الموضوع: بذمتكم مش كلنا مبارك...سلبيات فينا و لازم تتغير

المشاركة الأصلية كتبت بواسطة dr-mohamed

كلامك كله غلط
والنظام الفاسد السابق هو اللى جعل الناس تبني في الارض الزراعية بكثافة في وقت الثورة وتدمر ما تبقي من الرقة الزراعية في وقت نتغني فيه بعهد جديد نتمني فيه الافضل
النظام الفاسد السابق هو اللى جعل الناس تكسر كل قواعد المرور والتكاتك تمشي في الشوارع والميادين الرئيسية
النظام الفاسد السابق هو اللى جعل معظم الموظفين يستغل الثورة وضعف الحكومة الحالية ليخرج في مظاهرة ويقطع الطريق على عباد الله لمطالبات بعضها استفزازي فوق التخيل ط£ط·ط±ظپ ط§ظ„ط§ط¹طھطµط§ظ…ط§طھ: ط¹ظ…ط§ظ„ ظٹط·ط§ظ„ط¨ظˆظ† ط¨طھظˆظپظٹط± ظ…ظٹط§ظ‡ ظ…ط¹ط¯ظ†ظٹط©ظˆط¢ط®ط±ظˆظ� � ظپظ‰ ظ…طµظ†ط¹ ظ„ط§ ظٹط¹ظ…ظ„ ظٹط·ط§ظ„ط¨ظˆظ† ط¨ط£ط±ط¨ط§ط. | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط±
النظام الفاسد السابق هو اللى جعل معظم الناس الا من رحم ربي يتحول لديكتاتور صغير ويرفض كل الاراء ويري نفسه وحده الصواب وحرية الراي ان يقول رايه والديمقراطية ان يوافق الاخرين على كلامه
النظام الفاسد السابق هو اللى جعل التافهين والرويبضات هم من يتحدثون في امر العامة ويأتي الدهماء ليجعلوا من اقوال الجهلة حكم وأقوال مأثورة
النظام الفاسد السابق هو اللى جعل كل واحد متضايق من مديره لانه عامله بما يرضي الله ووقع عليه جزاء لاي سبب يعمل مظاهرة ويمتنع عن العمل قبل فصل المدير

وهل تخلو اي دوله في العالم من الامثال ديه؟؟؟؟؟متقدمه او متخلفه ؟؟؟؟
وايه ذنبنا نتاخد بذنبهم؟؟؟
انا موافقك طبعا .....بس هل النظام لو مكنش فاسد كنت هتلاقي علي الاقل 90 % من المناظر ديه؟؟؟
لما يجي نظام مش فاسد و يحاسبهم بس اجي انا ادافع عنهم يبقي استاهل اللي يحصلي ....
لكن النظام الفاسد مكنش بيجي جنبهم اصلا بل بيشجعهم ؟؟؟؟
ولا نعمل ايه طيب؟؟؟

المشاركة الأصلية كتبت بواسطة smartchoice

أنا مؤيد جدا لفكرة أنك مش ممكن تصلح من تحت لفوق بمعنى ان احنا 83 مليون مستحيل أضمن ان كلهم هيبقوا ولاد حلال و ناس محترمة لكن لو اللى فوق محترم و بيدى اللى تحته بالجزمة-معلش فى الأسلوب- اللى تحته هيمشى عدل و هيظبط اللى تحته و هكذا
و لكن أحنا لازم نبتدى بنفسنا كل واحد فينا يراعى ضميره فى نظافة بلده فى شغلة فى سلوكه مع الناس
لما يجيلنا راجل محترم يحكمنا لازم نسانده لأن اى واحد بيجى بيجيب معاه ناس و مستشاريين و غالبا بيبقوا متسلقين من امثال صفوت الشريف و الناس دى فلازم جمعة الغضب دى تكون موجودة علطول لأن لو رجعنا نخاف و نكسل و نعد فى بيوتنا و نقول حاضر أى واحد هيبقى رئيس حتى لو محترم هيفسد من الطبقة الفاسدة اللى هتتلم حواليه علشان تحقق مطامعها و مصالحها الشخصية
لازم كلنا نركز فى السياسة و نبطل عواطف و مش دمعة تودينا و دمعة تجيبنا و نبطل سلبية و لو مثلا أنت فى المرور و العسكرى بيغلس عليك علشان تديله رشوة أشتكية للأعلى منه لحد ما تاخد حقك من غير أتاوت
لازم نبتدى نشتكى و نطالب بحقوقنا ..صحيح الموضوع هيبقى صعب لأننا مش متعوديين على كده بس دى ثقافة شعب و هتاخد وقت طويل علشان تتغيير و نتمنى ان عقبال ما ولادنا يكبروا يلمسوا اى تغيير فى سلوك الناس
و لازم نبقى فايقين وجو الثورة ميخدناش و نفتكر ان كله بقى تمام لسة بدرى أوى

و الأهم من ده كله ندعى ربنا أنه يبعتلنا واحد ابن حلال يراعى ربنا فينا و يكون شخصية شديدة و يضرب بيد من حديد على الفساد و احنا نسانده
يقول احمد بن حنبل'وقد قيل له :متى الراحة؟ قال: اذا وضعت قدمك في الجنه ارتحت.

فاهمك ....
ان كل واحد يبدا بنفسه ده امر مفروغ منه ....
بس في نفس الوقت البلد مليانه مخلفات بسبب الفساد اللي كان فيها ....

ده اللي انا عايز اوصله ....من فوق لتحت ....
يحسس الناس بحياه كريمه و كله ياخد حقه ....
و بعد كده اللي يغلط ياخد بالجزمه .....

الساكت عن الحق شيطان اخرس يعني نوع من الشياطين و للاسف 99% من الشعب المصري كانوا شياطين خرس يعني كلنا مشاركين بنسب مختلفه في توحش النظام السابق و ظلمه يا بالسكوت يا بالمساعده

النظام كان مفسد لاي شخص بيتعامل معاه و كلنا تعاملنا معاه بدرجه ما سواء بدفع رشاوي سواء باستخدام محسوبيات سواء بمحاولة الخطا و الهروب من العقاب

يعني مصر مش هتتحول بين يوم و ليله لجنه الديمقراطيه لمجرد رحيل النظام السابق

رايي اننا عايشيين حاله من الصحوة السياسيه غير المسبوقه و الممتعه جداااااااااااا و لكن مقبلين علي انهيار اقتصادي قوي جداااااا لان في نسبة كبيرة متوقعه ان النظام السابق كان قافل حنفيه الفلوس علي الشعب و دلوقتي برحيله ممكن نكبش و ندي الناس و مش فاهمين ان النظام مكنش حابس حنفيه الفلوس لا هو كان محول مسارها لنفسة و لغيرة من المحاسيب يغتي اللي حصل هو خدمه لاولادنا مش لينا لان مصر محتاجه مش اقل من 5 سنين او 10 سنين علشان تحقق نمو اقتصادي الشعب يحس بيه و باستمرار الاعتصامات و التظاهرات الاقتصاديه دي الموضوع بيتاخر اكتر و اكتر

حل الموضوع دة في رأيي الاسلام حطة من اكتر من 1400 سنه اسمه بيت المال القادرين يحطوا فيه و غير القادرين يجيبوا اثباتات و اقرارات و ياخدوا فلوس او مشاريع صغيرة و يبقي مشروع للفترة اللي جايه لحد ما نقدر نقف علي رجلينا و نصلح الخراب بتاع النظام السابق