أنا بقيت مدمن سجاير , محدش يقولى الأقلاع عنها عزيمه

**2faster** · 16-02-2011 01:26 AM

المشاركة الأصلية كتبت بواسطة 3ateef

انا عايش لوحدى يا باشا,,يمكن عشان كده الوضع مختلف...
:)

**MBhead** · 16-02-2011 01:58 AM

بس يا فندم انا كنت زي حضرتك و اكتر شوية كنت 3 علب في اليوم لوحدي دلوقتي بشرب الحمد لله علبة واحدة او علبة و نص كحد اقصي
انا عملت الاتي
بطلع اجري دي بيحرق النيكوتين اللي في الجسم شوية او بعمل اي رياضة
غيرب النوع السجاير كنت بشرب ملبورو احمر بقيت بشرب مريت اصفر
بحاول اخفف السجاير واحدة واحدة و بتجنب اعد في حتة فيها ناس بتشرب سجاير كتير و بعمل رياضة اكتر شوية
و و احدة واحدة كلو بيجي الموضوع دا عايز عزيمة و اصرار بس ماينفعش قفش خالص
في شوية اضرار زي العصبية بطريقة غريبة و من غير اي سبب كده لدرجة اني بعد ما اهدي ارجع اقول هو انا اتعصبت ليه و زعقت ليه بس شوية و اتعودت
دلوقت الحمد لله بشرب علبة كحد اقصي و انشاء الله ابطلها قريب

**dr.hazem** · 16-02-2011 03:19 AM

المشاركة الأصلية كتبت بواسطة islamnabil

في دواء دلوقتي موجود في صيدليات العزبي اسمه شامبكس
مفعوله اكيد عن تجربة اكتر من صديق

انا بأكد عالمعلومه دي
دوا من شركة فايزر اسمه تشامبكس
سعره مش رخيص
لكن هوا اخر الصيحات في المجال ده

واخويا لغاية فتره قريبه كان بيشتغل في الشركه بتاعته وكان بيجيبه عينات لاصحابه

عموما
الكورس الكامل ممكن يوصل تمنه ل 400 جنيه او رقم قريب من كده
لكن اكيد صحتك تساوي اكتر من كده بكتير

واهم حاجه هقولهالك
مش اراده
انما علاقة مع ربنا وتدعيه بصدق نيه وتقول يارب انا هبطل ادخن عشانك مش عشان اي حاجه تانيه
عشان التدخين حرام وانا بتوب منه يارب
واطلب المعونه من الله لانه مفيش احن منه عليك بس اصدق نيتك معاه
وتذكر دائما

(ومن يتق الله يجعل له مخرجا)
وان ربنا متعك بصحة وعافيه وفلوس والواجب عليك شكر ربنا على نعمته دي واكيد شكر النعمه مش هيكون بعصيانه...

كنت بحب اقول لاي حد مدخن,,,
شفايفك دي اللي بتقول لا اله الا الله ازاي تحط فيها حاجه سيئه كده
دي بتنطق اسم ربنا وان الله طيب لا يقبل الا طيب
واذكرك برضو بحاجه
ان الملائكة تتأذى مما يتأذى منه بني آدم واكيد رائحة السيجاره مما يتأذى منه بني آدم....

يعني حاجات كتير بجد لو استشعرتها واستشعرها اي شخص ان شاء الله ربنا يفرجها على الجميع

وانا من عندي بدعيلك
يارب يصرف عنك كل الشرور
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

تحياتي

**ahmdmagdy** · 08-03-2011 02:23 AM

انا عندي حل كنت بعمله لما لقيت استهلاكي لشرب السجاير زاد عن 30 سجاره بقيت اجيب علبه السجاير و احطها في البيت و لما انزل اخد 4 سجاير اشربها في اليوم و طبعا مكنتش بدخن ف البيت خالص

**tom_gr** · 08-03-2011 02:48 AM

صديقى العزيز

هاكلمك كلام واقعى

اولا اسباب استهلاكك للعدد ده من السيجارة يوميا :-
1- طبيعة شغلك --- غالبا انت بتشتغل وظيفة حرة وانت حر نفسك او فى مكان انت بتكون حر فيه
2- طبيعة شخصيتك --- انت طيب وهادى جدا ولما بتتنرفز بتكتم جواك الاول لدرجات كبيرة انما لما بتنفجر بتكون عصبى جدا وده نادرا
3- ايقاع حياتك --- دائما ماتكون فى مشاكل يويمة ومستمرة ممكن تكون مشاكل بسيطة انما انت بتاخدها على انها مشاكل والسلام

العلاج :
1- لاتقلع عن التدخين مرة واحده لانك ببساطة لن تستطيع وسوف تصاب بالياس والاحباط من تكرار محاولات الاقلاع والفشل فيها
2- خذ اجازة لمدة 3 ايام متواصلة لاتخرج من المنزل مطلقااااااااااااااااااااا ااا لاى سبب ( اكنك واخد دور برد ياسيدى )
- واشترى علبتين سجاير وخليهم معاك فى الاجازة ( ال 3 ايام )
3- اشترى منوم خفيف التاثير ونام اغلب وقت جلوسك فى البيت
4- تناول كميات طعام كبيرة ( طول مانت صاحى افضل تاكل )
5- اشترى مبسم سجاير ( النوع الكبير الى بيركب فيه فلتر ) ودخن السجاير بيه وانت فى الاجازة
6- اقفل تليفوناتك كلها ولا ترد على اى احد مهما كان
7- لا تتناول اى ادويه خاصة بالتاثير على معدل التدخين
8- بعد ما تخلص الاجازة دى اعمل لنفسك تقييم وشوف معدل تدخين قل ولا زى ماهو ( لو قل يبقى انت نجحت ) والتجربة القادمة قلل معدل التدخين كمان وهكذا

مجربة شخصيا بفاعليه مؤكده

وقلنا ايه الاخبار

**eldell** · 25-03-2011 04:12 PM

المشاركة الأصلية كتبت بواسطة kareemz

بص انت دايما حاول تقرا عن أضرار السجاير و حرمتها .. خلى دايما معاك فى العربية شريط عن حرمة التدخين و اطبع ورق عن أضرار السجاير و اقراه من فترة لاخرى .. أنا بعمل كده دايما لما بكون حاسس انى مقصر فى حاجه معينه.

بس فى نوع من الناس تقول لك لأ أنا مش عاوز أسمع حاجه تأنب لى ضميرى .. أوعى تكون من النوع ده.

مهى المشكله ياكريم باشا ان اكترنا عارف ان التدخين حرام وعارفين مشاكله وحتى كل شويه يغيرولنا الصوره الى على علب السجاير بس برضه بنشتريها انا الحمد لله دلوقتى بقيت اشرب من 10 الى 15 سجاره بس لازم فعلا يكون عندك اراده

**mesaharaty** · 25-03-2011 08:34 PM

أنا شربت شيشة على كبر وركزت فيها جامد لغاية ما جابت لى المرض فى قلبى

عاوز أقول لحضرتك إن السجاير حتتعبك حتتعبك بس مشكلتنا إن التعب بييجى فجأة ومش بيدى أى مقدمات
يعنى تبقى آخر حلاوة وبتشرب والحياة حلوة وفجأة التعب ييجى وفى الحالة دى بيكون تمكن المرض من الجسم

الله يخليك بطلها بمزاجك بدل ما تبطلها مغصوب
بطلها النهاردة لأنك كده كده حتبطلها

أنا مبطل الشيشة من 7 شهور وخلاص الموضوع خلص وانتهى
كنت مضيع صحتى وفلوسى ووقتى بدل ما باقعد على القهوة باقعد مع ولادى أحسن
نتائجها السلبية عندى كانت كتير جدا منها تلف الأسنان وآلام الأعصاب ومرض القلب

الحمد لله دلوقتى بطلت تماما ولا نية مطلقا للرجوع ومن غير إرادة ولا حاجة ده بس خوف على الصحة وده اعتقد وازع مهم جدا لحضرتك

حاول بس

-

الموضوع: أنا بقيت مدمن سجاير , محدش يقولى الأقلاع عنها عزيمه

LinkBack

أدوات الموضوع

عرض

-

-

-

-

-

-

المواضيع المتشابهه

...........سجاير ............

انا بقيت مدمن توفيق عكاشة

لو سمحت عندك سجاير ...!!!

ليه فيات 500 محدش بيتكلم عليها ولا حد يعرف عنها حاجه

عملت ايه لما ابوك عرف انك بتشرب سجاير

الكلمات الدلالية لهذا الموضوع

المفضلات

المفضلات

ضوابط المشاركة