انا عارف انوا مش وقتوا بس مقدرتش امنع نفسي من اني اقولها
انا اللي أكـلــت الـجـبـنـة:213-1107231241[1]:
عرض للطباعة
لكل مهنة الكويس والوحش
والشرطة جها تنفيذية القانون الجديد اعطا الشرطة كثيرا من التحكم جعلت كثيرا من النفوس الضعيفة تعمم الفساد اين هو الجهات الرقابية وهى دية المشكلة الجهات الرقابية معدومة تماما فى مصر
لأ صعب عليا قوى
دا إيه الشرف دا كله
أمال اللى كنا بنشوفهم ونقابلهم فى كل مكان دول مين؟
ضباط من إسرائيل؟
الكويس وسط الفاسدين مستحيل يفضل كويس و لو هو كان عاير يفضل كويس كان لازم يسيبهم وينجو بنفسه وهو مسابهمش .. فبلاش استعباط منه ...
عمل إيه هو علشان يقف قدام فساد الشرطة؟ اتفرج عليهم كويس وللا مصمص شفيفه وللا غمض عينيه عنهم؟
هو شريك فى كل شئ حتى لو بالصمت
بشهادة ظابط صاحبى .... فيه زمايله دخلوا مجالس تأديب و عليهم احكام و بيترقوا ....!!!!
لما رفض انه يرتشى و يبقى زيهم بهدلوه و نقلوه و مطلعين عينوا لغاية النهارده ...
واحد زميله فى حديث بينهم عن اللى الناس بيقولوه عليهم قال له (يعنى ازاى ما اقدرش البس واحد مدايقنى تهمة !!؟؟؟ )
أنا مصدق طبعا إن هذا الضابط شريـــــف..
طبعا..
بس بنسبة كام % من اللي موجودين..
أكيد لا تتعدي واحد %...
أنا مهندس..
و كم من مهندسي المدني و غيره مرتشين وفاسدين..
و كم منهم محترم..
و الأطباء...كم منهم محترم..وكم منهم فاسد و غير أخلاقي...
اللهم إبعد عني حاجتين.....السلطه....و المـــــال....و إن أصبحوا لي....فقيني شرهم....
معلش الCV بتاع سيادتك ناقص
انت اللى دفعت الالافات عشان تدخل كلية الشرطة
انت اللى اخدت حقنة قلة الاصل فى تانية كلية عشان تتاهل للعمل الشرطى
انت اللى اتعلمت انك اعلى من الناس و هما تحت رجليك
انت اللى اتعلمت ان سلطتك هى حل كل ازمة
انت اللى اتعلمت ان السلاح الميرى هو الحل لكل مشكلة عويصة
انت اللى لما قفشت تاجر المخدرات حرزت ربع المضبوطات و الباقى اتصرفت فيه بمعرفتك
انت اللى لما قفشت تاجر السلاح حرزت 3 قطع بشلن و الباقى عند نصة فى البيت
انت اللى اتنطتت على الراجل فى اللجنة عشان حاطت سبحة فى المراية
انت اللى ضربت تعظيم سلام فى نفس اللجنة للضابط زميلك و هو مفيم و ماشى من غير نمر
انت اللى رزعت الغلبان 20 قفا فى الثانية عشان هو غلبان
انت اللى دورت وشك الناحية التانية عن الباشا و هو بيعمل الغلط عشان هو باشا
و فى ثورة 25 يناير....
انت اللى ضربت المتظاهرين بالرصاص الحى
انت اللى دوست المتظاهرين بعربيات الحكومة
انت اللى جريت استخبيت فى بيتكم يوم جمعة الغضب
انت اللى سهلت للمجرمين و المساجين يهربوا من السجن
رسالة الى الضابط صاحب الCV ..... عفوا...
يا تكتب الCV بتاعك بالكامل و صح و تسيبنا احنا نحكم عليك و نقرر حنعمالك ازاى... ياما تسكت خالص و تفضل مستخبى و تدعى ربنا اننا بعد سنين طويلة ننسى اللى عملتة
MMamdouh
انا دخلت اقسام كتير وعارف اللى بيشوفوه
حاجات محدش يفكر فيها ولا يتخيلها من جرائم وانحطاط
من لم يكن بلا خطيئة فيرمه بحجر
الشرطة فيها فساد بلا حدود
لكن الشعب كله بريء
طبعا مش كل الناس
فيه ناس ما بتقبلش القرش الحرام
فيه ناس كل عيشتها حرام وفساد
المفروض دلوقت
يكون فيه طريقة للحساب لمن أخطأ وتقويم لمن يرغب فيهم ان يعيش محترماً
انتهمي عصر الشرطه وهيلمانها واصبح الظابط الان موظف عادي جدآ داخل الدوله وانتهي عصر الباشوات وانسحب لقب البهوات وكل من عليها فان
انا ليا ملحوظة ... الفساد مستشرى فى البلد كلها و فى كل القطاعات ...
و إللى خلى الشرطة تبقى بلطجية ... الصلاحيات الزيادة عن اللزوم ( قانون الطوارئ) و الرئيس السابق.
و الحقيقة احنا وصلنا لمرحلة كراهية الشرطة ...
لكن متهيألى قانون الطوارئ لة إتلغى ... الموضوع هيتحل بصورة كبيرة + القانون يطبق على الكل إن شاء الله ..
و للأسف ... مقدمناش حل غير إننا نفتح صفحة جديدة معاهم ... بس الشرط إنهم يشوفوا شغلهم كويس
الله ينور عليك
طبيعي ان الشعب مش هينسى اللي كان بيحصل على مدى عقود في يوم وليله
الأحداث الأخيرة هي القشة التي قسمت ظهر البعير، أكيد مش كل رجال الشرطة
فاسدين ومش كلهم مرتشين لكن السواد الأعزم منهم فاسد أو مرتشي بدليل اللي
بيروح فين مرة يرخص عربية في وحدة مرور ويخلص رخصتة بعت 3 أو 4 ساعات
بدون ما يدفع رشوى محدش بيصدقه، واللي بيقدم بيتصل بالنجدة وتوصل له من غير
ما يكون في قتيل بيكون حاسس ان "والدته داعيا له"!! واللي بيعدي من كمين بدون
ما يلاقي أمين شرطة أو ضابط يتلكك له علشان يطلع بالخمسين جنيه بتوع التسعيرة
الجديدة بيقول ده يوم حظي.
للأسف ما افسده رجال الشرطة في كل تلك السنوات لن ننساه في ايام.