انا عايز اشترى بيجو 205 ياريت حد يجاوبنى ع الاسئله دى

احم احم
انا ياجماعه معايا 15000 وكان ف دماغى اجيب 128 بس واحد صاحبى قاللى عال بيجو 205 وحفزنى اوى انى اجيبها بس ف كام سؤال كده بعد ازنكوا

ياترى 15000 يجيبولى اصلا عربيه بيجو 205 ولا لا ؟
ولو هتجيبلى فعلا هيبقى موديلات سنة كاام مثلا ؟؟
ياترى العربيه دى هتنفعنى ك واحد اول مره اشترى عربيه ؟
مع العلم انى شاب وبمجرد ما العربيه هتبقى معايا بازن الله هعرف اصرف عليها كويس واشقلببها وفى كذا حاجه ف دماغى عايز اعملها ف العربيه اللى هتبقى معايا بازن الله

تانى حاجه ياريت لو فعلا هعرف اجيبها بالمبلغ اللى معايا
حد بس يعرف يساعدنى او يكون قدامه حاجه كده يجيبهالى عشان انا مش لاقيها كتير اصلا !!
ولا هضطر انزل السوق وكده ؟؟

بس كده وشكرا ليكواا جدااااا

بالنسبه للعربيه هى عربيه محترمه جدا جدا ومفيش مقارنه بينها وبين 128 الا فى ان قطع غبار الـ 128 ارخص طبعا بس الـ 205 مش غاليه للدرجه وموجوده فى السوق لو ربنا وفقك واشترتها انا ممكن اقولك بتلاقيها فين بالظبط ومعمره يعنى لما تغير حاجه بتنساها لفتره طويله اما الـ 128 فانتا على طول بتغير وهى دى المشكله لما تحسبها صح تلاقى الـ 205 تكسب طبعا لانه بتغير الحاجه وتنساها مش كل شويه عن الميكانيكى يقلبك لكن انا باحس انى سايق عربيه حديثه فى كل اللى انا عايزه مش قليلة الاصل وكل شوية زقه ياعم وشد ياحاج والحمد لله وماشاء الله والله اكبر
بس نصيحتى يكون معاك حد بيفهم كويس فى العربيات ويكون اساسيتهاسليمه ودى اهم حاجه وعلى فكره هى بتكون فى حدود من 20 الى 24 العربيه الكويسه منها والسليمه طبعا لكن تستاهل وعلى فكره بيبقى من الصعب تلاقى حد معاه عربيه كده ويبقى عايز يفرط فيها حتى لو ربنا رزقه بحاجه جديده وهى ممكن تلاقيها فى السوق اللى فى مدينة نصر بس خلى بالك لازم حد يكون بيفهم كويس جدا معاك وتجيب الماتور الاسود لانه ممتاز فعلا وربنا يوفقك للى فيه الخير ان شاء الله واى معلومه عايزها قولى وانا تحت امرك

طلبك موجد 205 موديل 89 الموتر الاسود لن تحتاج اى مصروف للجدية الاتصال على 0188809115

شكرا يا هانى لمسعداتك يا كبير
بس انت بتقول انها ف رينج من 20 ل 24
وانا بقولك معايا 15

مجاوبتنيش ياترى هلاقى ب 15 دى حاجه منها كويسه حتى لو موديل 83 و كده قديم شوية يعنى
ولا ايه
وكويس انك قلتلى على حوار قطع الغيار عشان ناس كتير قلقتنى منه واشكرك انك فهمتهولى
بس يارب الاقى حاجه كويسه ب 15 ادعيلى
وقولى هلاقى اصلا ب 15 ولا لا ؟؟

اولا اسف على تاخيرى فى الرد بالنسبه لموضوع الـ 15 ما اضحكش عليك هو صعب شويه الا اذا لقيت عربيه اساسيتها سليمه ومحتاجه شوية حاجات مش اساسيات يعنى ممكن تمشى بقيها وتعملها واحد واحده لكن حسب معلوماتى انه بيكون صعب شويه وعلى فكره العربيات دى مش مشكلتها هى موديل كام المهم تكون سليمه يعنى ممكن تكون موديل تسعينات وتكون تعبانه متستهيلش فلوس تدفع فيها او حتتعبك ولكن مش ختخسر حاجه روح السوق بتاع مدينة نصر من باب العلم بالشئ وشوف واهم حاجه يكون معاك حد كويس بيفهم لانه الواحد بيشوف مهازل فى السوق ده مره كنت هناك وشوفت واحد رايح يشوف عربيه لو احد تانى بيقول عربيه سكودا يابانى يابانى تخيل بتشوف بلاوى فلازم يكون حد تثق فيه وربنا يوفقك وتلاقى اللى انت عايزه بس نصيحه منى ممكن لو تقدر تستلف او تتصرف فى مبلغ زياده شويه وتجيب حاجه تريحك احسن متجيب حاجه متعبه علشان اقل 3 او 4 الاف وتصرف عليها المبلغ ده بعد كده ده غير التعب والدوخه من الميكانيكية والصنايعيه ووقفت الحال والعطله وحرقت الدم كل ده بفلوس
وربنا يوفقك ان شاء الله

15 يجيبو 205 موديل تسعين (بس هاتحتاج مصاريف وتكون اساساسيتها حلوة)
او موديل تمانينات بحالة جيده
بس مش هاتلاقي 205 متعدله او متزبطه ب 15
حط في بالك هاتصرف عليها (ودا على حسب مصاريف اساسيه موتور وعفشهة او دهان وكاوتش ) في حاجات ممكن تتنازل عنها بس خلي بالك في قطع غيار ليها سعرها عجيب لو انت غاوي اشتري مش غاوي وعملي اسل عليها الاول واعرفها
هاديك امثله بس اسال عليهم
الفبرة اللي باب الشنطه
اكصدام (قدام وورا) جي تي اي بالفوجات بالكساحات بالنواكل الحمرا
باب امامي او خلفي كامل بالفرش او من غير
كبوت 1.6 او جي تي اي
عمة الكربراتير
الكربراتير
الدنجل
الفوانيس (قدام وورا)
الفتيس لو العربيه اللي بتعاينها فيها خشونه في الفتيس لازم تنزل حقه منها او يتصلح
عفشة امامي وخلفي
علبة دركسيون
طابلوة تسعينات (شكله اشيك وبيركب على كل الموديلات) يعيب ال 205 الاجزاء الفيبر اللي فيها ضعيفه او زي ماتقول حساسة وطبعا الشمس والتراب بياكل الكلام دا بتكسر بسرعه سواء صالون او برا
عدادات الجي تي اي (مع الار بي ام )
وطبعا الضفيره عشان تشغله
عدادات عاديه (من غير ار بي ام منشره جدا ) مع العلم اني فيه عدادات ار بي ام عاديه لغير موديلات الجي تي اي بس نادرة جدا وتكاد تكون لاتوجد ولا تذكر ويستبدل مكانها بالساعه الانالوج جنب عداد السرعة
ماتنساش تسال على الكبالن
والمواتير
وطقم دبرياج كامل
ونظام مساتر فرامل و سيرفو
طبعا لما تعرف اسعار الحاجات دي وتكشف عليها (هاتفرق معاك جامد في الفصال )
بس كلمة حق العربية دي معمرة جدا وحمالة قسية حتى لو اتهانت كعاده الاسد والبيجو
بجد الاسد مش محطوط عيره دا في مغزى والمجرب يقدر يقلك

هاقلت ايه ؟ 205 ولا ايه ؟
لو احتاجتني كلمني
0145749045