استلمت العربيه امبارح والحمدلله بس حاسس بنتشه في النقله

**profahmed_i** · 15-02-2011 02:49 AM

صباح الفل على احلى اعضاء ورابطه
استلمت العربيه امبارح والحمدلله بس حاسس بنتشه في النقله اللي بين الاول والتاني بس مش عارف هل ده طبيعي ولا لا
لاني قرات اكتر من مره ان في ناس اشتكيت من الموضوع ده وكان بعض الردود انه شيء عادي وده في كل الرينو وكان البعض الاخر بيقول انها مشكلة سوفت وير والتوكيل بيحلها
ارجو الافاده لان موضوع النتشه ده مضايقني جدا

وشكرا

**akmal_hamdi** · 15-02-2011 02:57 AM

الموضوع عادى علشان الفتيس بينقل كهرباء

**محمد ابراهيم 1** · 15-02-2011 12:32 PM

هى عربيتة حضرتك نوعها ايه وطرازها ايه

**profahmed_i** · 15-02-2011 02:00 PM

نوعها فلوانس الفئه اللي ب 140000
بس بحس برعشه خفيفه كد مع النتشه

**Hegazio** · 16-02-2011 01:22 PM

طب هل بتريح رجلك من علي البنزين عشان تديها فرصة تنقل؟ لو بتعمل كده .. ماتعملش .. خليك طبيعي جدا

**sanset** · 20-02-2011 06:54 PM

المشاركة الأصلية كتبت بواسطة profahmed_i

نوعها فلوانس الفئه اللي ب 140000
بس بحس برعشه خفيفه كد مع النتشه

ايوة يا باشا متقلقش
العيب دة موجود فى معظم الفلوينس ومعظم الناس تأقلمت علية
بس انا مقدرتش وبعت العربية
راجع باب عنوانة
هل يوجد نتشة فى فتيس الفلونس

**sanset** · 20-02-2011 06:59 PM

المشاركة الأصلية كتبت بواسطة akmal_hamdi

الموضوع عادى علشان الفتيس بينقل كهرباء

لا يا فندم مش موضوع فتيس كهرباء
انا معايا ميجان 2008 وقبلها 2005
وكانوا بينتشوا عادى بس طبعا 2008 اقل بكتيييييير من 2005
ولما جبت الفلونس تقريبا موضوع النتشة دة مختفى بس فى ذى
دردرة فى الثانى مش نتشة وانا قابلت احد الاعضاء المحترمين
وهوة بوكلا وجرب سيارتى وحس بيها وانا جربت سيارتة ولم يكن فيها شئ
والتوكيل قالى مفيهاش حاجة وعادى
وبعد مبعت العربية وانا بعمل صيانة الميجان قالى معظم العربيات فيها نفس المشكلة
وبعتنا لفرنسا عشان نلاقى حل

**sanset** · 20-02-2011 07:08 PM

المشاركة الأصلية كتبت بواسطة profahmed_i

صباح الفل على احلى اعضاء ورابطه
استلمت العربيه امبارح والحمدلله بس حاسس بنتشه في النقله اللي بين الاول والتاني بس مش عارف هل ده طبيعي ولا لا
لاني قرات اكتر من مره ان في ناس اشتكيت من الموضوع ده وكان بعض الردود انه شيء عادي وده في كل الرينو وكان البعض الاخر بيقول انها مشكلة سوفت وير والتوكيل بيحلها
ارجو الافاده لان موضوع النتشه ده مضايقني جدا

وشكرا

بص يا اخى عشان متتعبش نفسك وتضيع فرحتك بالعربية ذى ما انا عملت
العربية فوق فوق فوق الممتازة فى كل حاجة انا اصلى عشرة مع الرينو
حاول متركز عند النقلة التانية وصدقنى هتتعود عليها
واستمتع بالعربية ومتخليش الشك يدخل جواك
وتابع مع المنتدى هنا وبردة عندما تذهب للصيانة اسألهم وان شاء الله
تكون حاجة بسيطة ويجلهم تقرير عنها
فيما عدا ذلك
لا تجرب عربية حد
متعملش تيست دريف فى العبور
متروحش مركز صيانة تانى عشان نفس الموضوع
ومتبعش العربية لانك هتندم ذى حالاتى كدة
وربنا يباركلك ويكفيك شرها ويديلك خيرها

**U600** · 24-02-2011 08:59 PM

انا الحمد لله لستلمت الفلوانس يوم الثلاثاء الفئة 140000 انا حسيت بالنتشة بس دة عادى جدا لانى معايا نيسان صنى 2007 و فيها نفس الكلام لمل تمشى بطيئ اوى فى الطلعة الاولنية بس مش دى المشكلة المشكلة عندى بقى ان العربية تقيلة مش اول ماتلمس البنزين تطلع تجرى لازم ادوس ربع الدواسة كده على النيسان تمما انا كنت اول ما المس بس الدواسة تطير بيا مش عارق بقى الفلوانس كلة كدة و لا انا لسة علشان ممشتش بالعربية و التلين ولا اية بس هى بعد كدة بتسحب كويس بس بردة مش اوى زى النيسان ارجو الافادة يااخوانى و اسف على الاطالة و شكرا