عرض للطباعة
سامحونى فى هذة الاستشارة انا عارف انه مش وقتها و كلة مشغول بلاحداث اللى بتحصل المهم انا مسافر الفجر فى مأمورية شغل الى رومانيا و كان المفروض انى استلم البدل امبارح من الشغل بالدولار ولكن الصراف قالى ان البنك قافل واستلمت البدل بالجنية
السوال انا عايز اشترى دولار(كمية صغيرة) هل اروح شركة صرافة و اشترى انا خايف يدونى دولارات مضروبة لان البلد فى حالة فوضى
أعتقد ممكن يكون فيه تحويل في البنك...إدخل بنك ليك حساب فيه واسال..بس أعتقد البنوك بتبيع أغلي من الصرافة...بس مع رقم قليل مش هتفرق كتير
عامة خبراء التجارة في المنتدي كتير إن شاء الله يفيدوك
معرفش الصرافه هيرضو يبيعولك ولا لأ لأنهم كانو بيلمو مستنيين انو يعلا
البنك هو الحل الوحيد و يستحسن انك يكون معاك الباسبور و التذكره علشان محدش يعصلج
لو مش هتلحق البنك جرب الصرافه و ربنا معاك ...
ميلغ صغير قد ايه يعنى؟
بنك مصر فيه فرع جوة رمسيس هيلتون فى عبد المنعم رياض
اتصل ب 19888 اتاكد انهم شغالين
وبرده فيه فرع لكريدى اجريكول فى نفس الفندق
صح مجاش فى بالى الحل ده ... بنك مصر فروع السياحه (داخل الفنادق) و الفرع فى سيتى ستارز شغالين ... سألت المدام (بتشتغل فى بنك مصر) و قالتلى ايوه شغالين ...
تانى خد معاك الباسبور و التذكره و طالما مبلغ مش كبير ان شاء الله محلوله ... لو رحت بنك مصر و كان فى اى مشاكل كلمنى و ربنا يسهل نحاول نحلها 0117733077
و مكتب المطار كمان شغال
اشتري من مندوبية البنك جوة المطار .......
بلاش المطار
ساعات بتلقيهم قافلين من غير سبب
يجهز نفسه من دلوقت احسن
متفق معاك و كمان الظروف اليومين دول ممكن ميرضوش ممكن ميكونش فى سيوله دولاريه ممكن اى حاجه ... المشكله ان البنوك مقفوله لحد الحد الجاىاقتباس:
المشاركة الأصلية كتبت بواسطة a.saad
البنوك للأسف اجازة لاخر الاسبوع بسبب الاعتصامات
شوف اي حد تعرفه معاه دولارات غيرها منه مالهاش حل غير كدة
الصرافة لو فاتحين يكون احسن
للأسف فعلا البنوك قافلين كمان الأربعاء والخميس ولكن انا بفضل انه حضرتك تتعامل بقى مع احدى شركات الصرافة المضمونة زي مثلا الصيارفة المتحدون او النوران في ميدان الأوبرا او الأبيض في العروبة ..او بفضل حل تاني آخر ها يكون صعب شوية ولكن ده من وجهة نظري هو الأفضل حضرتك تسافر بالسلامة وتحولهم من رومانيا من مكاتب الصرافة اللي في المطار هناك ولكن بصراحة الحل صعب وممكن يبقى تقيل ولكن هوة ده اللي انا شايف انه الأضمن مدام انك خايف من اصيارفة اللي في مصر ..
هيخسر كتير قوى لو حول جنيه من اوروبا و ده اصلا لو قبلوه
حاول تعمل زى ما قلنا
وممكن تلاقى فروع بنوك تانية فى الفنادق بتشتغل تغيير عملة بس
لو ما لقيتش خالص فى المطار بعد ما تعدى بوابات التفتيش قبل ما تذهب الى الجوازات حا تلاقى فروع لكذا بنك و شغالين 24 ساعة ما بيقفلوش حا يدولك بس مش مبلغ كبير و دة بعد ما يشوف أنك مسافر فعلا