شباب ال it .....عاوزين نعمل حاجة نساعد بيها....ممكن؟

**Ahmed Selim** · 14-02-2011 04:39 PM

السلام عليكم

فيه فكرة جت فى دماغى........مش عارف أمكانية تنفيذها أيه.

دلوقتى مؤسسات مختلفة فى مصر من ضمنها الجيش عامل خطوط ساخنة لتلقى البلاغات عن التجاوزات الأمنية أو المالية أو غيره أو غيره.

على حد ما قريت هنا أن معظم الخطوط الساخنة مشغولة فى معظم الأوقات.
عاوزين نساعد الناس دى بخبراتنا.....أننا نقدم لهم حل لتوصيل أصوات الناس ليهم بطريقة أكثر إيجابية من خطوط التليفونات المشغولة دائماً.

الفكرة بإختصار شديد هى عمل موقع لأيصال المخالفات الى الجهات المختلفة.

الموقع ده هيقوم بالتبرع بالمجهود و مصاريف الهوست و الدومين بدون تكليف الدولة أى شئ.
دى بلدنا.....و جاتلنا الفرصة أننا نساعد فى بناء مصر من جديد.......مصر زى ما أحنا عاوزينها.....مصر بتاعتنا أحنا.....مش بتاعة حد تانى.

أولى الخطوات المفروض إتخاذها لتنفيذ مثل هذا الموقع هتكون عن طريق حصر جميع جهات و مؤسسات الدولة اللى محتاجة الخدمة دى و على رأسها الجيش.

مين معايا فى الموضوع ده ؟
عاوزين نجمع أفكار و حصر الجهات اللى محتاجة الخدمة.

و رجاء.......مش عاوز ردود من عينة مشكور و +1
اللى عنده رد يفيد الموضوع سواء بتبرع بالمجهود أو التنظيم يتفضل بالرد.

**نور القمر** · 14-02-2011 04:51 PM

واتمنى من ادارة نايل موتورز بعد الانتهاء من انشاء الموقع المساعدة في الدعايا له عن طريق قاعدة البيانات الكبيرة لاعضاء المنتدى بارسال رسائل بريدية لهم وايضا عن طريق جروب المنتدى

**أحمد الجندى** · 14-02-2011 04:53 PM

الموضوع كبير مش بالبساطة دى لانك محتاج مكان لمعداتك وبعدين عايز معدات من سيرفر وراوتر وفايرول وبعدين انظمة تشغل بيها الكلام ده وخط انترنت leased line على الاقل وبعدين تحضر خطة للانظمة اللى حاتستخدمها وبعدين تشوف ايه التخصصات اللى انت عايزها .

أو لو فيه مكان تقدر تأجر منه كل الكلام ده والهوست يبقى عنده وعلى حسب فلوسك تقدر الباندويدث والكلام ده وعليك بس عمل الانظمة بس برضو انت عايز حاجة مكلفة لانك عايز اعداد كبيرة تستخدم الكلام ده وطبعا انت مش عايز حاجة تقع أو تتوقف من الضغط الكبير .

أنا مش عايز احبطك بس موضوع زى ده محتاج تخطيط وفلوس علشان يمشى صح ... وربنا يوفقك

**Ahmed Selim** · 14-02-2011 05:07 PM

المشاركة الأصلية كتبت بواسطة نور القمر

هو لازم اي تي يعني
ايه الديكتاتورية دي
انا بقى بفكر في نفس الموضوع
ومش عارفة الم خيوط الموضوع
بس اللي اقدر اساعد به دلوقت وحالا
هوست ودومين
اختاروا الدومين وانا احجزه
بس تصميم الموقع على مين ؟؟
انا ممكن احاول اطلب من حد يسساعدني بس مش ضامنة موافقته ياريت يكون حد من طرفك او اي حد من الاعضاء

يا فندم ولا ديكتاتورية ولا غيره..........اللى عاوز يساعد يتفضل.

التصميم الشكلى مش محتاجين تصميم قوي الموضوع ممكن يتلم بأى تصميم بسيط.....احنا عاوزين نعمل حاجة نساعد بيها و الغرض منها مش تجارى أو تسويقى علشان نهتم بالتصميم.

لو قصدك على تصميم إزاى الدنيا تشتغل.........هو ده غرض من أغراض الموضوع.

المشاركة الأصلية كتبت بواسطة almohake

الموضوع كبير مش بالبساطة دى لانك محتاج مكان لمعداتك وبعدين عايز معدات من سيرفر وراوتر وفايرول وبعدين انظمة تشغل بيها الكلام ده وخط انترنت leased line على الاقل وبعدين تحضر خطة للانظمة اللى حاتستخدمها وبعدين تشوف ايه التخصصات اللى انت عايزها .

أو لو فيه مكان تقدر تأجر منه كل الكلام ده والهوست يبقى عنده وعلى حسب فلوسك تقدر الباندويدث والكلام ده وعليك بس عمل الانظمة بس برضو انت عايز حاجة مكلفة لانك عايز اعداد كبيرة تستخدم الكلام ده وطبعا انت مش عايز حاجة تقع أو تتوقف من الضغط الكبير .

أنا مش عايز احبطك بس موضوع زى ده محتاج تخطيط وفلوس علشان يمشى صح ... وربنا يوفقك

ليه يا باشا كل ده ؟
الموضوع ممكن يبقى أبسط من كده بكتير.......فورم ظريفة تبعت على أيميل و خلاص.....أحنا مش هنعمل داتا بيز نجمع فيها الشكاوى......لأنها لو كده ممكن ميتوافقش عليها أصلاً.

يعنى مثلاً تحديد جهة الشكوى.....و بعدين فئة الشكوى و يتبعت ميل بالشكوى عند الضغط على إرسال.....بس كده.

هو بس عاوزين نشوف آلية للتأكد من شخصية المرسل علشان متلاقيش ناس داخلة بتبعت شكاوى أى كلام.

هو احنا محتاجين هوست قوى و أمن و سيرفر يستحمل الضغط و خلاص على كده.