الموضوع: احنا بجد داخلين على كارثه

في اية يا رجالة ..انتو فاكرين كل حاجة بتيجي بالساهل ولا اية.؟
انتا فاكر الحرية والكرامة والعدالة ال علشانها سال دم الشباب رخيصة أوي كدا ونفرح شوية وهتبقي الحياة فلة بعد كام يوم.
لا طبعا احنا هنتعب جامد الايام الجاية ولازم نكون متوقعين دا من الاول بس دا في سبيل ايام أفضل للبلد وللاجيال الجاية ان شاء الله.
ولازم الناس المحترمة تتكاتف مع بعض ويقفوا مع بعض قدام اي تصرف غلط ,, مش فكرة بس نفض خناقة ولا نخلص

المشاركة الأصلية كتبت بواسطة elfashn

احنا بجد داخلين على كارثه ومش عايز حد يقولى الفزاعه والكلام ده.انا النهارده الصبح عدى عليا صاحبى كنا رايحين لمنطقة ابو الهول لآننا مرشديين سياحيين والنهارده كل المرشدين اتفقو انهم يقفو امام ابوالهول والاهرامات لآرسال رسالة للعالم بأننا بلد امان ومستعدين لآستقبالهم فى اى وقت ...وكل هذا من اجل الدفع بعجلة السياحة للعمل من جديد مطولش عليكم بعد هذا المظهر الحضارى الرائع والاحساس لآول مرة بحب البلد بهذا الشكل اخذنا طريق العودة وكنا 3 فى العربية وكلنا ساكنين فى الهرم برضة المهم ماشيين فى شارع الهرم وعند المريوطية تردد صاحبى فى الدخول لليمين او الاستمرار فى السير فى شارع الهرم حيث ان كل الطرق مؤدية للهدف التردد كان للحظات مش اكتر المهم ان جه من جهه اليمين واحد من الميكروباصات الفولكس المشهورة بسيرها فى شارع الهرم واذا بالسائق يعلو صوته قائلا دوختونا معاكو متخلصو....رد فعل صديقى الاخر مش الى بيسوق مجرد تشويحه مصرية تعنى متصبر لايعاقب عليها القانون قوم السائق يعمل اية يقوم داخل بعربيته فى الاكصدام الخلفى لسيارة صديقى والى هيه يا عينى دايو ليجانزا يعنى اكصدام فولاذ فى مواجهة اكصدام من الورق المقوى ومع ذلك تأثيرها لم يكن اكثر من خدش ازال الطلاء والمعجون فى منطقة صغيرة فى الاكصدام بس بصراحة صاحبى صاحب السيارة مقدرش يتحكم فى نفسه لآن السواق كان متعمد يخبطه لانه عارف ان الميكروباص مش هيحصله حاجة المهم صاحبى نزل وضرب السواق والسواق نزل علشان يضرب صاحبي وبقت خناقة والشارع وقف المهم انا لاقيت ان اصحابى متعاملين فى الخناقة والسواق طلع مفتاح زى بتاع الانابيب وعايز يعور صاحبى واثناء الاحداث لاقيت امين شرطة فى الجهة الاخرى من الشارع قاعد على كرسى جنب موتسيكل قمت معدى اعتقاد منى انه الشخص الى ممكن يوقف الى بيحصل قبل موصل للامين شفته بيبصلى فطلبت منه انه يعدى يوقف كل الكلام ده.....عارفين كان رد فعله ايه !!!دور وشه الناحية التانية وكأنه مش شايفنى عمل فيها رفاعة الطهطاوى فجأه انا كنت عايز اروح اضربه انا حسيت انى مستفز لدرجة فظيعة لكن الحمد الله كبرت دماغى ورجعت لصحابى الناس ادخلت وطلبت مننا اننا نمشى وفعلا ركبنا العربية وقبل ما صاحبى يتحرك كان مفتاح الانابيب الى فى ايديه لابس فى الزجاج الخلفى مكسره اوعى وشك صاحبى نزل طلع مفتاح العجل وكسر الزجاج الامامى للميكروباص و الناس قعدت تتحايل علي صاحبى علشان يمشى وحصل بس بعد ايه بعد الزجاج متكسر...الكارثه يا جماعة ان مفيش تواجد حقيقى للشرطة وفى بلطجة جامدة اوى فى الشارع والتكاتك ماشية فى شارع الهرم عادى وكانها تبع التاكسى الجديد حتى واحد صاحبى كان بيهزر وبيقول لسائق توك توك جيزة قام واقفله علشان يوصلة فعلا من الهرم للجيزة...انتو متخيلين تبقى ماشى بعربيتك فى امان الله مع اسرتك وتلاقى توك توك كاسر عليك او خابطك وطالع يجرى ولا يجرى لية ده ممكن يقف وياخد منك تعويض وانت كمواطن مسالم مش هتلاقى حد ينجدك احنا داخلين على فوضى بالعبيط ربنا يسترها عليكى يا مصر وربنا يسترها على المصريين الشرفاء

هو انتوا عرفتوا ازاى بالوقفة ديه ولا النقابة بعتت ولا ايه اللى حصل لاننى معرفتش عنها الا لما شفتها فى العاشرة مساء

كل الكلام ده و اكتر سليم الوضع الامني للبلد تقريبا زيرو انا كنت احيانا برجع بيتي 4 و خمسة الصبح بمنتهي الامتن دلوقتي بمشي اتنين و تلاته الضهر و انا قلقان صحيح كل حاجة و ليها ضريبة بس فعلا في حالة فوضي ياريت فعلا نشجع ظباط الشرطة اللي بنقابلهم و نحمسهم لانهم فعلا نسبة كبيرة منهم ملهمش اي ذنب و كلنا او اكترنا في عيلته ظابط او اكتر و صوابع ادينا اكيد مش زي بعض الظباط فعلا حالتهم النفسية سيئة جدا و نسبة كبيرة عايزة تستقيل و الناس بتقبلهم في الشوارع بردود فعل بشعة احنا بجد محتاجنهم و ربنا يديم علينا بلدنا بالامان

المشاركة الأصلية كتبت بواسطة ahmedhilmy

كل الكلام ده و اكتر سليم الوضع الامني للبلد تقريبا زيرو انا كنت احيانا برجع بيتي 4 و خمسة الصبح بمنتهي الامتن دلوقتي بمشي اتنين و تلاته الضهر و انا قلقان صحيح كل حاجة و ليها ضريبة بس فعلا في حالة فوضي ياريت فعلا نشجع ظباط الشرطة اللي بنقابلهم و نحمسهم لانهم فعلا نسبة كبيرة منهم ملهمش اي ذنب و كلنا او اكترنا في عيلته ظابط او اكتر و صوابع ادينا اكيد مش زي بعض الظباط فعلا حالتهم النفسية سيئة جدا و نسبة كبيرة عايزة تستقيل و الناس بتقبلهم في الشوارع بردود فعل بشعة احنا بجد محتاجنهم و ربنا يديم علينا بلدنا بالامان

انا معاك ان لازم فعلا نرجع الثقة تاني للظباط. لان عاجلا او اجلا دا لازم يتم فا الافضل لينا كشعب ان دا يتم في اقرب وقت. كلا سليم 100%

المشكلة ان الفترة اللي فاتت كان نظام الشرطة غلط .... من اول الكلية و هم بيتربوا غلط ... يعني كان واحد جارنا ايام ما كان في الكلية لما كان بينزل اجازة كان بيجي في التاكسي و يسيبه تحت و يطلع و يا عيني السواق قاعد مستني الحساب ... و في الاخر البواب كان بيدفع و يحاسب ابوه ...
نسبة كبيره منهم كانوا بياخدوا رشاوي و بيستغلوا سلطتهم ... طبعا نسبة صغيرة بشكل مباشر بس الاغلبية بشكل غير مباشر .... يعني واحد صاحبي بعت اتنين عساكر يباتو قدام بنك الاسكان و التعمير ... مش عارف عشان يقدم علي شقة ولا ارض .... و طبعا الاخ ده محترم ... بس بشكل غير مباشر كان بيستغل منصبه
و اساسا هم من زمان مش شغلتهم حفظ الامن هم كان شغلهم حماية النظام
في سنة 2005 كنت في اجازة و كنت وقتها راجع من السعودية ... و عربية نقل خبطتلي العربية ...اتصلت بالشرطة و قلتله انا في ميدان السبع عمارات و قلتله المحلات اللي جنبي .....و الرد كان لما تعرف اسم الشارع ابقي اتصل
المشكلة اني قبلها لما كنتفي السعودية علي طريق ينبع البحر لجدة و العربية عطلت و اتصلت بالشرطة و سالني عن مكاني قلتله معرفش بس انا اقرب لجدة مني لينبع ...(طريق 400 كم تقريبا ) بعد ساعة كانت عندي عربية شرطة وفضل واقف معايا لحد ما جالي ونش شال العربية .... و الكلام ده في وسط الصحراء و انا مش سعودي
طبيعي بعد اللي حصل ده انهم يبقوا خايفين لانهم اكتشفوا انهم كانوا واقفين في المكان الغلط ...
تخيل واحد كانت مهمته حماية النظام و بالمرة حفظ الامن و فجاة راح النظام و فجاه لقي نفسه كان واقف ضد اللي كان مفروض يحميهم .... انا شايف بجد ان لازم نرجع موضوع اللجان الشعبية و مش عيب ده حتي في امريكا بيعملوا كده ..