السلام عليكم,
طبعا الأحداث الاخيرة جعلت الواحد يعيد النظر لنفسة و يعيد التقيم لتصرفاتة, و الحمد للة علي النعمة اللي ربنا اعطاها لنا من جديد و هي نعمة الحرية.
انا عايز اقول ان مش كلنا نزلنا التحرير او عملنا مظاهرات لكن الناس اللم مانزلتش جاء دورها وهو التوعية, توعية الناس الأخري لان فية ناس كاملت حياتها عادي جدا بكل سلبيتها و ايجابيته ... احنا مش عايزين كدا , مصر مش عايزا كدا.
و من هنا انا بدعو كل الشباب علي اننا نحاول نغير من نفسنا و من الناس اللي حولينا علي الاقل...
خلينا نتفق علي اني هاكتب حاجات انا شايفها لازم تتغير و ياريت الناس اللي عنداه افكار اخري تشارك بيها ...
دة زمنا نحن الشباب .
1- عدم دفع الرشاوي - الاكراميات- في المرور و المصالح الحكومية .
2- عدم القاء المخلفات في الشارع مهما صغر حجمها.
3- احترام اشارة المرور - ان وجدت- وعدم الوقوف علي خطوط عبور المشاة.
4- الاطلاع علي الدستور و القوانين الخاصة بمصر.
5- ابلاغ جهاز حماية المستهلك في حالة وجود بيع بأسعار مشكوك في صحتها .
تليفون :6/ 7 /33055795
5/2/ 33055768
جهاز حمايه المستهلك
6- عدم السكوت-السلبية- عن الغلط و طبعا احنا بنشوف الغلط كل يوم وياريت لو حد قابل غلط و صلحة يكتب الموقف علشان نتعلم.
7- نخلي مبدأنا هندي اية مش هنستفيد اية, الوقت دة مصر عازة مننا حاجات كتير.
8- تقديم البلاغات في حالة اكتشاف رشوة او اهدار للمال العام. 16117تليفون
9- نتعامل مع بعض باحترام, مش عيب لما تغلط انك تتأسف و تصلح غلطك.
10- مساعدة الناس المحتاجة.
واخيرا ...
بلاش كامة " وانا مالي " لانة اصبح مالك و مال اولادك
يارب وفقنا واحمي بلدنا وبارك لنا فيها و فينا.
" الله لايغير ما بقوم حتي يغيروا ما بأبفسهم" صدق الله العظيم.
شكرا