انا املك عربية صنى 2008 سوبر صالون كنت بفكر اغير العربية و وجدت ان الكيا سيراتو منتشرة و امكانيات كتير مش عارف السيراتو احسن ولا اخلينى فى النيسان صنى و خلاص
شكرأ
عرض للطباعة
انا املك عربية صنى 2008 سوبر صالون كنت بفكر اغير العربية و وجدت ان الكيا سيراتو منتشرة و امكانيات كتير مش عارف السيراتو احسن ولا اخلينى فى النيسان صنى و خلاص
شكرأ
أخي العزيز
فعلا السيراتو سيارة مبهرة الشكل أكثر من الصني داخليا و خارجيا ( صالون رائع و شكل إنسيابي خرافي ) سيارة شيك فعلا و لكنها مع إحترامي سيارة مظاهر فقط و منظر
يعني لا تستحمل البهدلة و الشقا و ليست إعتمادية ولا تحتمل شوارعنا و طرقنا و مطابتنا لي صديق بنفس الشارع معه سيراتو يعاني الأمرين عند ركوب شخصين بالخلف و خفيفة الوزن مع السرعات العالية ( و محدش يزعل مني من ملاك السيراتو مع إحترامي الكامل ليهم )
الصني علي العكس سيارة شقا بمعني الكلمة و معمرة
و حضرتك قرر إنت عايز إيه ( المظهر أم الأداء )
و الله الموفق
انا بفكر فى السيراتو او الفيات بونتو ايفو اوتو packge 2 مش عارف اخلينى فى النيسان صنى ولا اية اريد اراء الناس لمساعدتى فى الاختيار
لو حضرتك بتدور علي القيمة يبقي صني لو بتدور علي المظاهر يبقي سيراتو "مع احترامي الي ملاك السيراتو"
و بفضل ان حضرتك تطلب من الادارة نقل الموضوع الي قسم المقارانات هتلاقي هناك استفادة اكتر و معلومات اكتر علي حد علمي
السلام عليكم
أخي الكريم .... كيف حالك
ربنا يرزقك الخير يارب
بصراحة السيراتو عربية جميلة وبالفتيس الجديد ال6سرعات ديه ... يعني ماشاء الله عليها عربية محترمة
بس (سمعت) عنها ان في مشاكل في العفشة بتاعتها وخفيفة جدا ووسائل الامان في الضياع
وبالنسبة للفيات انا كنت بفكر فيها ... بس فيات ساعات بتطلع بافتكاسات كده وتكنولوجيا تحفة بس المشكلة في الصيانة وقطع الغيار
انا لو منك لو هاشتري السيراتو هاشتريها علشان الفتيس بتعها الجديد ده
وغير كده مش فارق معاك انت كده كده اوتوماتك ووسائل الامان الصني تكسب
الرفاهية بقي انت ممكت تعملها
يعني تبدأ توضب في الصني شويه سواء فرش ولا زينون وفتحة سقف ... تخيل لو عملت الحاجات ديه وفي نفس الوقت كسبت عربية محترمة ووسائل امان وتوكيل محترم
انا قصدي ايه العربية لو انت شاريها زيرو خليها معاك علشان تشوف خيرها ولو هي مش مقصرة معاك يبقي خليها وهي ماشاء الله عليها حمالة أسية ومبتشتكيش ... يبقي اشوف العربية اللي تريحيني وانت شايف شوارعنا عاملة ازاي
حسبي الله ونعم الوكيل ... كل يوم لازم اخد مطب ولا نقرة لغاية ما اعصابي باظت ... ربنا يسترها ان شاء الله
ومتنساش الاستخارة طبعا وربنا يرزقك الخير
تقبل مروري
معاك كام؟
خليك فى اليابانى احسن
يا باشا انت معاك سوبر سالوون يعني عربية حلوة و فخمة
لو جبت سيراتو هاتحس انك نزلت مش طلعت
هاتحس انك جبت عربية بتجري و بس
بس في الثبات و العفشة و الاداء على الطريق و قوة الصاج و حاجات كتير هتلاقي نفسك خسران لو غيرت
انا رأيي يا باشا ان كل الاختيارات اللي حضرتك حاططها اقل من العربية اللي معاك