البساتم مبوشة هل دي مشكلة

**Ahmed Nasser** · 16-02-2011 10:03 PM

فرامل النوبيرا الخلفية ممكن تعدلها
بمجموعة النوبيرا 2000
او ليجانزا

**moko_2004** · 16-02-2011 10:06 PM

السؤال بطريقة تانية لو حبيت اسقط 2200 الاقية موجود هنا في مصر و لا لازم اجيبة من برة؟ انا شوفت موتور الليجانزا و كا فية شوية اختلافات زي شكل الفلتر و توزيع القواعد وحجمة مختلف هل دة هيعمل مشاكل في المرور عند الترخيص

**moko_2004** · 16-02-2011 10:52 PM

و عاوز اعرف اقرب محطة قياس كبس لمكرم عبيد

**MMamdouh** · 17-02-2011 10:43 AM

المشاركة الأصلية كتبت بواسطة moko_2004

متشكر اوي و جزاك الله خيرا طيب معلش لو مفيهاش غتاتة اعتقد ان 1800 و 2000 متوفرين بس اكيد موتور 2200 صعب الاقية هنا في مصر ولا لازم اخلي حد يستوردة

اكتر مكنة متوفرة هى ال2000... ال1800 قليلة لانها نزلت فقط على النوبيرا الستيشن بتاعت الدورية الراكبة و ال2200 قليل جدا جدا

انصحك تركب ال 2000 لانها مكنة منتشرة و قطع غيارها موجودة بسهولة و سهل تلاقيها عند تجار كتير و بالتالى تعرف تختار مكنة بحالة كويسة و سعر كويس

ال2200 مفرقتش كتير اوى عن ال2000 بس حتدخلك فى شريحة تاية و انت بترخص (رسم التنمية حيبقى 2% من تمن العربية بحد ادنى 1000 جنية سنويا)

و التعديل بتاع الفرامل انا شوفتة في اللانوس و كان بيتغير الصرة الخلفية ببتاعه اوبل طيب و النوبيرا بتتغير بأية

النوبيرا ليها فرامل ورا سكاكين و هما دول اللى حتشتريهم و الزملاء ياسر و هانى عاملين التعديل دة و موضحين الاجزاء و الخطوات فى موضوعين اعتقد انهم فى قسم اهم الموضوعات

MMamdouh

**MMamdouh** · 20-02-2011 11:51 AM

معتقدش ان دة منطقى

MMamdouh

**tuttoo** · 21-02-2011 01:12 AM

اي موتور مستعمل لازم البساتم تكون مبوشة علي خفيف طالما مفيش دخان ابيض ولا نقص زيت متجيش جنب البساتم اقفل علي طول

**abdalah_hashem** · 21-02-2011 04:24 AM

معلومة كلنا عارفينها بس مش واخدين بالنا منها
انت عندك البستم نفسة لما بيسخن بيتمدد يعنى بيوسع شوية لبرة
وجسم الاسطوانة او الشيميز نفسة لما بيسخن بيتمدد هو كمان فبيضيق من جوة يعنى محيط الفراغ الداخلى بيقل شوية

فلما الموتور بيبقى سخن فى درجة حرارة التشغيل الحاجات البستم بيبقى حابك مع الاسطوانة ومبيبقاش فى خلوص الا لو الموتور خفيف ومفوت بقى

وهقوللك على حاجة لما حد بيعمل عمرة للموتور عند الميكانيكى والموتور بيتركب تانى مبيبقاش فى خلوص كافى بين البستم والاسطوانة
فتحتاج انك تدخل فى فترة تليين لحد ما يحصل خلوص كافى بينهم من الاحتكاك وبرضة يحصل خلوص كافى بين الكرنك وبين السبايك من الاحتكاك
21-2-2011

**moko_2004** · 21-02-2011 10:20 PM

المشاركة الأصلية كتبت بواسطة moko_2004

بس ده بيحصل معايا لما ببقي قارص علي الدواسة في السرعات العالية العربية بتحجر معايا عند 110 و متفكش غير لما ارفع رجلي و اخفف واكارك بالراحة تبدأ تفتح بعد كدة وبرضة بتعمل نفس الحركة دي عند 130 و عند 150 والكلام دة من غير كيك داون يعني علي نفس النقلة مفيش اي تسقيط حاصل
غريبة الحركة دي
و عندي برضة مشكلة تانية مش عارف هل اعملها موضوع جديد و لا اية المارش عندي بيهيس ساعات
يعني ببطل العربية في البنزينة عشان امون و بعد ما اخصلص لا يمكن المارش ينطق بيعمل تك و يسكت و اقوم قافل الكونتاك و فاتح و تك نفس الكلام و انا وحظي بعد 3 او 4 مرات لما المارش ينطق علما ان كان عندي واحد قديم عامل نفس الموضوع دة وغيرتة و الجديد ابتدي اهوه

فية حد عندة تفسير للي بيحصل ده