عرض للطباعة
يا جماعه سبق ونزلت موضوع هنا عن عربيتي الكورولا 2005 الي مسروقه من 3 سنين
فقدت الامل وخلافه
القي واحد بيتصل بيا اول امبارح وملاني رقم الشاسيه:8954[1]: طبعا هجنن والادهي لسه بنمرها
كل ما في الموضوع ان واحد جه باع الربيه دي لواحد واخد 5 الف جنيه عربون وعقبال ما يجبله باقي الورق
واداهم رقمي علي انه رقمه جابه ازاي هجنن:8954[1]: و الاختلاف الوحيد رقم الموتور
مبدايا عايز كل واحد يخلي باله كويس لانها في القاهرة
كورولا
فضي
1600
ملاكي شرقيه 2680
الله اعلم الاسبيلر موجود ولا لا بس ما تنسوش اخوكم
اوتو
طيب ماتكلم الراجل دا يا ابو حميد وحاول تقابله وتشوف ايه الحكايه وخد بالك ممكن يكون عرفك وخصوصا العربيه مسروقه من تحت بيت قرايبك وعارف رقم موبيلك حاول تبلغ بيمعاد المقابله الشرطه عشان حد يجي معاك زي موضوع العربيه السيراتو اللى الرجاله لقيوها هنا في المنتدى
السلام عليكم و رحمة الله و بركاته
أنا متهيألى أن الراجل ده هيبقى عارف مين اللى باعله العربية و كمان ممكن يوصله, أنا من رأيى أنك لو قابلت الراجل ده و لقيته محترم, أنك ممكن تقنعه أنه يساعدك عشان تقدر تقبض على اللى سرق العربية و بالتالى هتمنع أن سرقات عربيات تانية تحصل و بالتالى هيكون ليك أجر و ثواب كبير أوى على كل عربية كانت ممكن تتسرق من الراجل اللص ده و ما اتسرقتش و بالذات اليومين دول, أنت أكيد عارف أن الأمن منتشر بشكل مستقر أوى فى مصر .
كلمت الراجل فعلا كان محترم جدا واداني معاد في بلبيس وشكرا علي كده الموبيلات اتقفلت واختفياقتباس:
المشاركة الأصلية كتبت بواسطة mhmdalsaadany
انا من حرقتي لو شفت حرامي يا هقتله يا هشنقه في ميدان عام يا هدبحه يا همثل بجثته يا هسلخه وهو عايش المهم هعمل في حاجه ممكن اخد فيها اعدام وانا كلمت الراجل بالفعل كما الموضح اعلاهاقتباس:
المشاركة الأصلية كتبت بواسطة maserati
انت تروح تعمل محضر .. و تعمل تتبع لرقم الموبايل ده.
تماااااااام منا بدور علي وسطه علشان مطلتعش في القسم وربناااااااااااا يسهل
لو كلمت خدمه العملاء يدخلوني ولا كارت احمر من برة برة
باذن الله يكلمك تانىبس كده الى سرقها حد يعرفك علشان ازاى هيعرف رقم موبيلك
ولو حتي يعرفني يكلمني بعد 3 سنين شكله ناوي علي التانيه والله شويه وهقطع شعرياقتباس:
المشاركة الأصلية كتبت بواسطة eldell
ربنا يسهلك االحال و تلاقيها
اهم حاجه اوعي تروح حته عشان فعلا ممكن يكونوا ناويين عالتانيه
بص انا قلبى مش مطمن
جاب الرقم منين
ليه الفترة اللى فاتت مكلموكش
مش هما بيقولوا الرقم معاهم من اول ماخدوا العربية على اساس ان ده رقم البائع
طيب مش كانوا يكلموك علشان تخلص الورق وتبقى مليتها ليهم ولا هما استحلوا انهم يدفعوا 5000 والعربية معاهم
لو تعرف تاخد شرطة معاك يبقى حلو
وما ترحش بعربيتك اجر بيجو ولا تويوتا باليوم وخلاص
متروحش بغربيتك
يا اخي الله أعلم انا شوفت العربية دي فعلا لانها كانت واقفة امامي في أشارة مرور روكسي تقريبا او في المنطقة دي عموما
هي ملاكي الشرقية مكتوبة بخط اليد بلون أسود علي شكل نصف دائرة تقريبا.
ربنا يوفقك وتلاقيها ان شاء الله
ماتروحش لواحدك بالذات في منطقه ماتعرفهاش
حاول تجيب معاك ناس كتير بتعرف تضرب و بلغ البوليس
و ان شاء الله خير
لا أنا على ما أتذكر كانت رقم كمبيوتر بخط كبير .. وصاحب العربية يصلح لى لو أنا غلطان.اقتباس:
المشاركة الأصلية كتبت بواسطة mahmoudselim
فى كمان هيئه اسمها مباحث الاتصالات ممكن يجبولك مكان الرقم المتصل , بس شوف اسرع وسيله و تنساش تأمن نفسك كويس و انت رايح أن شاء الله ربنا يوفقك و ترجعلك .
اقتباس:
المشاركة الأصلية كتبت بواسطة mahmoudselim
كانت برزة ومش مهم جايز يكون ظبط الدنيا وحصل حوار غريب جدا بليل هبقي اكتبه لان معنها ان الي معاه العربيه حرامياقتباس:
المشاركة الأصلية كتبت بواسطة kareemz
اعتقد فى ظل التطورات اللى حصلت فى الظروف الراهنة ماعتقدش ان هيبقى فية تقصير من جانب الشرطة فى عملهم او لازم يبقى معاك واسطة عشان يتحركوا والا عارفين ان مصيرهم شكوى مباشرة ممكن تؤدى الى محاكمتهم عسكريا نتيجة لتقصير فى العمل ودية عربية مش موبايل ولا لاب توب
دلوقتى انصحك بانك تبلغ شرطة الاتصالات وتشوف الرقم اللى كلمك دة بتاع مين واحكيلهم الموضوع وان شاء الله مش هتحتاج واسطة لان المفروض ان البلد اتعدلت على الاقل نسبيا
بعد كدة تعرف مين دة وتجيب عنوانة وتروح لحد بيتة الاول تشوف عربيتك ممكن تكون واقفة هناك , وتروح يوم او يومين ويكون فى اوقات مختلفة ومتنساش ان ربنا مابيضيعش تعب حد ولازم تتعب وتور عشام ربنا يرجعهالك تانى ان شاء الله حتى ولو بعد 20 سنة
بعد كدة تروح انت وامين او ظابط تجيبوا الراجل دة وتخلية يعترف بكل اللى يعرفة من معلومات عن السيارة اكيد هيفيدك كتير وان شاء الله تلاقيها
معلش بس هوة رقم شرطه الاتصالات كام ولا لازم ارحلهم لاني نسبيا بقطع في شعري دلوقتي
الراجل قال اديني النهارده بس اشوف اعمل ايه لان الثقه مش هتيجي في يوم ولما بكلمه صوت الهواء كانه في جبل بصراحه قربت اروح السريا الصفراء
هو دا الي مجنني حتي لو كدا هدنها 3 سنين معا الحراميه معاهم رقمي طيب كانوا اتصلو ثبتوني علي مبلغ ولا اي حاجه وياخوفي من الناس دي والله امبارح لففوني من بلبيس للاردنيه في العاشر من 11 الصبح ل6 المغرب وفي الاخر قفل الموبيل وشكرااقتباس:
المشاركة الأصلية كتبت بواسطة a.saad
ها يجماعه ايه الاخبار ؟
هو رقمك اللى بيتصلوا عليه
كان معاك ساعة العربية اما اسرقت
على ما اعتقد مباحث الاتصالات هتلاقيها فى السنترال الرئيسى عندك فى الزقازيق
اللى عند المحافظة
اقتباس:
المشاركة الأصلية كتبت بواسطة hpxp
مش انت اللى تقولنا
بقولك ايه
متكشف على الملف فى المرور تشوف فيه نقل ملكية ولا حاجة
رقم المويايل ممكن يجيبوه بأى حجة من ملف ترخيص العربية فى المرور وأكيد إتباعت بورق مزور قبل الرخصة ما تنتهى واللى إشتراها مش عارف ينقل ملكية بعد إنتهاء الرخصة وهو دلوقتى بين نارين يمشى بالعربية لحد أما تتسحب منه والا يسلمها لصاحبها الأصلى .
ده تحليلى للموقف والله أعلى وأعلم
طيب تمام يعني هروح السنترال تمام اوي والرقم الي معايا موجودمن قبل الكورولا كمان
الاخبار بقي ان الراجل شكله حرامي لان التلفون الي مكلمني اسمه ماجد وقالي في رفح اتاري التلفون طلع مع صاحب العربيه
ولما رد قال لولدي يا دكتور انا مجتش لاني مش هثق فيك في يوم وليله والمفروض اكلمه النهارده ربنا يسهل
شكرا استاذ سيد
والله جايز ليه لااقتباس:
المشاركة الأصلية كتبت بواسطة egyptiantune
المجنني اكيد والدي مكتبش رقمي انا يعني وعلي حوار الرقم بقا يبقوا عرفني وعارفين التاريخ ونتقلب تقليبه حلوة
بص يا سيدي أنا ليا وجهة نظر متواضعة
خصوصا أني أعرف إنك في الثانوية وكمان أعرف إن معاك أوبترا وكنت بتنظف فلتر الهوا في الجراش في الزقازيق عندك
وسبب سرقة الكورلا كان لأن الإنذار فاصل
والسبب أنه إتهبل بعد ما شلت أنت البطارية
كل المعلومات دي أنا أعرفها عنك من الردود والتقارير والمواضيع في المنتدي هنا
لا مش بس كده
أنا لو دخلت علي ملفك الشخصي هلاقي رقم موبايلك
إللي كلمك حاجة من إتنين مالهمش تالت
1. واحد . . . صاحبك وبيشتغلك (( سواء من المنتدي هنا أو من زمايل الدراسة )) وده إحتمال كبير جدا جدا
2.عصابة عارفة إن أنت مسروق منك عربية وعندها بعض البيانات العبيطه كما زكرتها أنت في كل تعليقاتك وردودك علي أصحابك
ومعارفك وقرايب قرايبك وكمان الجيران وبتحاول تستغلك إنها ترجعلك العربية إللي هما أصلا عمرهم ما شافوها من أجل 5000 جنيه مثلا
والطعم أنه يقول لك تعالي خد عربيتك وهات ال 5000 ج
ده كلام هبل
(( أخي الصغير إللي بيسرق عربية زي الكورلا أو لانسر بوما أو لانوس بيقطعها في ساعة زمن وبتتباع ب 25000 جنيه
وأنا أعرف سمكريه بيشتروها وبيشتروا عربيات حوادث ب 10 إلي 15 ألف
وينقل رقم الشاسيه ده علي ده
وكده تقف العربية بمصنعيتها علي 55 ألف ويبيعها في معرض مش في سوق الجمعه مثلا ب 75 ألف80 الف
الموضوع ده إتعرض عليا فعلا في عربية والدي الانسر ((بعد الحادثة)) ووالدي رفض الحوار ده وباعها ب 28000جنية
لسمكري معروف جدا في فاقوس
وعرفنا بعد كده إنه باعها لتاجر في أبو كبير ب 75000
في النهاية
إستعوض ربنا ومتخليش حد يلعب في دماغك إللي سرق عمره ما هيتصل بإللي إتسرق منه علشان يرجعله عربيته
ده عاوز يعمل عليك مصلحه في 5000ج
علي امل إن العربية ترجعلك
فكر جيدا هذا فخ إياك أن تقع فيه
..........................
بس يا استاذ احمد الراجل اللى اتصل بيه اداله مواصفات من جوا العربيه وكمان اداله رقم الشاسيه واظن دا مش سهل ان حد يعرفه وعمر الهزار ما يوصل بحد انه يعمل مقلب للدرجه دي ويدوخ الولد واهله بالطريقه دي مش كدا برضه
والله يا استاذ محمد انا كنت بمليه 5.... 6ام جه هوة قال اخر رقمين وبصراحه هنهبل والله من بلبيس للعاشر واخره ما زهقت سلمت لودلي كلابش الدريكسيون و قلتله يوصل العاشر وسلام عليكم وريا مذكرةاقتباس:
المشاركة الأصلية كتبت بواسطة mhmdalsaadany
والله للاسف لسه الشرطة زى الزفت زى ما هى لسه النهارده واحد قريبى عربيته كسرو الازاز وسرقو حاجات منها وبلغ البوليس اكتر من مرة واستنى اكتر من ساعتين ماحدش جه واضطر يمشى ويستعوض ربنااقتباس:
المشاركة الأصلية كتبت بواسطة semsem kane
ربنا يعوض علي قريبك وادي الشرطهاقتباس:
المشاركة الأصلية كتبت بواسطة m.nasr
بص اول حاجة لازم تحذر لان ممكن يكون واحد شاف الموضوع اللى انت كنت عمله قبل كدة و حب يلعب عليك يا فى 5 الف يا العربية التانية تانى حاجة متروحش لوحدك نهائى خد معاك ناس كتير
تالت حاجة حاول تعرف منة تفاصل جوة العربية ميكنش حد عارفها قبل كدة
+111111111111111111111111111اقتباس:
المشاركة الأصلية كتبت بواسطة zizo50001
معلش سؤال تانى هىالعربية الرخصة اللى فيها باسمك ولا باسم مين تانى حاجة انت المالك الكام تالت حاجة هل شكيت فى حد فيهم
باسم والدي وانا المالك الثاني وكنت ججايبها بحر احمراقتباس:
المشاركة الأصلية كتبت بواسطة zizo50001
روحت القسم وبلغت واديتهم الرقم هل هيبقي في اجرائات غير كده
وجبت اسماء الخطوط عن طريق معرفه
اعمل ايه تاني
وللمفاجئه طلع الي بيكلمني شخص واحد ويغير صوته عن طريق الموبيل الصيني الي بيغير الصوت ان خايف يكون الاخ دا بيشتغلني
لففني السبع سموات منه لله وكل مرة مش بيجي انا غير متفائل