حد شاف الفيديو دة قبل كدة
[youtube]http://www.youtube.com/watch?v=IEYhnKagzGM&feature=related[/youtube]
عرض للطباعة
حد شاف الفيديو دة قبل كدة
[youtube]http://www.youtube.com/watch?v=IEYhnKagzGM&feature=related[/youtube]
الفيديو ده يااستاذ هشام جديد يعني في هذه الأيام ولا قديم
ياباشا العلاقه كانت غير وديه اطلاقا بس ده جدع وتقريبا الراجل ده شكله من احد حراسات حسني لأن كان فيه رتب واقفه ومحدش قادر يقوله تلت التلاته كام اما ظباط الجيش اللي شوفته بعيني في التحرير تم سحله وقعد يقولهن انا ظابط في الجيش انا ظابط في الجيش ودول ولا همهم وبعد ماادوله العلقه المتينه سابوه وقال ايه بيصلحوه بعد 10 دقايق ضرب وسحل هههههههههههههه
و الله حد أعرفة كويس جدا شاف لما الناس حرقو قسم الزيتون كانو بتوع 500 واح على الاقل العساكر و الظباط ضربو نار و عورو ناس منهم لما طلعو فوق سطوح القسم . الناس رشقوهم بالحجارة و الطوب زى فيلم جلاديتور و ولعو فى القسم كلة جرى زى الارانب (( الكثرة تغلب الشجاعة )))
يااستاذ هشام كثير جدا من ظباط الشرطه كانوا هما اللي بيحكمونا بمنطق هما الساده ونحن العبيد بيعاملونا بالأتاوه قبل كل شيئ واذا لم يكن ظاهر عليك انك من الطبقه الغنيه بل من الطبقه الفقيره فا بالعصايه والكرباج و لفافة بانجوا تحشر في الزور مع ضرب يفضوا الي موت ربنا ياخد النوعيه دية ويخلصنا منهم للأبد
بس دلوقتى هما غلبانين و كان فية لقاء مع عمرو أديب و كام لواء بيقولو أن الشرطة لازم تنزل بقى كدة كفاية و الجيش يبقى معاهم كمساعدة هههههههههههههه خايفين للناس تضربهم وحا يعملو حركة تنقلات لظباط كتيرة علشان الاحتقان بين الناس و الشرطة
مع ان مكان الموضوع مش هو ... بس انا مصدقة و مصدق طول عمرى ان فى ناس كدة و ناس كدة ... الضباط برضة فى منهم كتير محترمين و اتباعوا زيينا بالظبط ... ربنا يحميهم و يحمى مصر من اى فتنة و مشكلة و يحافظ على اهلها الشرفاء ظباط او مدنيين او اى مصرى او حتى اجنبى عايش على ارضها ... لأننا بلد الامن و الامان و حنفضل كدة
مصرى حتى النخاع و فخور انى مصرى ...محمد حامد
أكيد طبعا فية ناس شرفاء و طيبين جدا جدا كمان . أنا اعرف ظابط كبير و كان مساعد مدير أمن و ساكن معانا فى نفس الشارع الراجل دة كان حتة سكرة و اخلاق غير طبيعية و سمعة فوق الممتازة و عشرة عمر .بس للأسف الناس الى كدة قليلين الغالبية العظمى مش اد كدة بس دة مش معناة تعميم بس نسبة كبيرة وحشة بجد و فية ناس فوق الممتازة فعلا
إيه لازمة الإستعطاف ده كله
أنت ظابط ،، قوم بدورك و إمسك الحرامية اللي بتسرق عربيات الناس مثلا
مالي أنا و مال إنه جايب ٩٢ %
احقاقا للحق , ظروف كتير وحشة في جهاز الشرطة كله فعلا منها المرتبات
لكن في نفس الوقت ماحدش يقول اصل طبيعة الشغل صعبة فيتشالوا على الدماغ ولا بيتعبوا اكتر من غيرهم ولا متبهدلين اكتر من غيرهم
ان كانوا بيلفوا في الشوارع بالليل فاسألوا اي عامل ديلفري
ان كانوا بيتشتموا فاسألوا اي واحد شغال في كول سنتر
ان كانوا بيتعاملوا مع اشكال مش ولا بد فاسألوا برده اي عامل ديلفري و اي عامل تركيبات في المنازل يقول لكم
ان كانت مرتباتهم تعبانة - دي حقيقة - فمش لوحدهم
---مع كامل احترامي واقتناعي الكامل ان التعميم غلط وفي كدة وفي كدة. بس خلوني فكر بصوت عالي:
1)-واحد جايب 92 حد اجبره انه يدفن نفسه ويدخل شرطة ويتساوي باللي جايب 60%.
2)-انه هيصحي الساعة 6 الصبح لمدة اربع سنين ( هو اللي اختار بمزاجه) ومش هو لوحده اللي بيصحي الصبح يعني . الطفل بيصحي برده عشان يروح مدرسته.
3)-هيتعامل مع ناس مش ولا بد ( حد قاله انه هيتعامل مع اكابر واكثر البشر اخلاقا بعد مايتخرج من شرطة).
4)-انه هيقبض 500 جنيه مع انه تعبه يستاهل اضعاف اضعاف هذا المبلغ ( هو اتفاجيء يعني بالمرتب ده ولا داخل وعارف كويس الظروف المادية للوظيفة اللي اختارها بمحض ارادته ).
5)-انه هيلف طول الليل فالشوارع وفي عز البرد ( حد قاله انه هيتخرج يشتغل مدير امن وهيعد علي مكتب فالتكييف ).
في نهاية كلامي واسف للاطالة بس انا عندي قناعة تااااااامة ان اللي بيقدم لكلية شرطة 3 اصناف:
1)-شباب عايز يضمن شغل بعد التخرج مباشرا فبيقدم لشرطة وكليات عسكرية والصنف في رايي غالبا بيكون محترم لانه داخلها بعد تعب ومجهود.
2)-ابناء الاثرياء .وبيدفعو الاف عشان يدخلو ولادهم شرطة. وبيكونو مش مستنيين ال 500 بتوع اول كل شهر بس محتاجين السلطة اللي تحمي الثراء.
3)-ناس داخلة وعارفة كويس ان الطريق الوحيد للفلوس باستخدام نفوذ هذه المهنة هي الطرق الغير قانونية ( اللي مفروض هما اللي بيحاربوها ).
وفالاخر: الشعب متجناش عالشرطة او علي ظباط الشرطة. بالعكس الشرطة هي اللي تجنت عالشعب وذلته سنين وسنين. ولو كان فيهم محترم فبدل مايلوم الشعب يلوم نفسه انه دخل نفسه وسط ناس اتاخد بذنبها. فاقل مايفعله هو استقالته مادام مش في ايده تغيير الفكر( انهم الاسياد والشعب عبيد).
تحياتي واسف للاطالة.
لكي الله يا مصر
برغم اتفاقي معاك في كل كلمة الا ان فعلا فيه اقلية محترمة فيهم
و نقطة المرتب القليل حقيقية , و عن نفسي شايف انها سبب فساد كبير في البلد
امين الشرطة اللي مرتبه قليل بيفرض اتاوة على سواق المكروباص عشان يعيش
سواق المكروباص بيغلي الاجرة عالزباين عشان يعوض الاتاوة
سواق المكروباص بيستهبل في السواقة و امين الشرطة بيحميه (عشان السبوبة)
مخالفات راحت عالبلد
الناس بتدفع اجرة اكتر
بيركبوا مع سواقين متهورين و قلالات الادب (محميين)
سواقين العربيات بيشتكوا من قلة ادب سواقين المكروباص
و اضرار تاني كتير بسبب بس قلة مرتبات امناء الشرطة
لكن ارجع و اقول , مش هما لوحدهم
المرتب القليل مش علي الناس بتوع الشرطة بس ياتامر بيه ( ظباط وامناء ) ده علي كل الشعب. لكن بتظهر اوي عندهم بسبب احتكاكم بالشعب في كل صغيرة وكبيرة من اول مايتولد ( استخراج شهادة ميلاد ) لحد مايموت ( شهادة الوفاة وتصريح الدفن ).
فهي ده بقي المشكلة انهم بيستخدمو سلطتهم في الحصول علي فلوس تعوض مرتبهم القليل. ولما تكلم حد فيهم يقولك احنا مظلومين فالمرتبات. فنمشي بمبدء اللي استغلال النفوذ بقي وكل واحد وعلي اد نفوذه وفالحالة ده مش هنقدر نقضي علي اي سلبيات في مصر
-المدرس يدي دروس خصوصية ويدبح اولياء الامور لانه عذره ان مرتبه قليل.
-اولياء الامور تسرق بقي عشان تعرف تعلم ولادها.
-اولياء الامور اللي شغالين في مراكز قيادية يدبحو الشعب بقي ويطلبو اكراميات ورشاوي عشان يعرفو يصرفو علي ولادهم لان مرتباتهم مش مكفية اكل وشرب ولبس وتعليم ودروس
ده مثال بس في حاجة واحدة قيس علي كدة بقي في كل حاجة.
فالمقصود من كلامي في المشاركة الاولي واسف للاطالة: ان مش مقبول خاااااااااااااااالص ان اي حد يلتمس لنفسه اعذار ويصور نفسه ضحية بسبب ظروف شغله ( وكمان لما يكون هو اللي اختارها بنفسه يبقي لا يملك ولا يصح ان يلتمس ااااااااااااااي عذر).
- لو اتنين مرتبهم 500 واحد ظابط شرطة والتاني متخرج من هندسة مثلا ومش لاقي شغل وبالعافية لقي شغل مدرس اي مادة علمية تفتكر مين فيهم اللي تلتمسله عذر ؟؟؟؟؟؟
انا برده قلت كده :)
:)اقتباس:
لكن ارجع و اقول , مش هما لوحدهم
لكن انا مش باقول كده كعذر لكن كحل للمشكلة دي و ايضاح ان الفئة دي (زي فئات كتير) الشريف فيهم مظلوم , و كتير من اللي ما بقاش شريف فقد شرفه بسبب ضآلة مرتبه
ده لا علاقة له باللي فقد شرفه لأنه عايز كده و هما كتير ولا علاقة له بمستغلي السلطة و ملفقي التهم و العالم دي
الواحد يقول اللي ليه و اللي عليه :)
معلش عايز اقول حاجة كمان علي جزئية التضحيات الكبيرة الفظيعة اللي بيقدمها:
- انتا اللي نمت مع جثة مقتولة وفضلت مش عارف كام يوم عشان تجيب اللي قتله.
-انتا اللي اتعرض عليك رشوة ورفضتها مع ان مكنش حد هيعرف.
-انتا اللي اتضرب عليك نار ومجرتش.
-انتا اللي مبتاخدش اجازة غير كل فين وفين.
-انتا اللي ................
-وانتا اللي ................
-وانتا اللي ........................
-ده الزبال اللي بيشيل زبالتك اللي بتستكبر تشيلها لان باشا.
-وده السباك اللي بيصلحلك سباكة بيتك.
-وده الكهربائي والميكانيكي اللي بيصلحولك عربيتك
-وده الدكتور اللي بيعالجك وبينقذ حياتك لما تروحله غرقان في دمك ومش محتاج منك شكر.
-وده المهندس اللي بتروحله لو حبيت تبني بيت.
-وده ال..................
-وده ال.....................
-وده ال ........................
من الاخر كدة: مش قادر علي شغلتك اللي اختارتها بنفسك ( وروحت ووقفت فالطابوووووووووور عشان تسحب ملف كلية الشرطة في الوقت اللي مترضاش تقف في طابور عيش عشان زحمة ) وعلي ظروفها ( اللي انتا عارفها قبل ماتدخل الكلية واكيد متفاجئتش بيها يعني ) يبقي اكرملك واحسن لنا جميعا انك تقدم استقالتك مادام مش ادها.
وإيه يعني ياأخ خالد
...
أنا أحمد الصيدلي
إلي أتسحلت في ثانوية عامة مذاكرة وجبت 99 %
أنا أحمد الصيدلي
إلي لما كنت في طب .. أخدت بالشلوت من دكتور ف الجامعة
أنا أحمد الصيدلي
إلي وقفت في طواااااااااااابير
أنا أحمد الصيدلي
إلي إتخناقت وإنضربت في صيدليتي من شمامين أخر الليل
أنا أحمد الصيدلي
إلي عربيتي عملت حادثة.. والشرطة مش جابت حقي
أنا أحمد الصيدلي
إلي مرتبه ف الحكومة نص مرتبك وأقل
أنا أحمد الصيدلي
السهران طول الليل علشان جنيه زيادة لأكل عيشه
أنا أحمد الصيدلي
إلي بيقف في طوابير قدام البنزينة
أنا أحمد الصيدلي
إلي عيل بشخة ع الصحراوي ماحصلش ملازم.. وقفني انتباه نص ساعة ع الاسفلت علشان شكلي مش عحبه
انا أحمد الصيدلي
إلي علشان يخش الحمام ف البلد دي .. لازمله وسطه
أنا أحمد الصيدلي
إلي لازم يدفع المعلوم لأي مصلحة أعملها ف البلد دي
أقول كمان ؟؟؟؟؟
أنا أول مرة أشوف الموضوع
انا احمد الصيدلي
الي شغال 14 ساعة كل يوم ف اسنة حتى الجمعة
انا احمد الصيدلي
الي ممكن ابيعه مخدرات عادي... واكسب دهب.. لكن عمري ماهعملها
أنا أحمد الصيدلي
إلي لحد دلوقتي (زيك) بيميل ع الحاج علشان يعرف يعيش
أنا أحمد الصيدلي
إلي حاول يدخل التحرير يوم 27 يناير.. وواحد زيك ضربه بالشلوت
أنا أحمد الصيدلي
إلي عمري ماإتنططت على حد .. ولا إفتريت على خلق الله
أنا أحمد الصيدلي
إلي أصحابي وأنا بنتهان ف المهنة الخدمية دي
أنا أحمد الصيدلي
إلي بياخد بدلات ربع جنيه وخمسة وسبعين قرش في مفردات مرتبه الحكومي
أنا أحمد الصيدلي
إلي أي موظف بيجيبه يمين وشمال ويمرمطه علشان يخلص ورقة وسخة من مصلحة حكومية
أنا أحمد الصيدلي
إلي من حق واحد زيك .. يدخل عليا بيتي يسحبني لحتة أنا معرفهاش
أنا أحمد الصيدلي
أخو خالد سعيد .. وأخو بلال..وأخو كل واحد قعد سنين مايعرفش هو محبوس ليه علشان واحد زيك طلعت في دماغه انه يحبسه
جتكم القرف.. خربتوها وقعدتوا على تلها
المشكلة مش مع ظباط الشرطة ولا مع افراد الجيش سواء كانو ظباط او عساكر
المشكلة فى راس النظام سواء كان مبارك او المجلس العسكرى
ماهو لو فيه رئيس دولة بيقولهم احترمو الناس وعاملوهم كويس وشوفو شغلكم و اقبضو على البلطجية وتجار السلاح والمخدرات وامنعو المحسوبية ...الخ
مكنش بقى فيه ادنى مشكلة بين الشرطة وعموم الشعب !!
احنا عايزين نركز على اصل المشكلة مش الفرع
لا
المشكلة زي ماهي ف الراس
كمان ف الديل
احنا وزير الصحة مش بيقولنا عاملوا الناس كويس
ولابيقولنا ماتسرقوش
لكن الصيادلة بيعاملوا ربنا وضميرهم مع الناس(معظمهم)
يعني دي بتبقا سمات فردية
يعني
الاخ خالد بيقول
تعب .. تعب .. تعب وبـــــ 465 ج
طيب دفعله بتاع 50 الف علشان يدخلها ليه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
يا جماعه ما هو بالمبدأ ده ......( السيئه تعم و الحسنه تخص ) ....يبقي لازم كل البشر في مصر تختفي و ييجي ناس تانيه شعب و جيش و شرطة و ... و ....
اكيد اي مجتمع فيه الصالح و فيه الطالح
كلنا قابلنا ضباط شرطه محترمين و قابلنا ضباط شرطة من بيئه لامؤاخذه
مينفعش كل مؤسسات الدوله تنهار و نهدمها بايدينا و نقول تتبني من اول وجديد ,,,,طب و الصالح ذنبه ايه ؟؟؟
يبقي الصح اننا كشعب يكون لنا دور .....يعني نقوم السلوك الغلط ....منسكتش عالغلط .
يكون لينا دور امام السلوكيات السلبيه .....نشتكي و نعرف ازاي ناخد حقنا ....لان اكيد زي ما فيه صاحب سلطه بيظلمك حتلاقي صاحب سلطه عاوز يجيبلك حقك .
( لا يغير الله ما بقوم حتي يغيروا ما بأنفسهم )
الشرطة اليومين دول رجعت لدورها الطبيعي بنسبه عاليه جدا ,,,,,,,يعني مبقوش يوقفونا في اللجان و يقرفونا زي زمان .....بقوا بيشوفوا شغلهم و يوقف المخالف فعلا .....و بقوا بيجروا ورا الحراميه و البلطجيه و مسجلين الخطر ....بقي هوه ده شغلهم الشاغل .....
و ده لان جالهم قائد ( اقصد وزير الداخليه محمد ابراهيم ) غيرلهم العقيده الامنيه .....بدل ما كانوا بيحموا نظام و بيأمنوه ,.,..بقوا بيشتغلوا للشعب
اقصد اقول : يبقي حصل أعاده توجيه .....جه منين اعاده التوجيه ؟؟؟....جه من ثوره شعب ....و اعتقد انهم فاقوا و صحيوا ....كمان لازم يكون رأس النظام صالح عشان يصلح باقي جسد النظام
القدوه يا جماعه مهمه جدا و هيه اللي بتوجه
يارب يولي كل من يصلح .....سيدنا محمد حذر تحذير شديد جدا من تولي من لا يصلح .....كل الفساد و المصايب اللي حصلت في البلد ناتجه عن اختيار القيادات و العناصر معدومه الكفاءه ....و ده عشان يضمنوا انهم يسمعوا كلام النظام و محدش يعارض .
اعتقد ان ده اتغير و لو بنسبه .....و لازم نكمل و يكون لينا دور كشعب و نكون ايجابيين .
الشرطه اتعلمت خلاص و عرفوا انهم كانوا بيخدموا نظام و مش بيخدموا الشعب
و اعتقد انهم اتعاقبوا نفسيا علي الفكر دة و اصبحوا بيخدموا الشعب فعلا سواء مجبرين او مقتنعين ....ده دورهم الطبيعي .
و اللي مقدرش منهم يغير عقيدته استقال .
اللي بيغلط يا جماعه و يرجع عن خطأه لازم تديله فرصه . دي سنه الحياه
و لازم لما ندي فرصه نكون مراقبين
يعني لما حد مننا كشعب يشوف او يتعرض لتجاوز ....ميسبش حقه و يبلغ بالطرق المشروعه .....لاننا لما بنسيب مسئول سواء في موقع صغير او كبير ..بنساهم في نخر و خراب البلد
لازم نصلح مننا احنا
بس احنا دورنا حيقوي لما يجيلنا قائد يكون قدوه حسنه يدي الشعب الدفعه و القوه
اعتقد ان كلنا عندنا امل كبير في الاصلاح بدل ما نقعد نندب حظنا و نتكلم في الماضي ....خلينا نبص لأدام لان حاجات كتير اتغيرت ....ممكن تكون مش زي ما حلمنا او مش بالسرعه المطلوبه ....لكن اكيد في حاجات اتغيرت .
يارب اكون قدرت اوصل وجهه نظري .
السلام عليكم جميعا
طبعا يمكن الرد دلوقتى مش هيبقى ليه أى لازمة لأن الموضوع اتعمل من حوالى سنة وطبعا فى السنة دى حاجات كتير اتغيرت (الكثير للأحسن وللأسف فالبعض للأسوأ)
وطبعا لقيت 19 صفحة ردود ودة بصراحة كتير جدا انى أقراهم , أنا بصراحة ما قريتش غير أخر صفحة وأول صفحة .
بصراحة العنوان لفت نظرى بشدة وكمان أسلوب حضرتك جميل جدا ومقال أكثر بكثير من رائع
لكن اسمح لى احكى شوية عما يجول فى ذهنى .
من ناحية انا مقتنع بكلام حضرتك وفاهم انت عايز تقول ايه , بس من ناحية تانية أنا عارف كمية الرواسب الرهيبة الموجودة جوة المواطن المصرى ناحية الداخلية
وعايزتعرف انى مش بتكلم عن حضرتك لأن أنا واثق 100 % ان حضرتك انسان قمة فى الاحترام وفعلا الواحد يتمنى ان وزارة الداخلية كلها تبقى ناس زى حضرتك .
مش برضة الداخلية اللى قالوا فى الاسكندرية عن المواطنين(هما فاكرين نفسهم حاجة دا احنا اسيادهم )؟؟
مش برضه الداخلية اللى ضربوا خالد سعيد عشان نشر فيديو توزيع (الداخليه برضه ) لايراد الحشيش والمخدرات جوة القسم ؟؟؟
مش برضة الداخلية اللى فتحت السجون عشان المسجونين تهرب ويخوفوا المعتصمين فى التحرير بأنهم يجيبوا عناصر نسائية من الشرطة يتصلوا بالتليفزيون على انهم مدنيين ويصوتوا ويقولوا الحقونا ؟؟
مش الداخلية برضوا اللى مش عايزة تطلع تراخيص سلاح للمدنيين بحجة أن لو حصل مظاهرات تانى مايبقاش عندهم خسائر (مع ان السلاح المرخص دة صاحبة يتجاب من قفاة لو عمل حاجة) وسايبين المواطنين يواجهوا ناس بأسلحة الى بدون اى فرصه يدافعوا عن نفسهم برفض اصدار تراخيص سلاح ؟؟؟
أتمنى ان حضرتك تتفهم أسباب وجود غضاضة بين الناس وبين الداخليه
أنا متأكد 100 % ان كل الخلافات دى هتروح (والحمد لله ممكن ملاحظة انها تقريبا خلصت ) على أساس من الثقة المتبادلة وان الداخلية تشوف شغلها على اساس انها فى خدمة الشعب مش خدمة النظام .
أعتذر للاطاله وتقبل تحياتى