الموضوع: ماذا لو تولى الاخوان المسلمون حكم مصر ؟

نرجع تاني للتخويف و الفزاعات

سمعت والله اعلم ان مؤيدينهم قد يكونوا " ربع الشعب المصري " بدليل ان كان ليهم اعضاء كتير في مجلس الشعب قبل تزوير الانتخابات ... يعني تخيلو لو فيه - مثلا - 6 مرشحين للرئاسه ومنهم واحد اخوان ... يبقى كده ضمن الفوز في الانتخابات

محدش يعرف حجم تمثيلهم الحقيقي و الناس إنتخبتهم نكاية في الحزب الوطني

و لأنهم في الأرياف و المحافظات أكتر فصيل سياسي مهتم بالخدمات بين الأهالي هناك فليهم قاعده شعبية

وياخوفي بقى لو ده حصل يكون وجودهم في السلطه ذريعه لاسرائيل والغرب انهم يعملو اللي نفسهم فيه من زمان وهو احتلال مصر ... دي حقيقه ماينفعش ننكرها ... ان احتلال مصر هدف لاسرائيل ... والغرب كله اكتر حاجه مخوفاهم من اللي بيحصل في مصر النهارده هو تولي الاسلاميين الحكم في مصر وده هيخلينا ندخل في صراعات معاهم ونبقى معزولين وعلاقاتنا الخارجيه تسوء .

لما تكون مش عايز ربع الشعب المصري (بإفتراض إنهم فعلا ربع الشعب المصري ) يتولى سلطه يبقى إيه لازمتها الحريات المدنية و السياسية

و بالنسبه للصراعات الداخلية و الخارجية شوف النموذج التركي

ومش مستبعد ان يكون كل ده مخطط صهيوني برعاية امريكا للوصول لهدفهم وان كل اللي بيحصل كان متخطط له

اصل الصراحه ومن غير ماحد يزعل اعتقد ان اللي حصل في مصر وتونس وبيحصل في دول تانيه في المنطقه زي اليمن والجزائر والبحرين " اللي بيحرك التظاهرات في البحرين شيعه " مش محض صدفه ولكن كان متخطط له منذ سنوات

أبوس إيديك كفااااااااااااااااااااااا اااية بقى نظريات مؤامره أنا إتخنقت

مؤامره فين يعني إذا كان أمريكا نفسها كانت محتاره تتعامل مع الأزمة إزاي هيلاري قالت النظام مستقر و مافيش قلق و بعدين أوباما قال لازم تغيير و بعدين تغيير الآن ز كبعوث أوباما راح و قال مبارك لازم يبقى و آخر حاجه أوباما قال هنشوف قرار تاريخي و الريس رجع في قرار التنحي و بعديها بيوم إتنحى

إنتوا محسسني إن ثورة يناير كانت في درج واحد في البنتاجون و كل اليوم الصبح يقول يا فتاح يا عليم هنحرق إيه النهارده في مصر و عندنا كام مظاهرة مليونية يالا يا عم جورج حركلي 50 ألف لميدان التحرير !!

مصر و تونس كانت إنتفاضه ثورية بدون تعبئه فئوية أو دينية أو مذهبية أو سياسية
كانت فقط عفوية بمشاركة كافة طوائف الشعب عشان كده مافيش خطر

أما البحرين فهي بلد بتعاني من زمان من مصادمات بين السنة و الشيعه و ثورة مصر و تونس عباره عن تحريك للمياه الراكده فقط
فخرروج المظاهرات لفئه من الشعب ضد فئه أخرى خطر كبير

_____________________

الشعوب الخائفه هي من تتحرى نظرية المؤامره في كل شئ و تخاف حتى ظل أعداءها

لا ماتخافش مش هيمسكو لا رئاسو ولا وزراء

هيخشو مجلس الشعب

توقعاتي كده

طول عمرى بادى صوتى لمرشح الاخوان فى دايرتى لان البديل كان ايه ؟؟ الحزب الوثنى الللاديموقراطى
لكن لو لقيت بديل افضل من الاخوان اكيد هاديله صوتى

وبالمناسبة الناس مخوفة نفسها من الاخوان ومصدقة كل اللى بيتقال عليهم من منطلق سمعت و قريت وحد قالى لكن هلى انت تعرف مين هما الاخوان وايه تاريخهم ؟؟؟ اعتقد الاجابة لا الاخوان مش اهل سلطة على ما اعتقد ودى وجهة نظرى الشخصية واللى بنيتها بناء على معطيات كتير وقراءات كتير الناس عايزة الاصلح للدين والدنيا عايزين التغير لكن مش عايزين يكونوا هما التغير
واتحملوا كتير قوى هما والسلفين وكل الاسلاميين

وعلى فكرة انا لا انتمى للجماعة سواء وهى محظورة ولا لما هاتكون مسموحة مش كرها فيها لكن لانى زى معظم الشعب المصرى ماشى جنب الحيط وعايز اربى الاولاد لكن فى داخلى باحترم كل ثائر على الظلم (سواءا اخوانى ... او ليبرالى زى ايمن نور ... او ناصرى زى حمدين صباحى ) وأأويده ولو بقلبى وهذا اضعف الايمان

بصراحة انا مش فاهم لية احنا خايفيين من الاخوان هما مش مصريين برضة وللا اية؟
المهم هو البرنامج الانتخابى واللى المفروض احنا حندى صوتنا للى يستحقة سواء اخوان او اى حد تانى...ولو معملوش اللى احنا عاوزينة يبقى على التحرير على طوول ما هية مش ناقصة حد يجيلنا رايس ويفتى كفاية حرام المفروض نكون من أوائل الدول بما نملكة من امكانيات طبيعية ويشرية بس الواحد يقول حسبى الله ونعم الوكيل.

المشاركة الأصلية كتبت بواسطة factorialx

نرجع تاني للتخويف و الفزاعات


محدش يعرف حجم تمثيلهم الحقيقي و الناس إنتخبتهم نكاية في الحزب الوطني

و لأنهم في الأرياف و المحافظات أكتر فصيل سياسي مهتم بالخدمات بين الأهالي هناك فليهم قاعده شعبية

لما تكون مش عايز ربع الشعب المصري (بإفتراض إنهم فعلا ربع الشعب المصري ) يتولى سلطه يبقى إيه لازمتها الحريات المدنية و السياسية

و بالنسبه للصراعات الداخلية و الخارجية شوف النموذج التركي


أبوس إيديك كفااااااااااااااااااااااا اااية بقى نظريات مؤامره أنا إتخنقت

مؤامره فين يعني إذا كان أمريكا نفسها كانت محتاره تتعامل مع الأزمة إزاي هيلاري قالت النظام مستقر و مافيش قلق و بعدين أوباما قال لازم تغيير و بعدين تغيير الآن ز كبعوث أوباما راح و قال مبارك لازم يبقى و آخر حاجه أوباما قال هنشوف قرار تاريخي و الريس رجع في قرار التنحي و بعديها بيوم إتنحى

إنتوا محسسني إن ثورة يناير كانت في درج واحد في البنتاجون و كل اليوم الصبح يقول يا فتاح يا عليم هنحرق إيه النهارده في مصر و عندنا كام مظاهرة مليونية يالا يا عم جورج حركلي 50 ألف لميدان التحرير !!

مصر و تونس كانت إنتفاضه ثورية بدون تعبئه فئوية أو دينية أو مذهبية أو سياسية
كانت فقط عفوية بمشاركة كافة طوائف الشعب عشان كده مافيش خطر

أما البحرين فهي بلد بتعاني من زمان من مصادمات بين السنة و الشيعه و ثورة مصر و تونس عباره عن تحريك للمياه الراكده فقط
فخرروج المظاهرات لفئه من الشعب ضد فئه أخرى خطر كبير

_____________________

الشعوب الخائفه هي من تتحرى نظرية المؤامره في كل شئ و تخاف حتى ظل أعداءها

انا من دمياط كنت بنتخب الاخوان عشان مستحيل انتخب الحزب الوطنى والمستقل بيدخل الحزب لو بقى فى المجلس

انا مقدر والله شعور كل الناس لاننا للاسف مش متعودين, و نسينا الصح
و الدستور من كتر ما الغلط كان متفشي, و عدم احترام الدستور كان عادي

اخيراً في حاجه اسمها ( انتخابات نزيهه و محترمه ) و من حق كل مواطن
في الانتخابات دي انه يختار الشخص اللي هو شايفه مناسب من المرشحين
و عليه يتم فرز الاصوات و اعلان الفائز ( بالانتخاب ) مش بالتزوير زي زمان...

يعني ببساطه مش هيحصل ان شخص يفوز بمنصب رئيس الجمهوريه
إلا إذا كان منتخب من الشعب و بالاغلبيه... يبقى ليه نخاف...؟؟؟؟؟؟

كل واحد لازم يكون ايجابي و يشارك في الانتخابات عموماً سواء
الرئاسه او مجلس الشعب, او الشورى, او التصويت على الدستور و غيره

لكن مش لازم نخاف من اي حاجه طول ما هيبقى فيه عدل و نزاهه و شفافيه...

احنا طبعا فى الاخر اللى هيحكمنا الصندوق الانتخابى والاغلبيه لكن وجهت نظرى ان بلاش نخلط الدين بالسياسه المفروض نخلى اهل الدين للدين و اهل السياسه للسياسه

وناس كتير كانت بتنخب الاخوان لانه مفيش بديل ادامه غيره او بمعنى اصح هو اللى كان بيمثل المعارضه الحقيقه فى مصر فعلشان كده كان هو ليه الاغالبيه

لكن حاليا بعد التغير السياسى وان شاء الله نتحول لدوله ديموقراطيه بالكامل هنلاقى شباب مستقل هنلاقى شخصيات بفكر علمى وسياسى مستقله تقدر تقود البلد الى الاحسن ان شاء الله

انا عايز مصر دوله مدنيه فيها ناس احرار باختلاف ديانتهم واشكالهم يعيش تحت دوله تنظمها الدستور و القانون اللى يطبق على الكل واللى ناس كلها راضيه بيه

أنا بكره الإخوان ...