عربيتي الكورولا 2005 الي مسروقه من 3 سنين

**SAMEH_FOUAD** · 16-02-2011 03:46 PM

اعتقد فى ظل التطورات اللى حصلت فى الظروف الراهنة ماعتقدش ان هيبقى فية تقصير من جانب الشرطة فى عملهم او لازم يبقى معاك واسطة عشان يتحركوا والا عارفين ان مصيرهم شكوى مباشرة ممكن تؤدى الى محاكمتهم عسكريا نتيجة لتقصير فى العمل ودية عربية مش موبايل ولا لاب توب

دلوقتى انصحك بانك تبلغ شرطة الاتصالات وتشوف الرقم اللى كلمك دة بتاع مين واحكيلهم الموضوع وان شاء الله مش هتحتاج واسطة لان المفروض ان البلد اتعدلت على الاقل نسبيا

بعد كدة تعرف مين دة وتجيب عنوانة وتروح لحد بيتة الاول تشوف عربيتك ممكن تكون واقفة هناك , وتروح يوم او يومين ويكون فى اوقات مختلفة ومتنساش ان ربنا مابيضيعش تعب حد ولازم تتعب وتور عشام ربنا يرجعهالك تانى ان شاء الله حتى ولو بعد 20 سنة

بعد كدة تروح انت وامين او ظابط تجيبوا الراجل دة وتخلية يعترف بكل اللى يعرفة من معلومات عن السيارة اكيد هيفيدك كتير وان شاء الله تلاقيها

**hpxp** · 16-02-2011 03:57 PM

المشاركة الأصلية كتبت بواسطة a.saad

بص انا قلبى مش مطمن
جاب الرقم منين
ليه الفترة اللى فاتت مكلموكش
مش هما بيقولوا الرقم معاهم من اول ماخدوا العربية على اساس ان ده رقم البائع
طيب مش كانوا يكلموك علشان تخلص الورق وتبقى مليتها ليهم ولا هما استحلوا انهم يدفعوا 5000 والعربية معاهم

لو تعرف تاخد شرطة معاك يبقى حلو
وما ترحش بعربيتك اجر بيجو ولا تويوتا باليوم وخلاص

هو دا الي مجنني حتي لو كدا هدنها 3 سنين معا الحراميه معاهم رقمي طيب كانوا اتصلو ثبتوني علي مبلغ ولا اي حاجه وياخوفي من الناس دي والله امبارح لففوني من بلبيس للاردنيه في العاشر من 11 الصبح ل6 المغرب وفي الاخر قفل الموبيل وشكرا

**hpxp** · 17-02-2011 11:42 AM

ها يجماعه ايه الاخبار ؟

**A.Saad** · 17-02-2011 02:12 PM

هو رقمك اللى بيتصلوا عليه
كان معاك ساعة العربية اما اسرقت
على ما اعتقد مباحث الاتصالات هتلاقيها فى السنترال الرئيسى عندك فى الزقازيق
اللى عند المحافظة

**A.Saad** · 17-02-2011 02:16 PM

المشاركة الأصلية كتبت بواسطة hpxp

ها يجماعه ايه الاخبار ؟

مش انت اللى تقولنا
بقولك ايه
متكشف على الملف فى المرور تشوف فيه نقل ملكية ولا حاجة

**hpxp** · 17-02-2011 04:11 PM

المشاركة الأصلية كتبت بواسطة egyptiantune

رقم المويايل ممكن يجيبوه بأى حجة من ملف ترخيص العربية فى المرور وأكيد إتباعت بورق مزور قبل الرخصة ما تنتهى واللى إشتراها مش عارف ينقل ملكية بعد إنتهاء الرخصة وهو دلوقتى بين نارين يمشى بالعربية لحد أما تتسحب منه والا يسلمها لصاحبها الأصلى .

ده تحليلى للموقف والله أعلى وأعلم

والله جايز ليه لا
المجنني اكيد والدي مكتبش رقمي انا يعني وعلي حوار الرقم بقا يبقوا عرفني وعارفين التاريخ ونتقلب تقليبه حلوة

**AHMEDATTARKARE** · 17-02-2011 10:38 PM

بص يا سيدي أنا ليا وجهة نظر متواضعة
خصوصا أني أعرف إنك في الثانوية وكمان أعرف إن معاك أوبترا وكنت بتنظف فلتر الهوا في الجراش في الزقازيق عندك
وسبب سرقة الكورلا كان لأن الإنذار فاصل
والسبب أنه إتهبل بعد ما شلت أنت البطارية

كل المعلومات دي أنا أعرفها عنك من الردود والتقارير والمواضيع في المنتدي هنا

لا مش بس كده
أنا لو دخلت علي ملفك الشخصي هلاقي رقم موبايلك

إللي كلمك حاجة من إتنين مالهمش تالت

1. واحد . . . صاحبك وبيشتغلك (( سواء من المنتدي هنا أو من زمايل الدراسة )) وده إحتمال كبير جدا جدا
2.عصابة عارفة إن أنت مسروق منك عربية وعندها بعض البيانات العبيطه كما زكرتها أنت في كل تعليقاتك وردودك علي أصحابك
ومعارفك وقرايب قرايبك وكمان الجيران وبتحاول تستغلك إنها ترجعلك العربية إللي هما أصلا عمرهم ما شافوها من أجل 5000 جنيه مثلا

والطعم أنه يقول لك تعالي خد عربيتك وهات ال 5000 ج

ده كلام هبل

(( أخي الصغير إللي بيسرق عربية زي الكورلا أو لانسر بوما أو لانوس بيقطعها في ساعة زمن وبتتباع ب 25000 جنيه
وأنا أعرف سمكريه بيشتروها وبيشتروا عربيات حوادث ب 10 إلي 15 ألف
وينقل رقم الشاسيه ده علي ده
وكده تقف العربية بمصنعيتها علي 55 ألف ويبيعها في معرض مش في سوق الجمعه مثلا ب 75 ألف80 الف

الموضوع ده إتعرض عليا فعلا في عربية والدي الانسر ((بعد الحادثة)) ووالدي رفض الحوار ده وباعها ب 28000جنية
لسمكري معروف جدا في فاقوس
وعرفنا بعد كده إنه باعها لتاجر في أبو كبير ب 75000

في النهاية

إستعوض ربنا ومتخليش حد يلعب في دماغك إللي سرق عمره ما هيتصل بإللي إتسرق منه علشان يرجعله عربيته

ده عاوز يعمل عليك مصلحه في 5000ج
علي امل إن العربية ترجعلك

فكر جيدا هذا فخ إياك أن تقع فيه

-

-

الموضوع: عربيتي الكورولا 2005 الي مسروقه من 3 سنين

LinkBack

أدوات الموضوع

عرض

-

-

-

-

-

-

المواضيع المتشابهه

سؤال لاهل الخبرة هل عفشة الكورولا 2004 هى نفس عفشة الكورولا 2005 ولا فى اختلاف ؟؟؟

يا جماااااااااااعة لو سمحتم بخصوص الكورولا ال 2005

فوجات الكورولا 2005

محتاج مساعده في تسعير عربيتي الكورولا ( للبيع )

عندي كام سؤال على كام مشكله في الكورولا بتاعتي 2005

الكلمات الدلالية لهذا الموضوع

المفضلات

المفضلات

ضوابط المشاركة