مشكله غريبه جدا ولم تمر علي من قبل

اولا السلام عليكم
العربيه عندي ابيزا 1994 من حوالي شهر ابتدت تعمل حاجه غريبه جدا وهي اني لما باجي اكشف على الميه في القربه الصبح قبل ماادور بلاقي الميه ناقصه شويه مع اني لسه مزودها امبارح ولما باجي افتح الغطا بتطلع شوية ميه مكبوسه مه هوا خارج القربه مع ان الكلام ده عمره ماكان بيحصل كانت الميه مش بتنقص الا على المدى البعيد يعني شويه بسيطه كل 3 اسابيع مثلا ... مع العلم ان الحراره طبيعيه مش بتزيد وكلام خروج ميه من القربه وانا بفتحها مع هوا مكبوس ده والعربيه بارده تماما الصبح وقبل الدواره اساسا وحتى بعد مرور 3 ايام مثلا من الركنه الموضوع غريب جدا ومحير .... هل من ناصح ؟؟

هي حاجه من الاتنين
اما الرادياتير كان مخروم خرم صغير و وسع او لو عندك البطاريه سايله ف بتنقط ع الرادياتير و كلته

او جوان وش السلندر
بس الجوان بيبان عيبه تفتح غطا الرادياتير و تدور العربيه و لو الميه ضربت جامد منه يبقى دا جوان
لكن لو دارت و ماحصلش حاجه يبقى الجوان سليم

اشكرك جدا استاذ سعدالدين على اهتمامك اولا
انا شاكك فعلا في جوان وش السلندر زي ماحضرتك قولت وافهم منك اني لو عاوز اختبر الكلام ده اشغل العربيه وانا فاتح غطا القربه لو الميه طلعت لبره بعد فتره يبقى كده وش سلندر ... صح كده ؟
ومعلش سؤال اخير لو كان هو ده السبب فالتكلفه التقريبيه للموضوع ده كام ؟ عشان الموضوع ده جه في وقت جميل ... الحمد لله على كل شيء
سؤال اخير معلش مش ممكن يكون الكلام ده سببه ان الغطا بتاع القربه او القربه نفسها عاوزه تتغير ؟؟
مع جزيل الشكر

مش غطا القربه
افتح غطا الرادياتير و دور و بطل و دور تاني

لان لو الميه نطرت جامد يبقى مجرى الميه ف الجوان مفتوح ع الماتور و بيدخله هوا من الماتور