د م ممدوح حمزه

**age** · 15-02-2011 11:08 PM

يا جماعه احنا ليه نسينا الدكتور المهندس ممدوح حمزه ده جامد جدا لازم يكون ليه دور في الفتره الجايه في بلدنا عنده مشاريع جباره لصالح البلد بس للاسف كان بيتحارب قبل كده زي غير من علماء مصر انجلترا كانت بتكرمه واحنا كنا بنشهر بيه ونحاربه
الراجل ده انا برشحه يمسك الحكومه الجايه او على الاقل وزير

**hossam_elwani** · 15-02-2011 11:11 PM

بيتكلم دلوقتى حالا مع عمرو اديب عن مشروع المستقبل بالنسبه لمصر على القاهره اليوم

**age** · 15-02-2011 11:16 PM

انا كنت ناسي الراجل ده في ترشيحات مين يمسك حكومه مصر بس هو دلوقتي على القاهره اليوم مع عمرو اديب
وعامل دراسه جدوى لمشروع يشغل نص عدد البطاله في مصر في ظرف 3 سنين يارب يوفقه

**د/أحمد ابراهيم** · 15-02-2011 11:24 PM

همتكم يارجاله

عايزين نعرف كل الناس المحترمة اللى في البلد

احنا محتاجين لكل عقليه محترمة في الفترة الجاية

**MASERATI** · 15-02-2011 11:27 PM

السلام عليكم و رحمة الله و بركاته

فعلا , الراجل ده متميز جدا فى مجاله و هو قاعد مع عمرو أديب و شردى دلوقتى عالقاهرة اليوم .

**dr-mohamed** · 16-02-2011 12:01 AM

م ممدوح حمزة من افضل الكفاءات في المجال الهندسي والافضل ان يشغل منصب وزير للاسكان

**م/مصطفى محمود** · 16-02-2011 12:46 AM

كان مُتبرع ببطاطين يوم الثلاثاء أول أيام الثورة ، بجد راجل محترم ، جزاه الله كل خير

**M.Elwan** · 16-02-2011 12:47 AM

اتكلم عن مشروع رائع عن زراعة 400 الف فدان فى الصحراء الغربية
و بدراسة كاملة متضمنة كل الاساسيات من التمويل للمواصلات لكيفية زراعة المحاصيل والكهربا وطريقة استخراج المياة الجوفية

وطريقة البداية عن طريق البدء بعمل جمعية تعاونية من الشباب يتملكو مع بعض 2500 فدان ويبدئو الزراعة الفعلية بعد شهرين وجنى المحصول اى كان بعد 90 ل120 يوم فقط
بدون تحمل اى مبالغ على الشباب
واتكلم شخص فى البرنامج تقريبا رجل اعمال عرض تمويل اول قرية حيتم انشاءها

ورفض فكرة دخول شركات اجنبية عملاقة للشراكة فى هذا المشروع

ومعاه بحث كامل بيأكد بيه ان المياة الجوفية فى المناطق دى تكفى زراعة ال400 الف فدان لمدة 700 سنة ( سبعمائة سنة)

بس قال فى الاخر ان لازم قبل الداية يكون عندنا دولة ديموقراطية ودستور جديد وحكومة وطنية تضمن نجاح المشروع

**mertahgedan** · 16-02-2011 01:52 AM

الصحراء الغربية هي أكبر صحراء في مصر تمثل نسبة ثلثي حجم مصر يوجد بها بحر الرمال الأعظم وأن شاء الله سوف يكون بها أعظم مشاريع في مصر أولا مشروع العالم الفذ فاروق الباز وأنشاء الوادي الموازي لوادي النيل ثانيا إنشاء مشروع المليار وهو الخاص بالدكتور ممدوح مصطفي ثالثا استكمال مشروع توشكي واعادة احيائه من جديد في جنوب الوادي أنا أري ان هذه المشاريع الثلاثة العملاقة ماهي الا مشاريع متداخلة ولا يوجد مأ يمنع اقامتها معا