الموضوع: لماذا الان

1-لماذا الان تطرح فتنة المادة الثانية من الدستور التى لم تكن تطبق (تحت شعار فرق تسد)

2- لماذا الان وبعد غلق متعسف تفتح القنوات الدينية

3- لماذا الان يتحدث مشايخ السلف الذين اغلبهم ان لم يعارضو الثورة ويصفوها بانها (حرام - فتنة - خروج عن ولى الامر) فانهم صمتو عنها

4- لماذا الان لا نتذكر ما فعله محمد على باشا بمشايخ الازهر بعدما اوصلوه للحكم

عندما طبق عليهم باحتراف نظرية فرق تسد

فقرب اليه مجموعة من المشايخ

ونفى مجموعة اخرى (مثل السيد عمر مكرم <فاكرين تمثاله فين ولا نسيتو يا شباب الثورة>)

وبذلك دبت الفرقة والصراع بين المشايخ

واستطاع محمد على الحصول على الحكم منفردا

4- لماذا الان تتعالى النداءات لعودة الشرطة (اللى فى وقت الزنقة هربو من الميدان وسابونا احنا والجيش ايد واحة لمدة اسبوعين)
والا هم لما لقو ان ممكن الاستغناء عنهم بدأو يعملو مظاهرات من ناحية
ويزقو العيال البلطجية من ناحية

لا شكرا مش عايزين شرطة
مش عايزين اللى قتلو خالد سعيد
واهانو امه
واتهموه بانه حشاش
ولفقولوه صحيفة حالة جنائية ملفقة
و اهانوا اهله فىالمحاكم لما طالبو بحقه
و وقفو كلهم جنب اللى قتلو خالد
مش عايزين اللى قتلوه سيد بلال
اللى يتمو ابنه
اللى اجبرو اسرته انهم يدفنوه على الرغم من اثار التعذيب
مش عايزين تعذيب
مش عايزين اهانة
مش عايزين الفاظ نابية تجرحنا
مش عايزين بلطجة
مش عايزين حد يرعى البلطجة
مش عايزين تعليق فى الاقسام
مش عايزين نركب الباب (على حد تعبير الاستاذ كريم منير < واسألوه يعنى ايه معناها>)
مش عايزين مخالفات مرورية فى اسوان لعربية سيات 133 ويبقى صاحبها فى اسكندرية
مش عايزين محسوبية
مش عايزين واسطة
مش عايزين واحد جايب بالعافية 50% يتحكم فينا ويعاملنا كأننا كلاب
مش عايزيين فى المطار اللى يقولنا المصريين يجو على جنب مش عايزيين قرف
مش عايزيين لما نروح المرور نجدد رخصة لازم ندفع للكبير والصغير عشان الاوراق تخلص
مش عايزين لما نروح نقضى مصلحة يتقال اللى مش عجبه يفتح بقه والراجل يتكلم
مش عايزين يتقال دول رجالتهم لابسين طرح ستاتهم مشيهم بطال
مش عايزين...................................... ..................

مش عايزين...................................... ..................

مش عايزين...................................... ..................

مش عايزين...................................... ..................

أكمل ولا انتو نسيتو

وعلى العموم

الشرطة العسكرية لو عملت استدعاء للاحتياطى من الجيش اللى طلع من الجيش ومش لاقى شغل
ودخلتهم 3 اسابيع مركز تدريب شرطة عسكرية
كل شىء هيبقى تمام ومش هنحتاج للى بيهينا ويدوس على كرامتنا

المشاركة الأصلية كتبت بواسطة swimmer25

انا معاك يا باشا وعارف ان علي راي المثل...ديل الكلب عمره ما يتعدل
من اكل وشرب ونام وتدرب في اكاديمية مبارك...سيكون دائما بصفات مبارك..ومن كان فيهم غير سئ وسكت علي الظلم...فهو منهم

حتي لو مرتبهم ضعيف ده مش مبرر انهم يسرقوا وينهبوا ويظلموا ويزلوا

بس المشكلة إيه الحل...
لو فعلا الشرطة العسكرية تقدر تسيطر علي الموقف...هيسيبوا شغلهم بقي كشرطة عسكرية ويبقوا شرطة مدنية...أعتقد صعب

طيب حتي لو إحتياطي الشرطة العسكرية إنضم ليهم...هل هيفضل الاحتياطي كده علي طول..
ما دول شباب برده واكد مستنيين انقشاع الظلم وازدهار مصر عشان يقدروا يلاقوا شغل

وبعدين إزاي نوصل الكلام ده...هما كمان بيلعبوا لعبة وبيستخدموا اخر كروت عندهم عن طريق المظاهرات والمطالبة بالحقوق زي ما كله دلوقتي بيلعب نفس اللعبة

اللي يطلع يقول انا مش هكون كبش فداء واللي يطلع يقول انا مش اكبر راس في الحزب واللي منعرفش عنهم هما لسه في الرئاسة ولا هربوا واللي واللي
هو انت لحد دلوقتي تعرف موقف الجيش ايه...وايه اللي بيجري وراء الكواليس

برده الموضوع لسه متعتم عليه...المفروض أي حاجة بتحصل وراء الكواليس تتقال للشعب ومتبقاش الدنيا ضلمة كده

لازم نعترض ونقول...مش عايزين الدنيا ضلمة...عايزين النور في الصحرا

بالنسبة للشرطة العسكرية

فاللى انا قصدته ان استدعاء الاحتياطى اللى مش لاقى شغل (وده على فكرة عدد كبير جدا )
و ندربه (ماهو متدرب قبل كده<خلاص ننعش ذاكرته>) 3 اسابيع مركز تدريب
شوف بقى النتيجة
لا تقولى امريكا ولا انجلترا
اما بالنسبه للشباب اللى هيتم استدعائهم
فدول ياخدو مرتبات زى الضباط والامناء (اللى طلعو زى قلتهم <لا دى قلتهم احسن>)
وبكده نحل المشكلة الامنية تماما
فرجل الشرطة العسكرية - التحريات العسكرية- الامن الحربى
يستطيع ادارة المرور بدقة
يستطيع التحكم فى الامن بحزم (فاكرين تعاملهم مع البلطجية<مش زى اللى كانو بيشغلو البلطجية>)
يستطيع تنفيذ اى مهمة امنية بدقة و حزم (اللى يقدر يعملو فرد الشرطة المدنية يقدر ينفذو ضابط الشرطة العسكرية بصورة افضل الف مرة>)

اما بالنسبة لموقف الجيش شبه الغامض
فلازم نعترف ان قيادات الجيش واقعة تحت ضغوط من القادة الاصغر زى الضباط ما دون لواء
(اللى مش واخدين حقهم صح فى الجيش)
الضغوط دى هى اللى اضطرتهم لازالة نظام مبارك (بتاع بدل الولاء)
وبالشكل ده
طول ما الشعب بيمارس ضغوط على الجيش لاستمرار التغيرات
القادة هيفضلو يتجاوبو مع مطالب القادة الاصغر (اللى هى مطالب الشعب)
و ده معناه ان المظاهرات المليونية تستمر ايام الجمع (وخدو بالكو جمع و بس<عشان البلد تمشى و منفرجش الناس علينا)

اما اخوانا اللى ليهم مطالب فئوية (خاصة) بعيدا عن المطالب العامة (بتوع الاضرابات)
فلازم نعرف ان ده حقهم
بس على رأى المثل (أخد الحق حرفة)
بمعنى انهم يشكلو لجان يسجلو فيها اسمائهم (مش عشان نبلغ عنهم أمن الدولة يا يا ناصح زى زمان)
لكن اللجان دى هتكون وسيلة ضغط مستمر على رموز الفساد
و تقوم اللجان دى بالاجتماع بصفة دورية عشان تبين انها مش ناسية مطالبها
لغاية ميجى الوقت المناسب
وبعدين يشغلو الاضرابات فى الوقت المناسب
كده الناس كلها تقف معاهم
لانهم تحملو
و صبروا حتى تدور عجلة البلد فى التنمية
وطالبو بحقوقهم فى الوقت المناسب
و على رأى اساتذة التخطيط العسكرى
أهم شىء فى المعركة هو اختيار الظروف المثلى لقيامها

اما ازاى نوصل صوتنا فده دور كل واحد فينا
نتواصل مع لجان ثورة الغضب
نعمل جروبات على الفيس بوك لتوضيح وجهة نظرنا
نخاطب الجهات المعنية بافكارنا
(المجلس الاعلى للقوات المسلحة
النقابات العمالية
هيئة النقل العام
شركات الاتصالات (امال هندفع فاتورة التليفون لمين)
البنوك
و الهيئات
والشركات
وكل المؤسسات اللى الموظفين اللى فيها عاملين اضرابات

ولو نقدر نتواصل مع المجلس الاعلى للقوات المسلحة نتواصل

المهم نكون ايجابيين

وكما امرنا الله عز و جل

قال الله تعالى) : وَلَوْ أَرَادُواْ الْخُرُوجَ لأَعَدُّواْلَهُ عُدَّةً وَلَـكِن كَرِهَ اللّهُ انبِعَاثَهُمْ فَثَبَّطَهُمْ وَقِيلَاقْعُدُواْ مَعَ الْقَاعِدِينَ)

التوبة : 46


فيجب ان نتحرك كلنا

نبتدى بنفسينا

حد قال انا ايجابى وهشارك لتطوير البلد