مازق قانوني فظيييييييييييييع

**mr_sameh** · 15-02-2011 01:29 AM

انا في المكتب وقدامي قضيه بدرسها وبقلب في الورق بعدين جت في دماغي فكره ان القضية اللي معايا دي ممكن تطلع براءه بسهوله جدا وكمان كل القضايا وده لان الدستور معطل وكل القوانين الموجوده في مصر مبنيه علي الدستور وبناء علي ذلك فان اي قضيه لازم تاخد براءه وبناء علي كده اتصلت باستاذي في المهنة وطرحت عليه الموضوع فضل ساكت علي الموبايل مايردش خالص وفي الاخر قالي فعلا عندك حق الموضوع خطير جدا لان الكلام ده هيترتب عليه ايضا بطلان المحاكم جميعا وبطلان جميع القوانين في مصر . وبعد مانهيت مكالمته اتصلت بصديق ليا مستشار طرحت علية الموضوع لقيته سكت كمان علي الموبايل شويه ورد قال فعلا الكلام ده سليم تماما وكل الاحكام اللي طلعت بعد تعطيل الدستور باطله وكان اقتراحه ان المحاكم لازم تقفل حاليا وكمان قال يبقي كده التحقيقات اللي بتتم في قضايا الفساد باطله بصراحه الموضوع مهم جدا لكل الناس وعلشان كده طرحته عليكم لان الموضوع شاغلني جدا ومفيش اي مراجع ولا ابحاث بتتكلم في الموضوع ده

**abo_anas** · 15-02-2011 01:36 AM

اكيد الموضوع ده له مخرج عند الدوله والا الفوضى هتزيد مش كده ولا ايه يااستاذ

**heshamzaky** · 15-02-2011 01:43 AM

لى قريب فى القضاء رئيس محكمة تكلمنا سويا فى الموضوع دة و أجابتة انة قال لى حقيقى مش عارف دة موضوع فعلا مهم جدا جدا بس أكيد حا يكون لة مخرج . طيب محكمة الجلاء التى تم حرقها دى مصيبة لوحدها ناس كتير كانت مقدمة اوراق لاثبات حقها و أتحرقت دة كان من ضمن النقاشات برضو

**ahmed1611** · 15-02-2011 01:43 AM

ممكن المحاكم شغالة علشان الناس متتعطلش و العجلة تمشي وفي الاخر بردو نقول المهم يبقى احكام عادلة وخلاص وهو دا الاساس اما من الجانب القانوني وبطلان الاحكام بعد اسقاط الدستور دي نسبها لاهل القانون

**mr_sameh** · 15-02-2011 01:46 AM

المشاركة الأصلية كتبت بواسطة ahmed1611

ممكن المحاكم شغالة علشان الناس متتعطلش و العجلة تمشي وفي الاخر بردو نقول المهم يبقى احكام عادلة وخلاص وهو دا الاساس اما من الجانب القانوني وبطلان الاحكام بعد اسقاط الدستور دي نسبها لاهل القانون

مفيش حكم عادل وحكم ظالم اي حكم بيكون مبني علي قانون واي قانون مبني علي الدستور والدستور اوقف العمل بيه يبقي مفيش قانون

**mr_sameh** · 15-02-2011 01:48 AM

المشاركة الأصلية كتبت بواسطة salmay

اكيد الموضوع ده له مخرج عند الدوله والا الفوضى هتزيد مش كده ولا ايه يااستاذ

اعتقد لا لان اللي بيشوف الحلول دي هما القانونيين اللي انا واحد منهم ومفيش اي مراجع او ابحاث بتتكلم في الموضوع ده

**mahmoudselim** · 15-02-2011 01:50 AM

طيب بم ان حضرتك طرحت المشكلة. هل حضرتك شايفلها مخرج؟ وهل حضرتك متوقع ان المجلس الاعلي للقوات المسلحة واخد بالة من الموضوع دا؟ وبمعني اخر هل دا ممكن يكون مقصود؟

**mr_sameh** · 15-02-2011 02:01 AM

المشاركة الأصلية كتبت بواسطة mahmoudselim

طيب بم ان حضرتك طرحت المشكلة. هل حضرتك شايفلها مخرج؟ وهل حضرتك متوقع ان المجلس الاعلي للقوات المسلحة واخد بالة من الموضوع دا؟ وبمعني اخر هل دا ممكن يكون مقصود؟

انا هجاوب عليك من الاخر , اعتقد الموضوع غير مقصود تماما , دي بقي معرفهاش بس . الحل هو تفعيل العمل بالدستور القديم فورا حتي يتم عمل دستور جديد

**mahmoudselim** · 15-02-2011 02:06 AM

المشاركة الأصلية كتبت بواسطة mr_sameh

انا هجاوب عليك من الاخر , اعتقد الموضوع غير مقصود تماما , دي بقي معرفهاش بس . الحل هو تفعيل العمل بالدستور القديم فورا حتي يتم عمل دستور جديد

طيب انا سمعت انا مفيش مادة في القانون بتتيح للرئيس تسليم سلطاتة للمجلس الاعلي للقوات المسلحة وان لما الرئيس السابق عمل كدا دا معناة اسقاط الدستور ضمنيا, دا غير ان الاعتراف بالثورة انها شعبية ضد كل ما يتعلق بالنظام هو في حد ذاتة أسقاط لشرعية الدستور.
أية رأي حضرتك؟

**dr-mohamed** · 15-02-2011 02:08 AM

اعتقد والله اعلم يا استاذ سامح ان عمل المحاكم والتحقيقات سليم لان الدستور اوقف العمل باحكامه ولم يتم الغائه والقوانين لم يتم ايقاف العمل بها بل تستمر في التطبيق حتي صدور دستور جديد او يتم تعديل الدستور الحالي الموقوف تطبيقه وبناء عليه يتم الغاء القوانين التي تتعارض معه
وقف التطبيق يعني عدم صدور قوانين جديدة تستند اليه ولا يعني الغاء القوانين التي صدرت فعلا تطبيقا له قبل ايقاف العمل به ولهذا تم حل مجلس الشعب
من ناحية اخري فالمجلس العسكري يصدر مراسيم بقوانين استنادا الى الدستور الموقوف وبالتلاي من المؤكد ان هذه المسئلة تم بحثها مع اعضاء اللجنة الدستورية السابقة وهم من هم في القانون الدستوري وانت تعرفهم

الموضوع: مازق قانوني فظيييييييييييييع

LinkBack

أدوات الموضوع

عرض

مازق قانوني فظيييييييييييييع - انشر الموضوع فى :

-

-

-

-

-

-

المواضيع المتشابهه

استفسار قانوني من الاخوه المحامين ؟

وريد من اهل الخبره الرد ان فى مازق

استفسار قانوني بخصوص شقق الرحاب

محاسب قانوني

هو ده قانوني ................ ؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة