العربية زي ما تكون مكلبشة في الأرض !!!

بعد التحية للناس اللي واحشاني جدا و الله

نظرا للأحداث اللي مرت بيها البلد و متابعتنا كلنا و كدا.... الواحد مكنش بيقدر يبقا موجود كتير في المنتدي

كان ليا استفسار

العربية عندي حاسس انها مكلبشة شوية و تقيلة في السحب

أنا مغير الفتيس بقالي 3 شهور باين...قاللي أغير الزيت بعد 5 الاف و لسه مغيرتوش

و كدا كدا معاد تغغير زيت الموتور قرب

و حساس الكامة عندي بيهيس شوية شغال و شوية اللمبة تنور

ايه ممكن تاني يكون سبب ان العربية تبقي تقيلة كدا .... قبل كدا كانت سحبتها محترمة ... مش زي دلوقتي لازم اكبس بنزين عشان احس بفرق في المشي

و شكرا ليكم يا رجالتنا

جربت تتاكد ان دة مش بسبب فرامل قافشة او بلى عجل وحش؟؟

MMamdouh

امشى بيها شوية بتاع 200 متر كدة وجس ال 4 جنوط شوف فيهم سوخنية ذيادة عن اللزوم ولا لا لو كدة بيبقى الفرامل قافشة

مع أنى ممتلكتش اوبل لكن نفس الحكاية حصلت معايا فى فيات قبل كدة وطلع كدة

بالعكس حضرتك ده انا التيل عندي مش كويس بدليل ان الفرامل مهوية في اول دوستها فاهمني ؟؟ مش بتقفش علي طول اول ما تدوس

بلي العجل دا مش عارفه بس انا اسمع انه بيزعل جامد في الفلوس ههههههه

يا تري دا عبارة عن ايه و بكام

لو العربية بتكبسلها بنزين على الاخر فصتها يعلى معاك والار بى ام بيعلى ومبتسحبش يعنى بطة بلدى يبقى ده ممكن يكون كمية البنزين الداخلة للموتور قليلة وده لسبيبن 1- فلتر بنزين 2- طرمبة بنزين
وده اللى حصل عندى

http://www.nilemotors.net/Nile/201117-a.html

بصي بالنسبه للتقل انت موضحتش ده في السحب ولا تقل ف العربيه نفسها
لو حسيت ان العربيه تقيله معاك في الطلعه كأن حاجه بتشدها لورا دي تبقي فرامل قافشه وعشان تعرف كده
ارفع كل عجله لوحدها ولفها فإيدك لو لقيتها بتقف معاك تعرف انها قافشه لو لقيتها بدور عادي تبقي طبيعيه ,,,واسمع بالمره لو فيها صوت ونه ولا حاجه يبقي بلي عجل
لو سحبها ضعيف وده من الموتور يبقي دوره بنزين مش سالكه احتمال طلمبه بنزين او فلاتر

اقتباس:

---

المشاركة الأصلية كتبت بواسطة thug

بصي بالنسبه للتقل انت موضحتش ده في السحب ولا تقل ف العربيه نفسها
لو حسيت ان العربيه تقيله معاك في الطلعه كأن حاجه بتشدها لورا دي تبقي فرامل قافشه وعشان تعرف كده
ارفع كل عجله لوحدها ولفها فإيدك لو لقيتها بتقف معاك تعرف انها قافشه لو لقيتها بدور عادي تبقي طبيعيه ,,,واسمع بالمره لو فيها صوت ونه ولا حاجه يبقي بلي عجل
لو سحبها ضعيف وده من الموتور يبقي دوره بنزين مش سالكه احتمال طلمبه بنزين او فلاتر

---

استاذ يا ابو ضيف

زى ما قال محمد ضيف
الأختبار الظاهرى على كل فرده على حده افضل بمراحل

ربنا يخليكم يا رجالتنا
هاجرب كله و اقول ايه النتيجة
متشكر جدا لذوقكم و اهتمامكم :)

على الأقل عشان تعرف تبيع صح

عندك حق يا طناني باشا بس مش عارف اقرر اكمل في الأوبل و اجيب الأسترا الجديدة ولا اروح للــ 318 bmw

2001-2004

خايف اطلع من حفرة اقع في اللي بعدها

ولا اخليني في سيفيك الشكل الجديد موديل حديث و ابقي وفرت علي نفسي عنائي و مغامراتي مع المستعمل

شوف ضغط الطرنبة كدا
إحتمال كبير جدا تكون هى نفس الى كان بيحصل معايا