انا معايا شاهين 1600 سي سي مو2006 وبطول على الغيارات بما فيهم الاول لحد عداد لفات الموتور ما يوصل غالبا ل5000 لفة بس من غير ما اشد بيها يعنى بطول بس بالراحه مش شد
فهل ده خطر على الموتور ولا عادي طالما مش بكبس لها بنزين جامد؟؟؟
وشكرا جزيلا
عرض للطباعة
انا معايا شاهين 1600 سي سي مو2006 وبطول على الغيارات بما فيهم الاول لحد عداد لفات الموتور ما يوصل غالبا ل5000 لفة بس من غير ما اشد بيها يعنى بطول بس بالراحه مش شد
فهل ده خطر على الموتور ولا عادي طالما مش بكبس لها بنزين جامد؟؟؟
وشكرا جزيلا
أكيد غلط انت كده بتهلك الموتور بدرى
دى شاهين مش بي إم
ريح العربية بدام انت مش بتشد انقل على 3 او 3.5 بالكتير أوى
كلام تاج مضبوط أنقل على 3 أر بي ام عشان تريح العربيه ليه بتضغط على الغيار كده مادام مش بتشد وحتى لو بتشد ماتحرقش على الغيار الأول خالص
طول ما انت مدخلتش على الred zone يبقى مفيش مشكلة
صحيح كدة بتستهلك موتورك اسرع لكن مش مضر يعنى الموتور مش حيفرقع مثلا او يولع او يجرالة حاجة...
كل ما فيها ان لو موتورك المفروض يحتاج عمرة بعد ما بين 200 الى 250 الف كيلو انت موتورك حيحتاجها بعد 200 الف لانة اشتغل كتير... و طبعا مع الحمل دة لازم مواعيد صيانة موتورك تحافظ عليها تمام عشان الموتور يعيش
MMamdouh
أكيد هيأثر وكمان التأثير هيكون أشد على حسب نوع وكفاءة العربيه
هوة غلط بس مش اوى يعنى بس احسن بلاش الا لما تكون محتاج يعنى بتشد او حاجة بس زى ما محمد ممدوح قالك مادام قبل الريد لاين يبقى مفيش مشكلة
هو فعلا الكلام اللى سمعته ان طالما قبل الرد لاين يبقى عادي ماعدا الغيار الأول بس
وبعدين هو ايه الصيانه للموتور متهيألي انا من ساعة ما جبتها معملتلوش صيانه
هو ايه نوع الصيانه اللى تقصده مع العلم ان بغير الزيت قبل مواعيده يعنى على 3000 او بالكتير 3500 وتاكيهات ضبطها مرة وتغيير بوجيهات بغيرها كل 20000 لو اقل وكذلك فلتر الزيت والهوا ماعدا فلتر البنزين مغيرتهوش لحد دلوقتي ومش عارف لو طولت عليه يحصل حاجه ولا لأ بس
هل في صيانه تاني وانا معرفش ياريت تقولولي
والف الف شكر لكل اللى اهتم ورد
بص اللي انت بتعملة دة اسمة القيادة
الرياضية،، بس انت بتقول مش بتشد
او التسارع بتاعك مش سريع، فيبقى اية
لزومة الكلام دة... كل ما هينوبك انك هتهلك
موتورك بدري.... وقدام شوية هتعاني من
مشاكل في التبريد.
يعنى احيانا كتير بنسى اغير غير لما اسمع صوته علي جدا واحيانا ببقى بتكلم في الموبايل وبكسل اغير واحيانا ببقى في مطالع كباري ومش برضى انقل غير لما اخلص المطلع واحيانا بنقل كويس قبل ما يوصل ل3 بكون مغير
ومشاكل التبريد دي هتحصل بسبب ايه لان كان عندي مشكلة في التبريد من قريب فياريت تقلي السبب علشان اقدر اخلي بالي منه؟؟؟
وشكرا على الرد
انت لما بتقرص على الموتور لحد 5000 لفة
زي ما بتقول ودي طريقة سواقتك المعتادة فانت
كدة بتحمل على الموتور فالاحتكاك بيزيد فالحرارة
ترتفع. دة انت لسة عربيتك موديل 2006 بعدين
قدام شوية هتلاحظ الموضوع دة اكتر.
انقل على 3500 او 4000 لو سواقتك رياضية
ومن 2500 لـ3500 لفة لو سواقتك هادية.
خلي الـ5000 لفة دول للسباقات احسن :)علشان تحافظ
على موتورك وتطول عمرة.
طيب على الطرق السريعه ببقى معدي ال160 كيلو/ساعة وعندها عداد لفات الموتور بيبقى عند ال5000 لفة واحيانا بطول عليها ده عادي ولا ايه؟؟؟
طيب هو حضرتك عاوز تستهلك بنزين زيادة لية ؟؟؟ ولية تقصر عمر الموتور ؟؟
خلى القرص على الغيارات وقت الحاجة بس ... يعنى علاشان تتجاوز عربية تانية ... او فى مطلع جامد ..؟
بطريقة القيادة دية استهلاك البنزين تأكد انة حيكون (((( مروع))))
هو زيادة شوية فعلا بس بعد تغيير البوجيهات بقت كويسه
مش مشكلة زيادة استهلاك البنزين بس المهم هو بيأثر اوي على الموتور ولا بسيط بس؟؟؟
يا جماعة ممكن من السادة خبراء القيادة اللى اتكلموا عن القيادة الرياضية يفهمونا معنى هذا المصطلح !
كدة مش بايدك، بس ما انت مش هتمش على طول على 160، ولا اية؟!اقتباس:
طيب على الطرق السريعه ببقى معدي ال160 كيلو/ساعة وعندها عداد لفات الموتور بيبقى عند ال5000 لفة واحيانا بطول عليها ده عادي ولا ايه؟؟؟
دة تعبير مجازي، المقصود بة الانطلاقة السريعة في بداية الحركةاقتباس:
يا جماعة ممكن من السادة خبراء القيادة اللى اتكلموا عن القيادة الرياضية يفهمونا معنى هذا المصطلح !
بالسيارة، والقرص على الموتور لتحقيق اكبر تسارع في اقل وقت
مما يستلزم النقل عند عدد لفات اكبر من المعتاد.
يعنى مشكلتة التطويل دي تعتبر كأن الموتور مشي مسافه اكبر في كليوات أقل
لكن ملهوش مشاكل وقتيه؟؟؟
بص يا باشا لو بتجرى او على سرعه عاليه اعمل اللى تعملو
بس قبل ال red zone
غير كده انا مش شايف سبب يخليك محمل rpm وانت ماشى برراحه !!!!!!!!!!!!
............
انت كده محصلتش ولا سواقه عاديه ولا سواقه رياضيه..
......
احنا لما بنجرى انا ممكن انقل على 7500
وساعات 8500 كمان
بس كل دا فى ثوانى...يعنى حتى لو حملت على الموتور فى غيار معين ...فى جزء من الثانيه بنقل على الغيار اللى بعدو وهكذا...
انما انت بتحمل على الموتور..ولفتره طويله...على نفس الغيار...والغيار الاول كمان
دا غلط طبعا...حتى لو مجتش عند ال red zone اصلا...
احتكاك شديد ومستمر عالفاضى!!!!
صحيح هو ايه الصيانه الدورية للموتور؟؟؟
يعنى ايه اللى المفروض اعمله علشان اكون بصونه ومحافظ عليه؟؟؟
يا جماعه متدبسوش الراجل ...متزودش عن 3000 RPM وانت حر ...وبعدين استهلاك الزيت ولو قريت شويه في ميكانيكا السيارات هتلاقيه بيقولك حسب استيل السواقه بتاعك .. مفيش حاج اسمها تحرق في الغيار والزيت يفضل زي ما هو ما ينقصش ..غلط الزيت بيستهلك حسب اسلوبك في القياده والسرعات اللي متعود تمش عليها واسلوبك في التسارع Acceleration وترييح الغيار ونشوف راي اخونا سبعاوي وياريت يكون معانا .