الموضوع: ايه العلاقه بين السعه اللتريه وعدد الاسطوانات

المشاركة الأصلية كتبت بواسطة shaddadfalcon1

سوال لاهل الخبره

دلوقتي عندنا مثلا Nissan GTR ودي 6 سيليندر 3800 سي سي وبتطلع 480 حصان واذهلت العالم كله

وعندنا نفس السعه اللتريه بتاعة McLaren MP4-12C واللي سعتها 3800 سي سي برده بس 8 سييلندر بس دي حوالي 600 حصان واقوي بكتيير من ال GTR ومن الفيراري ايطاليا كمان

ده غير اني بلاحظ اني النيسان بتجيب اللي عندها كلها في اول 150 كيلو بعد كده بيبقي التسارع بطئ وده من الفيديوهات اللي شفتها والحاجات اللي قريتها علي النت وناس بررت الكلام ده بان ال GTR معموله للتراك اكتر منها للطريق اليومي

المهم: هل لو انا عندي عربيه 2500 سي سي 4 سييلندر هتبقي نفسي القوه بتاعة نفسي العربيه بس موتور 2500 سي سي برده بس 6 سييلندر؟

في اعتقادي ان الفرق حيكون في العزم
يعني ال V6 حيكون اقصى عزم عند rpm أقل بكتير من I4

المشاركة الأصلية كتبت بواسطة shaddadfalcon1

طيب ليه؟
مش نفسي السعه اللتريه؟ ونفسي ال rpm ونفس كل حاجه والسعه اللتريه متوزعه علي الاسطوانات؟

انا بس عايز نفسير علمي

بص يا باشا
الدورة الواحدة للكرنك حتكون عبارة عن أربع أشواط دفع لل i4 وست أشواط دفع لل v6
يعني الفرق الاساسي حيكون في الزمن بين أشواط الدفع لكل بستم، يعني لو ثبت زمن الدورة ، ال v6 حيكون الفترة بين الاشواط اقل من ال i4
ده معناه سرعة الاحساس بالعزم ، أو بمعنى اخر ظهور العزم بسرعة حتى على لفات موتور قليله.

المشاركة الأصلية كتبت بواسطة shaddadfalcon1

كده يبقي استهلاك ال 6 سييلندر اكتر من ال 4 صح؟

مظنش لأنهم نفس السعة اللترية، ونفس كمية البنزين تقريبا هتتحرق.
وان كنت اعتقد ان ال 6 حتستهلك اقل، لأن زي ما قولت ان هتحس بالعزم عند لفات موتور منخفضة، وبالتالي مش هتحتاج تقرص على العربية جامد عشان تحس بقوتها، وبالتالي هتحرق كمية بنزين أقل.

يعني نفترض ان ال 1000 لفة هتحرق مثلا 100 مللي بنزين
يبقى لو ماشي على 3000 rpm هحرق 300 مللي
في ال6 سليندر ممكن اوصل لنفس العزم عند 2000 لفة مثلا، يبقى الاستهلاك هيكون 200 مللي

الارقام دي لشرح الفكرة فقط

الكلام اللي انا بقوله ده اجتهاد شخصي، ممكن يكون صح أو لأ

لا طبعا ال6 سلندر يدي عزم اعلي و قوي اعلي و سرعة قصوي اكتر و اطول من حيث العمر الافتراضي طبعا استهلاك بنزين اكتر من ال4 سلندر اللي نفس السعة
كمان تفرق لو V6 من i6 ال V6 اشد