كنت عايز نعمل موضوع كل واحد معاه بوما يكتب الموديل والموتور ومتوسط الاستهلاك داخل المدينة وخارجها واي حاجة مفيدة في توفير الاستهلاك
:b4_384:
عرض للطباعة
كنت عايز نعمل موضوع كل واحد معاه بوما يكتب الموديل والموتور ومتوسط الاستهلاك داخل المدينة وخارجها واي حاجة مفيدة في توفير الاستهلاك
:b4_384:
انا عن نفسي بوما مو 2006 موتور 1600 استهلاك داخل المدينة 320 كم / 40لتر يعني لتر لكل 8 كم بس انا بحب اعمل كيك داون كتيير وبالنسبة لخارج المدينة ع الطريق 420-460 كم / 40لتر يعني لتر لكل 11 كم والعربية بتكون محلمة تلات افراد ع الاقل
1600 اتوماتيك 2008
الاستهلاك جوه البلد بالتكيف من 150 الى 170 كم فى الصفيحه
جوه البلد بدون تكيف من 170 الى 190 كم فى الصفيحه
كل ده سواقعه معقوله ومش رياضيه ولا هاديه
الاستهلاك بره البلد متسوط سرعه 130
الاستهلاك بدون تكيف 270 كم والتكيف 250 كم فى الصفيحه
متوسط سرعه 100
الا ستهلاك بالتكيف 265 كم فى الصفيحه وبدون تكيف 300 كم
هاااااااااا فين باقي الاعضاء
علي كدة بقا استهلاك اللانسر زي استهلاك الصني وله اه
انا على كده عندى استهلاك عالى بوما 2007 1600 اوتو بتعمل 280 ل 290 كم فى ال 40 لتر يعنى حوالى 140 كم فى الصفيحة
والله مش بااخد بالى بس وانا مسافر اسكندريه من السيده زينب واخده 18 لتر السياره موديل 2010 و1600 وكانت متوسط السرعه 150
لانسر 1300 اوتومتيك موديل 2006 خليجى
انا ببقى جوة البلد حوالى 6 ساعات بالتكيف بتاخد حوالى 10 لتر متواصل
وعلى الطريق من بورسعيد للقاهرة وللقاهرة لبورسعيد حوالى نص التنك و بالتكيف
والله انا مسافر زراعى المنصوره مشيت 170 كم اخدت 13 لتر متوسط سرعه مابين 90كم الى 120كم وكنت راجع دولى الى اسكندريه على متوسط سرعه من 150 الى 170كم كان الاستهلاك 10 لتر لكل 100كم انا عربيتى لانسر موديل 2007 cc 1600
انا بومه 2006 1300 مانوال بعمل فى الزحمه 180كم فى الصفيحه ومعرفش كده كتير ولا قليل والطريق السريع 260 فى الصفيحه. ياريت حد يفدنا فى الموضوع ده
بومة 2007 أتومتيك خليجى 1300 بتعمل جوة البلد من 190 الى 210 بدون تكييف و على الطريق من 280 الى 300 بدون تكييف
احنا كدا تقريبا وصلنا لمتوسط ال 1300 سي سي هوا 180 كم في الصفيحة بدون تكييف ( 20 لتر ) جوا البلد و 240 كم في الصفيحة علي الطريق (سرعة من 90 -120 كم /س متوسط ) بتكييف او بدون تقريبا ثابت لان مقومة الهواء وانت فاتح الشباك هيا تقريبا استهلاك التكييف وانت قافل الشباك ..... وبالنسبة لل1600 الردود قليلة بس نقدر نقول جوا البلد 150 كم في الصفيحة بدون تكييف 220 كم في الصفيحة ع الطريق بس كلها نسب تقريبيا يعني تفرق لو انت محمل العربية او سرعة عالية فوق ال120 الاستهلاك بيزيد وكدا يعني ........ وشكرا لكل اللي شارك في الموضوع
أنا معايا بوما 1600 موديل 2007
يعني بقطع الطريق من السويس للقاهرة "يعني في حدود 125كيلومتر" علي سرعة 120 بتأخد حوالي 10 لتر بدون تكييف طبعآ لأني فالشتاء حاليآ
ومحسبتش قد إيه بالتكييف صراحة
كده إيه كتير ولا كويس؟؟
يا جماعه بالنسبه للمواتير ال1300cc كتير طبعا الإستهلاك اللي بيعمل 180كلم لكل 20لتر وكمان بالنسبه ل1600cc برده يعتبر عالي المفروض لو العربيه مظبوطه وموتورها كويس ال1600cc تعمل من 180 إلى 210كلم داخل المدينه وال1300ccبتزيد الى 250كلم او 270كلم داخل المدينه لكل 20لتر وعلى السفر بسرعة 120كلم/ساعه المفروض ال1600cc يمشي 250كلم/20لتر وال1300ccيمشي 300كلم/20لتر
واحب اوضح معلومه لكل الناس يمكن معظم الناس في مصر بتجهلها انما معظم اللي كانوا عايشين في الخليج في يوم من الايام يعرفوها وهيا ان افضل معدل إستهلاك بنزين على الإطلاق بيتحقق عند سرعة 120كلم/ساعه والأكتر من كده بيحرق بنزين اكتر والأقل من كده بيسغرق وقت اطول في المشوار فبرضه بيحرق بنزين اكتر
وإستكمالا للموضوع على فكره استهلاك البنزين في الأوتوماتيك بيزيد شويه عن المانيوال يعني معدل الإستهلاك بيقل حوالي 20كلم على المعدلات السابقه بالنسبه للجير بوكس الأوتوماتيك
اقتباس:
يا جماعه بالنسبه للمواتير ال1300cc كتير طبعا الإستهلاك اللي بيعمل 180كلم لكل 20لتر وكمان بالنسبه ل1600cc برده يعتبر عالي المفروض لو العربيه مظبوطه وموتورها كويس ال1600cc تعمل من 180 إلى 210كلم داخل المدينه وال1300ccبتزيد الى 250كلم او 270كلم داخل المدينه لكل 20لتر وعلى السفر بسرعة 120كلم/ساعه المفروض ال1600cc يمشي 250كلم/20لتر وال1300ccيمشي 300كلم/20لتر
واحب اوضح معلومه لكل الناس يمكن معظم الناس في مصر بتجهلها انما معظم اللي كانوا عايشين في الخليج في يوم من الايام يعرفوها وهيا ان افضل معدل إستهلاك بنزين على الإطلاق بيتحقق عند سرعة 120كلم/ساعه والأكتر من كده بيحرق بنزين اكتر والأقل من كده بيسغرق وقت اطول في المشوار فبرضه بيحرق بنزين اكتر
وإستكمالا للموضوع على فكره استهلاك البنزين في الأوتوماتيك بيزيد شويه عن المانيوال يعني معدل الإستهلاك بيقل حوالي 20كلم على المعدلات السابقه بالنسبه للجير بوكس الأوتوماتيك
كلام حضرتك مظبوط يا باشا والف شكرة ع المشاركة والاستهلاك اللي حضرتك بتقولو دا بيكون في العربيات اللي بتعمل صيانات التوكيل لاكن معظم الناس بتقبقى عارفة الصيانات وبتعملها برا التوكيل وطبعا اقل كفاءة
معلش انا مش بفهم في العربيات اوي بس حابب اجيب عربية واهم حاجة عندي تكون اقتصادية .
هو يعني اي "" في الصفيحة "" يعني تنك البنزيين كلة ولا اية مش فاهم اصلي حاسس اني اتلخبط ودماغي فوتت .
يعني في حد قال انا بسافر من السيدة زيبن للاسكندرية بتاخد مني 18لتير ؟؟؟ مش فاهم وغيرة يقول انا بعمل 180 او 250 كيلو في الصفيحة وغيرة برضو قال انا انا بلف جوة البلد 6 ساعات متوصلين بالتكيف بتاخد مني 10 لتر ؟؟؟؟؟؟؟؟؟؟؟؟؟؟ مش عارف بئا ياريت حد يفهمني ؟؟؟
تمام الصفيحة 20 لتر وعلشان يكون احساب الاستهلاك اقرب للصح بنحسب الاستهلاك بالطريقة دي
1- نفول العربية
2- نمشي بيها مسافة علي طريق مفتوح ونرجع نفولها تاني
3- نحسب استهلاك المسافة (كم / لتر) ونحولها لنسبة
4- نكرر الموضوع بس وسط البلد وطبيعي وسط البلد بتستهلك اكتر
ينهار اسود اية السرعة في الرد دي انا متوقعتش اني افتح المنتدي والقي حد عبرني ورد على سؤالي التافه اللي انا كنت مكبرة وكنت هتجنن لاني كنت مستغرب .
بس بجد والله الف شكر ليكم واتمنى اكون صديق ليكم وهيبقى شرف ليا خصوصا ان انا اول مرة في حياتي افكر اسجل في منتدي واشترك .
اهلا بيك معانا و دا الطبيعي بتاع المنتدي