الموضوع: بعد الثوره: قبل ماموت هشوف عربيه مكتوب عليها صنع فى مصر ولا هنعمل صناعات صغيرة !!؟

انا شايف اننا نعمل الموضوع التانى عشان انا شخصيا كان نفسى انى اعمل الاولانى فكده مصر هاتقطع عليا وانا حاطط خطه عشان اعمل العربيه المصريه 100% هههه

انا مش متأكد بس هو احنا اصلا عندنا القدرة اننا نبدأ مشروعات كبيره لو عندنا امكانيات نتوكل على الله بس انا لسه شايف راجل الصبح كان بيشحتلنا من الدول العربيه فافتكرت الاقتصاد انتهى فى الكام يوم دول ؟؟ ممكن نبدأ بالصغير وبعد كده نعمل المشروعات الكبيره بس الاول نوفر احتياجاتنا كلها بحيث نقلل او نعدم الاستيراد ده من السلع الغذائية والكلام ده ودى رأى شخصى جدا .

أنا شوفت من كام يوم على قناة الجزيرة إن إيرادات قناة السويس في شهر يناير إللي فات ده كانت حوالي 400 مليون دولار، أنا شايف إن رقم زي ده في شهر واحد يسمح للاقتصاد المصري إنه يبدأ بالصناعة إللي هو عايزها حتى لو هيخسر في الأول لكن مع الاستمرار في الإنتاج و تطوير المنتَج هيحقق أرباح كبيرة أو على الأقل هيغطي الاستهلاك المحلي بدل ما بقينا نستورد كل حاجة و فلوسنا كلها طالعة برة البلد.

انا شايف إن البداية الطبيعية هي الصناعات الصغيرة (بس مش صغيرة لعب يعني) لأن دي هتديك فرصة إنك توجه الفكر الأستثماري عندك للصناعة بدون خسائر كبيرة ، لأن معظم المستثمرين بيحبوا المكسب السريع زي الفنادق والأراضي والعقارات ، ولو بصينا فى العالم هنلاقى دول قليلة اللى بتصنع عربيات ، لكن فى دول بتصنع إلكترونيات ، فى دول بتصنع برمجيات وهكذا

وكمان صناعة العربيات والطائرات بتحتاج صناعات مُغذية ، فبالتالي محتاجبن فى البداية صناعات صغيرة

Amr Mohamed
ماهو يا باشمهندس عمر أنت لو بتتكلم إنك هتعمل سيارة مصرية 100% لازم يكون من تمويل الدولة لأن حضرتك حتى لو عملت سيارة فرديه هتبقى تكلفتها أقل و محدش هيسمع عنها كالعاده أنا مش بحبط الحس الحماسى إلى عند حضرتك لكن أحنا بنتطلع للواقع أكتر و فكرة الأستيراد فعلا أنا من زمان معارض أستيراد السلع الغذائيه لأن عيب جدا دوله زى مصر تكون معندهاش أكتفاء ذاتى من السلع دى

Zika9909
و أنا سمعت كمان أن أيرادات قناة السويس لو بالجنيه المصرى هيفرق جامد جدا معانا و كمان حضرتك بتتكلم فى عز الكارثة الأيراد وصل لـ400 مليون دولار يعنى تخيل لو فى شهر موسم ولا حاجة هيوصل كام و بالنسبه لأستمرار المنتج أحنا الحمد لله المفروض عندنا كوادر فى مصر و عقول تنتج حاجات زى الفل لكن كانت المشاكل كلها يا أما سياسية يا أما أقتصادية زى شركة سيات و النصر الأتنين بدأو مع بعض شوف دى فين و دى فين !!!

shaddadfalcon1
الحاجة الوحيدة إلى أتكلموا عنها و محدش يضحك يعنى الحمامات المصريه !!!
بس للأسف مش فاكر فى أنهى حلقة بالظبط بس عمتا الكلام نفسه عن حمام فى برنامج عربيات خلانى منساش الموقف و بالأخص إنهم ناس مسخره بس والله نفسى زيك أشوف عربيه و هما بيجربوها ميقدروش يطلعوا فيها القطط الفطسانه أو يفجروها زى اللادا

م/مصطفى محمود
والله يا باشمهندس عايز أقولك أن فكرتك صح 100% لكن أحنا مش عايزين نكرر تانى موضوع رجال الأعمال و المستثمرين فى مصر تانى لأن الناس دى بتسرق البلد بكل الطرق بس لو هنيجى نبص على موضوع السيارات على الأقل هتلاقى لو حضرتك بتقول فيه دول قليلة هتلاقيهم إلى بيصدروا السيارات للخارج لكن معظم دول العالم و عن ثقة بتنتج سيارات على الأقل تكفى أحتياجاتها الداخليه بأمكانيات كويسة و بأسعار كويسة تحقق مكاسب لدولتهم و فى الرد القادم هكتبلك كام دولة و بصور عربياتهم كمان
و بالنسبه للصناعات المغذيه يتهئ لى الدولة هتاخد مصنع زوز بتاع الحديد على كام مصنع كاوتش كدة و صماويل و الحياه هتبقى معدن

طبعا مش هتكلم عن السيارات الكورى و الصينى و الماليزى إلى مليانه الدنيا و مش محتاجين نتكلم عنهم كتير
لأنهم ماركات أثبتت نفسها فى الدول إلى زينا معندهاش مايكفى من أحتياجات شعبها من السيارات



رومانيا
داتشيا نوفا و داتشيا 1310 و داتشيا duster و داتشيا sandero

و دى صورة الداتشيا نوفا










الهند
شركة تاتا موتورز
الشركة عملت أرخص سيارة فى العالم إلى أسمها تاتا نانو
و لكن مش مقتصرة على النوع دة بس دا الشركة دى بتعمل مقطورات كمان و أنتجت سيارة بتعمل بالهواء بسرعة 110 كيلو متر

و دى صورة السيارة بتاعة الهوا



و دى صور تانيه لسيارات الشركة



Tata Xover

السعودية
عملوا سيارة أسمها غزال لكنها معملتش صوت كويس يتهئ لى فى الدول العربيه لكنها غطيت أحتياجات ناس كتيرة













سوريا
عملوا سيارة أسمها شام و بشار الأسد شخصيا كان بيجربها و من الواضح إنها عجبته














إيران
و دى الفكرة الأولى لسيارة شام السوريه و أسمها سمند




و دا أصدار جديد من السيارة و محدش يستغرب لأنهم وصلوا لمرحله متقدمه و عملوا أصدار أسمه سورن











ليبيا
من الغريب أن محدش حتى فى ليبيا سمع عن موضوع السيارة إلى بيسموها الصاروخ
لكنها أتعملت و أتحققت أة مش هتعمل مبيعات كبيرة لأن تصميمها عجيب لان مصممها معمر القذافى شخصيا يعنى مش شخص متخصص مع أحترامى له طبعا لكن أحنا بنتكلم على أرض الواقع
و بما أن البدايه جت يبقى التطوير قادم












النرويج
أسمها على ماأظن THINK Ox
و للأسف و بكل أسف تم تصديرها لستوكهولم و تل أبيب (حسبى الله و نعم الوكيل)











أية رأيكم كفاية كدة ولا عايزين تانى !!؟

الي قريته في تقارير و مقالات كتير ان مصنع نصر فيه مكن و عنابر ماشتغلتش اصلا
و يقدر ينتج عربيات من الالف للياء
فكره انتاج عربيه محليه مهمه جدا و هتخدم ناس كتير
طبعا احنا عارفين السوق و احتياجاته اكترمن اي حد تاني
ف هتتميز العربيات مهما كان شكلها او امكانياتها برخص التمن و غير كدا المصنع هيوفر فرص عمل كتير جدااااا

مصانع السيارات او بمعني اصح مدن السيارات مشروع مربح بس الي يعرف يديره صح و يقدر يعمله دعايا صح
و الاهم من كدا الامانه في الشغل و نضافه الصناعه

يعني ايه الي يفرق النيسان صني الي بتتجمع هنا عن الي بتتجمع في المصنع
هنا عشان المستثمر يكسب اكتر ف بيجيب خامات رديئه بيقفل بيها العربيه عشان يوفر و يكسب اكتر
احنا مش عايزين كدا
احنا عايزين جوده عاليه و خدمه ممتازه

والله يا رجاله طول ما في البلد دي ناس بتفكر زيكوا كدا لواحد متفائل ان شاء الله خير