شكرا سيادة الدكتور محمد البرادعي.

**factorialx** · 15-02-2011 10:54 AM

لا ينكر أحد أن د البرادعي هو أول من اشعل زخم الحديث عن " التغيير " فالبرادعي كان سببا من أسباب الثورة
وائل غنيم قال إن اللي خلاه ينخرط في السياسة و الحديث عن الإصلاح هو الدكتور البرادعي
جبهة التغيير كانت من أوائل الداعين لثورة 25 يناير

لا ننسى المليون توقيع اللي جمعها البرادعي للتغيير

كفاية تخوين و تخويف و تثبيط و تخلف

البرادعي موقفه من حرب العراق موقف مشرف جدااااا و إنتظروا كتابا من دار الشروق قريبا

البرادعي ليس عميلا أو صاحب أجنده أمريكية ( أمريكا نفسها لم تتنتخبه في الفترة الثانية من رئاسة وكالة الطاقه )

البرادعي لم يسرق المليارات و لم تثنيه قلادة النيل أعظم وسام مصري عن إنتقاد النظام

لقد قالها البرادعي " مظاهرة مليونية واحده ستسقط النظام "

لن ننسى هجمة الصحف المسماه قومية عليه لن ننسى محاولات نهش عرضه

كل ده عشان عندنا أرتيكاريا من أمريكا و إسرائيل

و حالة خوف كبيره جداااااااااا من المخابرات الأجنبية و إننا مخترقين و بينا مندسين

كفاية نظرية مؤامره الأيدي الخائفه لا تقوى على البناء

و رغم إني من مؤيدي البرادعي إلا إني هرشح عمرو موسى لو ترشح

شكرا سيادة الدكتور محمد البرادعي
أنت فعلا من أشعلت قضية التغيير في نفسي

**محمد عز** · 15-02-2011 11:00 AM

لو كان الرجل يريد السلطة لملىء القنوات الفضائية والبرامج الحواريه ضجيجا وصياحا

ولكنه أثر الصمت... وان كان يدل على شىء فانه يدل على نبل موقفه

,اعجبنى أكثر عندما قرات له خبر اليوم بانه يقول مصر تحتاج الى رئيس فى الاربعينات او الخمسينات فى العمر

فالدولة الفتيه ذات الاغلبيه الشبابيه فلا بد لها من حاكم فتى وقوى وليس عجوز او هرم

تحية له

**swimmer25** · 15-02-2011 11:07 AM

شكرا ليك بس ولا البرادعي ولا عمرو موسي ولا غيرهم من النظام السابق او اللي مكنش عايش جوا مصر ليهم لازمة عند الشعب دلوقتي

وبرده لسه بنرشح ناس في الهوا واحنا لسه مدخلناش انتخابات...كل شوية موضوع جديد انا برشح فلان او علان...هما فين المرشحين من أساسه

أنا عارف انك كنت مع الثورة جدا بس ياريت نجاري الاحداث ومنسبقهاش
نبص ونفكر لقدام بس منتوقعش مين هيترشح والكلام ده

هو حضرتك تعرف مين هيترشح لما ان شاء الله نبدا انتخابات نزيهه
ممكن يكون فيه اشحاص احسن بكتير من الناس دي...مش ممكن يكون مصر مفيهاش غير البرادعي وعمرو موسي...إحنا مش شعب فقير اوي للدرجة دي...احنا بس شعب محبط

**د.أبونضال** · 15-02-2011 11:46 AM

أكثر رجل ظُلم في البلد قبل الثورة وبعدها
قبل الثورة هاجمه الجميع حتى حلفائه لأنهم اعتبروه غير جاد في معارضة النظام كونه كثير السفر إلى الخارج، والرجل لم يقل أبدا أنه طامع في الرئاسة، وكل ما أراده باعتباره حاصلا على نوبل في السلام ولا ينقصه مجد شخصي أن يرى بلده في المكان الذي تستحقه.
بعد الثورة تعرض أيضا لهجوم مباغت من الجميع، مثلا:
هبط بالبراشوت على الثورة... والرجل يدعو إلى هذه الثورة منذ عام وأنشأ الجمعية الوطنية من أجل التغيير التي انخرط فيها معظم الداعين إلى تظاهرات 25 يناير، ومعظم من شارك في الأيام الأولى للثورة.
له أجنده أمريكية.... كلام النظام السابق ولا يحتاج للرد عليه
طامع في السلطة... تمنى أول أمس بعد نجاح الثورة أن تحصل مصر على رئيس في الأربعينات أو الخمسينات من العمر. وقال أنا لم أعد في حاجة إلى مناصب وأحتاج للراحة في هذا العمر.
شكرا دكتور البرادعي وسوف ينصفك التاريخ من الظلم ويضعك مع أحمد عرابي وسعد زغلول وغاندي ونلسون مانديلا في مرتبة واحدة.

**factorialx** · 15-02-2011 11:54 AM

المشاركة الأصلية كتبت بواسطة swimmer25

شكرا ليك بس ولا البرادعي ولا عمرو موسي ولا غيرهم من النظام السابق او اللي مكنش عايش جوا مصر ليهم لازمة عند الشعب دلوقتي

وبرده لسه بنرشح ناس في الهوا واحنا لسه مدخلناش انتخابات...كل شوية موضوع جديد انا برشح فلان او علان...هما فين المرشحين من أساسه

أنا عارف انك كنت مع الثورة جدا بس ياريت نجاري الاحداث ومنسبقهاش
نبص ونفكر لقدام بس منتوقعش مين هيترشح والكلام ده

هو حضرتك تعرف مين هيترشح لما ان شاء الله نبدا انتخابات نزيهه
ممكن يكون فيه اشحاص احسن بكتير من الناس دي...مش ممكن يكون مصر مفيهاش غير البرادعي وعمرو موسي...إحنا مش شعب فقير اوي للدرجة دي...احنا بس شعب محبط

إحنا في أيام مفترجه و الله

بالله عليك يعني أنا قلت فين إني هرشحه ... إنت قريت الموضوع أصلا

أنا بدي الراجل حقه و هو نفسه قال مش عايز الرياسه

في ناس عماله تنهش في لحم الراجل

إحنا دلوقتي لازم نركز في الإصلاحات اللي بتحصل و في الدستور اللي بيتغير و الغستفتا اللي هيكون في أبريل

**otefa** · 15-02-2011 12:05 PM

لا أنكر دوره في تحريكه الأيجابي الشارع السياسي المصري........بغض النظر عن رأي الشخصي فيه
لكل مقام مقال

**samehkadous** · 15-02-2011 12:09 PM

الكلمة الى مفروض تتقال دلوقتى شكرا دكتور برادعى انت وكل من ساهم فى الثورة ونبداء البناء

**swimmer25** · 15-02-2011 12:24 PM

المشاركة الأصلية كتبت بواسطة factorialx

إحنا في أيام مفترجه و الله

بالله عليك يعني أنا قلت فين إني هرشحه ... إنت قريت الموضوع أصلا

أنا بدي الراجل حقه و هو نفسه قال مش عايز الرياسه

في ناس عماله تنهش في لحم الراجل

قريته طبعا يا فندم والا مكنتش رديت بدون قرائة وحضرتك قلت هرشح عمرو موسي
وفعلا المفروض اننا لا نطلق اتهامات لرجل لا نعرف عنه شيئا...بس إحنا ممكن نتخوف من إحتمالات إنتماؤه للأي طائفة لأن لا أنا ولا إنت نعلم ما بداخل الصدور ولكن أكيد خايفين علي مصر أنه يكون وراها ضغائن ومؤامرات وخاصة إن الدنيا عتمة أوي من بداية الثورة
مما أدي إلي توريث هذا الخوف جوانا كلنا

و رغم إني من مؤيدي البرادعي إلا إني هرشح عمرو موسى لو ترشح

إحنا دلوقتي لازم نركز في الإصلاحات اللي بتحصل و في الدستور اللي بيتغير و الغستفتا اللي هيكون في أبري

عامة أنا بأكن لحضرتك كل إحترام وتقدير وانت كده معايا علي الخط

**wawoo** · 15-02-2011 12:32 PM

المشاركة الأصلية كتبت بواسطة د.أبونضال

شكرا دكتور البرادعي وسوف ينصفك التاريخ من الظلم ويضعك مع أحمد عرابي وسعد زغلول وغاندي ونلسون مانديلا في مرتبة واحدة.

انا معاك بشدة ..الرجل سياسى محنك و خصارة اننا لا نستفيد من خبرة ..و هو اول من واجهة النظام بشراسة و بوضوح و قاد حملة التوقيعات مع الشباب التى مهدتت لهذة الثورة بلا شك و وضحت الرؤية لناس كتير كانت مغيبة و مش فاهمة حقوقها و مش مدركة خطورة وضع فى مصر

هناك الان حملة منظمة على الفيس بوك والمنتديات لتشوية سمعتة حتى بعد قيام الثورة حتى لا تصلة الية اى مكاسب منها" و هو لا يطمع فى شىء " بالتزامن مع تشوية سمعة وائل غنيم باعتبراة مهندس الثورة الاول و لكن يبقى التاريخ يكتب على ايدى المنصفين من ابناء مصر لدور البرادعى المؤثر فى التمهيد لهذة الثورة بلا شك