الموضوع: حي السفارات والسابع وانبي

والدتي قالتلي ان بعض النقابات عاملين مظاهرات
علي بتوع السجل المدني اللي في السفارات
علي تقديم وظائف مش عارف فين
لدرجه ان فيه مظاهره دخلت جمب البيت عندنا عشان ميعملووش زحمه في عباس العقاد :)
ناس متربيه :) بس ربنا يستر عالعربيه منزلتش بيها انهارده

بس عادي يعني
الوضع تحت السيطره
والجيش مزبط
ربنا يستر بس وميحصلش ضرب
كله نازل يعمل مظاهرات عشان المرتبات
وطالعين في التلفزيون بيضربوا بعض ويزقوا بعض عشان مين اللي بيتكلم مع المذيعه ويقول الطلبات
:)
اللي زي دول والله لو اضرب بمبه بتاعت العيد دي كلهم حيجروا لان مفيش هدف بجد
هما نازلين بيزيطوا في الزيطه
كل المصالح الحكوميه دلوقتي بيحقدوا علي بعض
اي واحد يطلع في التلفزيون
يقول احنا بناخد اقل من اي حته
تكلم دول يقولك بناخد اقل من باقي الهيئات

ماهو من اللي بتعملوه ربنا بيخلص فيكو دلوقتي
الواحد كان لسانه بيدلدل قدام اي شباك وكل اللي في المكاتب ستات مركبه سبويلر
ومش قادره تتحرك من مكانها وكل اللي فالحه فيه
خش المكتب اللي جمبنا
اطلع فوق
انزل تحت
وقاعدين بيرغوا

هوا ده اللي بتطلبوا ان مرتباتكو تزيد عشانه
ومش بتكلم عن حد غريب
ناس قرايبي شغالين في الحكومه
والله العظيم اجازات علي طول
وقاعدين في البيوت وبيقبضوا
يشوفوا شغلهم الاول وبعدين يطلبوا مطالب

بتوع الاتوبيس عاوزين زياده والممرضات والظباط والامناء والموظفين
امال مين اللي كان بيرتشي اما كل دول عاوزين زياده