة الشعبية رائعة وأتت بثمارها حتى هذه اللحظة(أسقاط النظام ورؤسه ورجوع مليارات الى الشعب ان شاء الله) الأهم ماهو أتي لأكمال أهداف الثورة (حرية-ديمقراطية-عدالة في توزيع الثروات-تطوير التعليم والتقدم العلمي-تطوير الصناعة والزراعة)نظام أيجابي متكامل
وائل غنيم ترس من تروس الثورة .............رأي فيه ومحاولة التحليل لأتجاهاته وأهدافه قصة تانية ولايقلل من دوره الأيجابي في الثورة الى الأن
بسم الله الرحمن الرحيم
َيا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)
سورة الحجرات
ربنا يسامحني راح مني حرف الياء وانا بنسخ الايه الكريمه أرجوا من الاداره تعديل المشاركه السابقه واضافة الحرف الناقص من الايه الكريمه
مش عارف ايه لازمته الاهتمام والترويج للمواضيع دي
سواء كلام صحيح او غلط ما يهمنيش
اللي يهمنى كلنا نفوق ونهتم بالحدث اللي احنا بنمر بيه دلوقتي
ونفكر في اللي جاي والمفروض ايه اللي يحصل
ونركز في النصر الكبير اللي وصلنا ليه
وازاي نستثمر الحدث ده استثمار امثل
ثورة مصر نجحت وحققت مطالبها الأولية
المفروض نبدأ نبنى مصر من جديد وننهى على الفساد بادينا
نسيبنا من الاحداث اللى فاتت
كل اللى شارك فى الثورة مشكور جدا انه رجع كرامة المصريين
كل ما ناهض الثورة حاول تحفظ مصر وتعمرها
وائل غنيم كان سبب رئيسى فى الثورة
الشعب هو اللى عمل الثورة
لو البرادعى اترشح متنتخبوش لو انت مش مؤيد
احنا فى بلد ديموقراطى
بطلو بقى النظريه الفاشله دى
خلاص حطوها فى دمنا مقناش عارفين نخلص منها
نحن لانريد الافراط فى الاهتمام ولكن لابد من المتابعه . لان الامر يهمنا جميعا والمصريين جميعا هما اللى هيجنوا الثمار.
ولاتنسى ان وائل غنيم اصبح صوته مسموع الان ليس من بعض الشعب فقط ولكن اظن انه من القبادات كمان
ياجماعه انا واحد من الناس لااريده وصى عليا . اما اذا كان يريد ان يعمل الصالح للبلد فاهلا ومرحبا به وان كان دون ذلك فربنا يستر لان صوته مسموع الان .
المهم فى الموضوع ان كل واحد مننا يحكم عقله ويسمع من هم اعلم منه . ولايصح الا الصحيح ، اذا كانت الحكومه الان تعمل حقا على الاستقرار والنهوض بمصر فلنصبر عليها ولنكن خلفهم لان لازم نعرف ان النهوض لاياتى فى يوم وليله
كل شويه ناس تقرفنا بمواضيع وفيديوهات عن خيانة وائل غنيم وحقيقة وائل غنيم وسفاله وائل غنيم وحظاظه وائل غنيم وتشيرت وائل غنيم
ردى على الناس دى انها مبتفهمش من الاخر كدا , تاخد اى حاجة تقراها او تشفها من غير ما تقرى او تحلل او تفهم حتى
يعنى من الاخر بغبغنات
وعلشان نقطع الحوار عن شخصية وائل غنيم
وائل غنيم انا اعرفه قبل ما يشتهر , معرفوش معرفة شخصية ولكن انا احد المتابعين لخدمات المواقع والانترنت وشفت ليه فيديوهات كتير عن خدمات جوجل وكانت قنوات كتير بتسضيفه عندها بصفته المدير التسويقى لجوجل فى الشرق الاوسط وشمال افريقيا .
تخيل مرتبه كام فى الشهر ؟ تخيل مرتب مدير تسويق جوجل فى الشرق الاوسط وكمان شمال افريقيا يبقى كام ؟
يعنى الراجل مش محتاج فلوس علشان يخون او يبقى جاسوس او ماسونى او هندى
الراجل عنده فيلا فخمة فى دبى وطبعا عارفين اسعار العقارات فى دبى شكلها ايه ؟ يعنى مش محتاج
انا عن نفسى لو عندى كل دا والله العظيم ما كنت وجعت دماغى لا بمصر ولا بشباب مصر ولا حتى اللى بيتعزبوا فى السجون
كل الشباب المصرى كانوا بيهربوا من مصر ويسافروا بره وياما شباب ماتت فى المراكب اللى بتهرب بره البلد والراجل دا ساب فيلا فخمة فى دبى وساب شغله المرموق والعيشة المرتاحة وجاى يوجع دماغه وقلبه ويهدد حياته يا ترى علشان ايه
يا ريت الناس تفهم وبلاش تبقى عامله زى البهائم اللى من غير مخ
ملحوظة : بعد شويه حطلع لينا واحد عبقرى بفيديو او صورة لوائل غنيم وهو حاضن واحد صاحبه ويقولك شوف وائل غنيم الشاذ جنسيا
ودة لانس ارمسترونج عشان الى ميعرفوش Lance Armstrong - Wikipedia, the free encyclopedia
كلام تافه ولا يستحق التعليق
منتهى التفاهة و السطحية