رايك اية احسن الالنترا ولا الاوبترا ولا الصني ولا الجين2

عايز رايكم يا جماعة في العربيات دة بصراحة الالنترا ولا اوبترا ولا الصني ولا الجين2 وكلهم اوتوماتيك عشان ناوي اشتري بس عايز حد يقولي المميزات والعيوب بتاعت كل عربية فيهم ممكن

الانترا او جين 2 بس خد بالك ان الجين 2 كمالياتها اعلى بس الألنترا اوسع

النترا
راى انها عربيه ممتازة ولا يختلف عليها اتنين

الصنى عربيه كويسه

انا لو مكانك احصر اختياراتى بين الاتنين دول

النترا واسعه من جوا والشنطة بتاعتها واسعه ، تابلوه شيك (تعتبر من افضل العربيات اللى انتجتها هيوانداى)

الصنى ممكن يكون فيه قلق شويا نتجيه بعض اشاعات التقفيل المصرى ولكن كلها عبارة عن مشاكل فى التقفيل مش اكتر

الالنترا احسنهم لكن خلي بالك ان فيه فرق سعر
يعني الالنترا اقل فئة 98000 ويمكن تكون زادت
الاوبترا 87000
الصني 86000
الجين اعتقد 86000
ودي بداية الاسعار في كل منهم
يعني الالنترا اغلي ب 11000 او 12000

وحسب انت متطلباتك اية من العربية
انا مثلا جبت اوبترا لأني عاوز عربية عائلية وواسعة من جوة وفضلت التقفيل الكوري وارتحت نفسيا لها
لو انت عاوز شبابي هات الجين 2
لو عاوز عائلي يبقي عندك الثلاثة التانيين
وشوف امكانياتك ... لو تسمح يبقي هات الالنترا
لو ما تسمحش يبقي عندك الصني والاوبترا
ويوجد مواضيع كتير في قسم المقارنات بين الاثنين دول


الكلام دة كله نظريا
لكن لازم قبل ما تقرر تروح التوكيل وتشوف العربيات علي الطبيعة وتركبهم وتشوف الصالون من جوه ولو تعرف حد يمتلك احد السيارات دي يبقي تسوقها الاول

وربنا يوفقك