ايها الاخوة الفرسان بيان ( تحديد ميعاد مقابلة فى السريع )

**fawzyyyy** · 25-02-2011 05:58 PM

يا فرسان شيفروليه.......يا ريت تحطوني انا في ال waiting list عشان مش عارف ايه ظرووفي بكرة...عشان عندنا قلق في الدمرداش......
انا بعتذر من دلوقتي عشان لو محصلش نصيب و معرفتش ابقي معاكوا.....

**kokowanted** · 25-02-2011 10:51 PM

ايييه ده مقابلة بكرة؟؟....ازاى مشوفتهاش غير انهاردة؟؟
انا ان شاء الله معاكم بكرة ، كلكم واحشنى و نفسى اشوفكم.
ياريت توضيح اكتر لوصف الطريق عشان انا حم.... طرق :d . ياريت كمان باسم يلحق يرد عليا يعنى يوصفلى من مصر الجديدة و كدة.

**HeMa_LanCeR** · 25-02-2011 11:27 PM

المشاركة الأصلية كتبت بواسطة kokowanted

ايييه ده مقابلة بكرة؟؟....ازاى مشوفتهاش غير انهاردة؟؟
انا ان شاء الله معاكم بكرة ، كلكم واحشنى و نفسى اشوفكم.
ياريت توضيح اكتر لوصف الطريق عشان انا حم.... طرق :d . ياريت كمان باسم يلحق يرد عليا يعنى يوصفلى من مصر الجديدة و كدة.

عموما من اي مكان ان توصل للأوتوستراد كأنك رايح حلوان
يعني هتفضل ماشي مثلا من عند نادي السكه (طبعا هيكون علي شمالك)
هتفضل ماشي حوالي 5 كيلو لحد ما تلاقي كوبري اطلعه وفي نص الكوبري هتلاقي دخله شمال
ادخل وعدي الطريق وكمل علي طول مسافه 500 متر وبعدين هتلاقي مطلع في اقصي اليمين (هو ده مطلع المقطم)
اطلع بقي وامشي علي طول لحد ما تلاقي الطريق بقي فرعين يمين او شمال بمطلع صغير
اطلع شمال وكمل علي طول
هتلاقي الطريق لف بيك يمين خليك معاه (هتلاقي علي شمالك مسجد)
هتلف بقي وترجع من عند المسجد علي طول يعني تخليه علي شمالك باردو
اول ما تلف بقي هتلاقي الشارع بقي يمين وشمال
ادخل يمين بعد حوالي 300 متر هتلاقي الكافتريا علي ايدك الشمال
اركن وانزل اشرب حاجه

**kokowanted** · 25-02-2011 11:36 PM

هههههههه على حساب مين بقى الحاجة ديه بعد اللف ده كله
متشكر جدا لحضرتك على الوصف بس لو تستحملنى سؤالين كمان
انا عرف ان المقطم ليه كذا مطلع، اطلع انه واحد؟؟ ( لو بخرف قولىى عادى )
كمان مكان الكافيه فين من البنك العربى فرع المقطم؟
شكرا

**aymanmaly** · 25-02-2011 11:45 PM

المشاركة الأصلية كتبت بواسطة fawzyyyy

يا فرسان شيفروليه.......يا ريت تحطوني انا في ال waiting list عشان مش عارف ايه ظرووفي بكرة...عشان عندنا قلق في الدمرداش......
انا بعتذر من دلوقتي عشان لو محصلش نصيب و معرفتش ابقي معاكوا.....

د. فوزي عايز يهرب
الى الامام الى الامام الى الامام
ثورة ثورة ثورة
طخخخخخخخخخخ
كدة هازعل تعالى حتى لو نصف ساعة نشوفك

**aymanmaly** · 25-02-2011 11:51 PM

المشاركة الأصلية كتبت بواسطة kokowanted

هههههههه على حساب مين بقى الحاجة ديه بعد اللف ده كله
متشكر جدا لحضرتك على الوصف بس لو تستحملنى سؤالين كمان
انا عرف ان المقطم ليه كذا مطلع، اطلع انه واحد؟؟ ( لو بخرف قولىى عادى )
كمان مكان الكافيه فين من البنك العربى فرع المقطم؟
شكرا

يادى النور يادى النور
بص الموضوع بسيط خليك اتوستراد اتجاة المعادى لغاية ما تلاقى مطلع المقطم
و بعد كدة اطلع مطلع المقطم لغاية ما تلاقى شركة شويبس بعد الشركة هاتلاقى الطريق بيلف شمال خليك مع الطريق خليك ماشى على طول لغاية ما هايقابلك بنك ناصر على اليمين خليك مكمل على طول هايقابلك فاتحة شمال فيها جامع برضوا كامل على طول و بعد كدة اسأل على الكوفى شوب هاتلاقية على الشمال
و هابعتلك رقم تليفونى علشان لو فية حاجة عرف نكلم بعض
و يجعلة عامر

**kokowanted** · 25-02-2011 11:57 PM

استاذ ايمن، ازاى حضرتك؟
ده نور حضرتك طبعا.
متشكر جدا على الوصف و ان شاء الله اعرف اوصل و برده لو فيه حاجة هستئذنك اتصل اسأل

شكرا

**fawzyyyy** · 26-02-2011 09:32 PM

انا اسف والله يا جماعة.......كان نفسي ابقي معاكوا....بس غصب عني والله

الموضوع: ايها الاخوة الفرسان بيان ( تحديد ميعاد مقابلة فى السريع )

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مقابلة الفرسان الي وحشنى اوى

مقابلة الفرسان وان شاء الله تكون اقوى مقابلة علي الاطلاق

الاخوة الفرسان

تحديد ميعاد ومكان مقابلة عصابة تويوتا وتأكيد الحضور.

الكلمات الدلالية لهذا الموضوع

المفضلات

المفضلات

ضوابط المشاركة