من وحى الثورة :)

**Tarek Gen 2** · 15-02-2011 12:43 AM

السلام عليكم و رحمة الله و بركاته

اولا كل سنة وانتم طيبين بمناسبة مولد النبى الشريف (صلى الله عليه و سلم)

ثانيا انا مكنتش بشااااااارك لانى كنت فى موود ثورى الفترة اللى فاتت دى و كنت بنزل يوميا من 25 لحد يوم الاحتفال الحمد لله
والوقت اللى كنت بقعد فيه فالنت كان للثورة برضه

فمكنتش بشارك هنا خالص للاسف و وحشتونى جميعا و الفترة اللى جاية مع بعض ان شاء الله

وبالمناسبة دى انا ادعو جميع ملاك البيرسونا و الجين تو الى اعتصام مفتوح فالتوكيل لتخفيض سعر التيل البوش الالمانى اللى بــ 1300 جنيه ده

و نقولهم
التيل التيل التيل ---- لنصور مييت قتيل
مستر أأمر قول الحق ----- التيل ده غالى ولا لأ
الشعب يريد تخفيض الصيانات

و هكذا وهكذا :)

ولو حد سأل من القائد نقول علطول ايمن عادل
مش انا هه واخدين بالكم مش انا انا عن نفسى شايف التيل حلو و زى الفل

مع الف سلامة يا شباب و كل سنة وانتم طيبيين و ان شاء الله الايام القادمة افضل

**sayed911** · 15-02-2011 01:47 AM

طارق باشا :d :d والله انا شايف انه يجب نعمل اعتصام في العديد من الأشياء مش التيل وبس :d :d هوة انا بحترم جدااااااااااااااااااااااا ااااااا الشعارات الهتافية اللي انتا كاتبها بجد ليها سجع رائع واضح انه معالم الثورة والريح الثورية ما تزال معبقة بداخلك ( كلام كبير قوي ) بس انا شايف انه احنا نحسب سعر التكلفة وسعر الفائدة وهامش الربح ونشوف هل ها يبقى فيه فرق كبير بالمبلغ ده فعلا ولا لا ولو كان الفرق كبير ساعتها نتقدم بمطالب ناخد فيها خطوة اجابية مدام السعر كدهمش طبيعي !! انا بصراحة صدمت لما سمعت انه فعلا 1300 !! :s الحقيقي انتا فتحت عنيا على ما بعد الثورة :d :d ولن نرضا بقائد غيرك يا طارق للثورة فـ ايمن من الشخصيات الرائعة جدا والقيادية للغاية ولكن انتا الفدائي يا طارق فتوكل على الله وحنا كلنا وراك ( ها توحشنا والله ) :d

**Raul_7** · 15-02-2011 05:39 PM

هههههههههه, حلوة يا طارق.

بس الدنيا تهدى شوية وإن شاء الله كل حاجة يبقى ليها حل.

**AmatoALLAH** · 15-02-2011 08:22 PM

هههههههههه حلوه دي

و زي ما قلت قائدنا المخطط للثورتنا الغاضبه علي التوكيل هو ايمن باشا

**Tarek Gen 2** · 16-02-2011 12:40 AM

المشاركة الأصلية كتبت بواسطة م.محمد مختار

ده ايه الثورية دي كلها؟؟؟ :e_braces[1]:
وكمان موضوع الريس طلع هزار وكاميرا خفية؟؟؟

وانا اللي كنت ناوي أحييك وأشكرك على الماهمة في تحرير مصر!!

الكلام الجد بقى...
أنا متفائل ان الدنا حتبقى أحسن بعد الثورة ان شاء الله.. التوكيلات اللي كانت بتدفع اكراميات ورشوات حتوفرها.. واللي كان له "شريك اجباري" برضه حيوفره!!
يمكن أكون متفائل شوية... بس... هاي...ده زمن التفاؤل والمعجزات والمفاجآت... مش كده؟
عموماً ثقتي مش في ضمائر أصحاب التوكيلات الحية... لكن في قدرة المناخ الصحي النظيف على خلق سوق منافسه حر ونزيه يجبر الجميع على التربح بالمعقول...

لك الله يا مصر...

حبيبى يا محمد انت والله ردودك دايما فى الجون

بص الرك الفترة اللى جاية دى على الناس مش على اصحاب المصالح
على الزبون مش على مقدم الخدمة
ربنا يسهلها و الناس تفووووووووووووووق و تتكلم فى حقوقها

واللى هيفرق الفترة اللى جايه ان شاء الله

درجة الوعى عند الناس

**pedro732000** · 16-02-2011 07:12 PM

والله زمان ياطروق عاش من شافك
بالنسبة لموضوع التيل انا مش معاك انا مع الاعتصام امام التوكيل عشان يجيب R3 Kit ويكون سعره كويس جدا والا ...........
زى كل سويسي شريف هاتصرف انا زى مانتو عارفين واجركو على الله وكل واحد يشوف هايصين العربية فين بعد كدة"احتمال يقلب متحف"
والله بهرج وليكو واحشة بجد ولازم تنزلو السويس وتشوفوا متاحف السويس الجديدة "السويس بطعم الحرية"
سلام مستنى تظبو معانا موضوع الزيارة لمعالم السويس الحربية سلام

**م.محمد مختار** · 16-02-2011 09:17 PM

المشاركة الأصلية كتبت بواسطة pedro732000

والله زمان ياطروق عاش من شافك
بالنسبة لموضوع التيل انا مش معاك انا مع الاعتصام امام التوكيل عشان يجيب r3 kit ويكون سعره كويس جدا والا ...........
زى كل سويسي شريف هاتصرف انا زى مانتو عارفين واجركو على الله وكل واحد يشوف هايصين العربية فين بعد كدة"احتمال يقلب متحف"
والله بهرج وليكو واحشة بجد ولازم تنزلو السويس وتشوفوا متاحف السويس الجديدة "السويس بطعم الحرية"
سلام مستنى تظبو معانا موضوع الزيارة لمعالم السويس الحربية سلام

ده أنا كنت متوقع السويس تعلن استقلالها في بدايات الحرب مع الحزب المخلوع.. :)

**pedro732000** · 16-02-2011 10:23 PM

هو يا هندسة كان فى كلام من بعض الشباب فى السويس بخصوص الموضوع ده بس الاغلبية اجمعت انهم بيحبو الشلة واللمة والناس الحلوة اللى فى مصر وسكندرية عشان كدة لما بداء حظر التجول بداء على القاهرة الاسكندرية السويس