عاجل للأهمية (أنا ضابط الشرطه)

**mahmoudselim** · 15-02-2011 06:56 PM

انتو ال 90 % منكو كانو بيحموا الحكومة من الشعب
انتو ال 90% منكو بيظلم الشعب علشان خاطر الحكومة
أنتو ال 90% منكو كانو بيعذبو الشعب علشان المزاج عاوز كدا.
انتو ال 90% منكو مكانش حد بيشفكو في طرق ولا حوادث وكنتو سايبين الشعب ياكل في بعضة.
أنتو ال 90% منكوا كانو بيفرضو علي الشعب الغلبان فقط أتاوات علشان ترحموهم من ظلمكم.
انتو قبل ما تقول أنجازتك روح حاكم 90% من زملاتك.
انتو قبل ما تلومو الشعب لومو 90% منكو.
لو عاوزين تبينوا حسن النية قدموا بلاغات في كل واحد فاسد منكوا وخلصونا منهم.. ساعتها هناخدكوا في أحضانا لان مش هيبقي منكو غير الشرفاء, والشرفاء نشيلهم فوق راسنا.

**FunnyMickey** · 15-02-2011 06:59 PM

سؤال واحد بجد نفسي اسأله

انتو عارفين حبيب العادلي ماسك وزير داخليه بقاله كام سنه

14 سنه

عمل ظباط شرطه فاسدين اد ايه في 14 سنه ....؟؟؟

ومحتاجين كام سنه عشان نعمل ظباط شرطه كويسين ؟؟؟؟؟

وشكرا

**otefa** · 15-02-2011 07:02 PM

أقتباس من بعض مشاركاتي في موضوع مماثل
http://www.nilemotors.net/Nile/201503-a-2.html
ألي رأيه أن جميع أفراد الشرطة فاسدين ...............أستحالة طبعا
ملخص الحل في نظري وزي ماتفضلتم في النظام وقوانينه والصرامة في الألتزام بها والرقابة عليها قبل مايكون في سلوك أفراد وألي عاصر وزير الداخلية في أوائل الثمانينات(السيد الفاضل أحمد رشدي) هايعرف أن اللواءات كانو بينزلو الشارع ينظموه مروريا وأمنيا في أروع من كده
وطبعا الكلام ده معجبش ناس كتيرة ليها مصالح في الفوضى وبناء عليه ضبرت أحتجاجات الأمن المركزي المشهورة للأطاحة به
أذا صلح ولي الأمر صلحت الرعية..........بمزاجهم.............� �و بالقانون.
-----------------------------------------------------------------------------
الله ينور عليك..........قلت ماأردت قوله
والكلام ألي تحته خط سمعته بالفعل من ظباط أصدقاء عايشتهم من أيام ما كانو في الكلية الي أن وصل بعضهم لرتبة عقيد وبالمناسبة في منهم قمة في الأحترام وفيه منهم من أنزلق قليلا مع التيار ومنهم من ترك الخدمة تماما لعدم رضائه عن سلوكيات عدة........المشكلة في النظام وتوجهاته وليس الأفراد.
من سلم من العقاب...............أساء الأدب.
-----------------------------------------------------------------------------------------------------------------------

**SHNORY** · 15-02-2011 07:03 PM

المشاركة الأصلية كتبت بواسطة mahmoudselim

انتو ال 90 % منكو كانو بيحموا الحكومة من الشعب
انتو ال 90% منكو بيظلم الشعب علشان خاطر الحكومة
أنتو ال 90% منكو كانو بيعذبو الشعب علشان المزاج عاوز كدا.
انتو ال 90% منكو مكانش حد بيشفكو في طرق ولا حوادث وكنتو سايبين الشعب ياكل في بعضة.
أنتو ال 90% منكوا كانو بيفرضو علي الشعب الغلبان فقط أتاوات علشان ترحموهم من ظلمكم.
انتو قبل ما تقول أنجازتك روح حاكم 90% من زملاتك.
انتو قبل ما تلومو الشعب لومو 90% منكو.
لو عاوزين تبينوا حسن النية قدموا بلاغات في كل واحد فاسد منكوا وخلصونا منهم.. ساعتها هناخدكوا في أحضانا لان مش هيبقي منكو غير الشرفاء, والشرفاء نشيلهم فوق راسنا.

انت بجد قولت كل الي انا كنت عاوز اقوله
اللي شاف الظلم بيتعمل من زميله وسكت عنه
ميزعلش لما الحساب ياخده في الرجلين

**mrwho1982** · 15-02-2011 07:15 PM

انتم اللي ضربتم العزل بالنار

انتم اللي اعتمادكم عالرشاوي وقلة الادب ومش عالمرتب والقرش الحلال

انتم هتفضلو في نظري ونظر الناس اقذر فئة في مصر

حسبي الله ونعم الوكيل يارب يحصل في ابنك ومراتك اللي انت بتعملو في الناس وتبقو مذلولين
انتم اللي زورتو الانتخابات
انتم اللي اثبتو لنا ان الحزب الوطني حزب البلطجة وقلة الادب وانتم اللي كنتم بتحموه

حسبي الله ونعم الوكيل

لو معاك كباية مية نظيفة وحاطط باكيت شاي هتلاقي المية كلها بقت شاي

والحدق يفهم

كماتدين تدان

**otefa** · 15-02-2011 07:16 PM

المشاركة الأصلية كتبت بواسطة funnymickey

سؤال واحد بجد نفسي اسأله

انتو عارفين حبيب العادلي ماسك وزير داخليه بقاله كام سنه

14 سنه

عمل ظباط شرطه فاسدين اد ايه في 14 سنه ....؟؟؟

ومحتاجين كام سنه عشان نعمل ظباط شرطه كويسين ؟؟؟؟؟

وشكرا

مش سنين ولا حاجة
وزير أنسان حازم يراعي الله أولا ويلتزم بالقانون والنظام ثانيا.....................برلمان قوي يسحب الثقة من الوزير في التجاوزات الجسيمة.
هيئة رقابية جادة حازمة على جميع منتسبي وهيئات الداخلية.
وعلى رأي محمد سعد(الليمبي).......تلتزم بالقوانين تبقى حبيبي.....تكسرها ها أعصرك أطلع منك مساجين صغيرين ههههههههه
الحزم في والرقابة الجادة

**wawoo** · 15-02-2011 07:34 PM

تحية الى كل رجال الشرطة الشرفاء اللى رفضو يضربو نار على المتظاهرين ..و هما كتير على فكرة

تحية لكل رجال الشرطة الشرفاء اللى كانو بيسهرو لحماية هذا البلد و بيسقط منهم شهداء كثير خلال الموجهات مع المجرمين فى قضاية كثيرة..

الثقة فى جهاز الشرطة حترجع تانى ان شاء الله لانها مؤسسة مهمة فى خدمة هذا الوطن ..

و اعتقد ان الشرطة بعد 25 يناير حتتغير 180 درجة و منهجها حيتغير و ان شاء حتتحول بهدوء للشرطة فى خدمة الشعب فعلا ..بعد ما كانت هى نفسها تحت سلطة نظام غاشم متسلط على جميع المؤسسات مش الشرطة بس ..

انا مازلت اعتقد ان الشرفاء فى جهاز الشرطة اكثر من غيرهم و انا لمست دة بنفسى فى عدة مواقف ..لكن دائما القلة المنحرفة صوتها عالى و تشوة سمعة الجميع

اذا كانت هناك قيادات فى الشرطة امرت او نفذت اطلاق النار على المتظاهرين ..اعتقد دول لازم يقدمو للمحاكمة و هى تفصل فى مصيرهم ..

**ahmed_su** · 15-02-2011 07:36 PM

المشاركة الأصلية كتبت بواسطة mmamdouh

معلش الcv بتاع سيادتك ناقص

انت اللى دفعت الالافات عشان تدخل كلية الشرطة

انت اللى اخدت حقنة قلة الاصل فى تانية كلية عشان تتاهل للعمل الشرطى

انت اللى اتعلمت انك اعلى من الناس و هما تحت رجليك

انت اللى اتعلمت ان سلطتك هى حل كل ازمة

انت اللى اتعلمت ان السلاح الميرى هو الحل لكل مشكلة عويصة

انت اللى لما قفشت تاجر المخدرات حرزت ربع المضبوطات و الباقى اتصرفت فيه بمعرفتك

انت اللى لما قفشت تاجر السلاح حرزت 3 قطع بشلن و الباقى عند نصة فى البيت

انت اللى اتنطتت على الراجل فى اللجنة عشان حاطت سبحة فى المراية

انت اللى ضربت تعظيم سلام فى نفس اللجنة للضابط زميلك و هو مفيم و ماشى من غير نمر

انت اللى رزعت الغلبان 20 قفا فى الثانية عشان هو غلبان

انت اللى دورت وشك الناحية التانية عن الباشا و هو بيعمل الغلط عشان هو باشا

و فى ثورة 25 يناير....

انت اللى ضربت المتظاهرين بالرصاص الحى

انت اللى دوست المتظاهرين بعربيات الحكومة

انت اللى جريت استخبيت فى بيتكم يوم جمعة الغضب

انت اللى سهلت للمجرمين و المساجين يهربوا من السجن

رسالة الى الضابط صاحب الcv ..... عفوا...

يا تكتب الcv بتاعك بالكامل و صح و تسيبنا احنا نحكم عليك و نقرر حنعمالك ازاى... ياما تسكت خالص و تفضل مستخبى و تدعى ربنا اننا بعد سنين طويلة ننسى اللى عملتة

mmamdouh

الله ينور عليك ....

-

-

الموضوع: عاجل للأهمية (أنا ضابط الشرطه)

LinkBack

أدوات الموضوع

عرض

-

-

-

-

-

المواضيع المتشابهه

ارجع ضابط

أجزاء تكييف جولف 3 للأهمية ""عاجل""

عاجل جدا ( مستشفي الشرطه في العجوزه )

عاجل للأهمية سوزوكى سويفت 94

عاجل للأهمية :برجاء النصح والإرشاد

الكلمات الدلالية لهذا الموضوع

المفضلات

المفضلات

ضوابط المشاركة