| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 14

  1. #1

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    Thumbs up نوارة نجم : المستشار طارق البشري يرأس لجنة تعديل الدستور .. عايزين ايه ؟ - Facebook Twitter whatsapp انشر الموضوع فى :

    hasad">

    الحممممممممممممد لله ان طارق البشري هو رئيس اللجنة، كده ينفع الواحد بقى يكلمه ويقول له نفسه في ايه
    اما اقول بقى اللي انا نفسي فيه واهي فرصة يا شباب اللي نفسه في حاجة يقولها
    1- نفسي فيها ان التصويت على الدستور يبقى بالمادة مش على الدستور كله
    2- نفسي رئيس الجمهورية ده يتبهدل.. يتمرمط كده، تتقلل صلاحياته اولا، ما يبقاش تعديل الدستور من صلاحياته، ولا حل مجلس الشعب والشورى من صلاحياته، يبقى تعديل الدستور من صلاحيات المجالس النيابية (وضمان ان المجالس النيابية تعبر عن الشعب دي حاقولها في رقم تاني) ويبقى فيه قوانين واضحة تحت اشراف قضائي هي اللي تحدد امتى يتم حل مجلسي الشعب والشورى لما يفقدوا شرعيتهم وامتى يتم اجراء انتخابات مبكرة وفقا للقوانين وتحت اشراف القضاء، ولجنة قضائية شغلتها تتابع ده، وتتكتب وظيفة رئيس الجمهورية دي بالتفصيل بحيث انه يبقى تحت رحمة الشعب كده، يبقى موظف عند الشعب، ويبقى عليه رقابة شعبية، وقت ما الشعب يحب يعزله يعزله، ويبقى هو ماشي خايف كده من الشعب وبيحلم بيه بالليل ويصحى من النوم مفزوع: سامحوني سامحوني، ويبقى خدام عندنا، عايزين نمخمضه كده، خلاص، ما عادش الرئيس الاب، ولا عاد الفرعون، ده موظف عند الشعب، له صلاحيات محدودة، بمعنى انه مجرد واجهة تمثل ارادة الشعب اللي بتتبلور عبر المجالس النيابية والمؤسسات والمحليات اللي كلها تبقى بالانتخاب تحت رقابة مشددة من القضاء
    3- القضاء يبقى مستقل آخر حاجة، النائب العام يتم انتخابه، رؤساء المحاكم يتم انتخابهم، ماحدش يكلم القضاء اساسا غير الشعب والصحافة، القضاء ده سلطة لوحدها كده محكومة بالقانون المكتوب، ويبقى على مؤسسة القضاء مؤسسة رقابية ولتكن برضه المجالس النيابية اللي بتمثل الشعب، يعني ماحدش يكلم القضاء غير الشعب من هنا ورايح، وماحدش يراقب نواب الشعب عشان يتأكد انهم نوابه فعلا وممثلين له فعلا الا القضاء من هنا ورايح، وتتلغي وزارة العدل، تبقى الرقابة على القضاء من الشعب وبتفعيل القانون
    4- رئيس الوزراء يبقى بالانتخاب والرقابة عليه من الشعب، والمحافظين بالانتخاب برضه، ورؤساء المؤسسات بالانتخاب، احنا عايزين نعيش حياتنا من هنا ورايح ننتخب وباشراف قضائي بس، ومافيش فرد امن يدخل ولا يعتب خيمة الانتخابات، يبقوا واقفين برة كده، ويبقى للمواطن صلاحية انه كل ما يشوف فرد امن يديله على وشه
    5- زي ما قلنا رؤساء المؤسسات بالانتخاب، المحافظين بالانتخاب، المحليات طبعا، والمجالس النيابية الشعب والشورى بالانتخاب ومافيش كرسي واحد يبقى فيه تعيين، خالص، رئيس الجمهورية الكلب ده ما يعينش اي حد في المجالس النيابية، ده يتبهدل ده، من هنا وجاي، ده يبقى خدامة بكيزة، والانتخابات تبقى باشراف قضائي وتتلغي كل القوائم الانتخابية دلوقت حالا، والانتخاب يبقى بالرقم القومي في كل حاجة، مافيش بطاقات انتخابية، ومش بس الانتخابات تبقى تحت اشراف قضائي، ده الحملة الانتخابية بتاعة كل مرشح تبقى تحت عين القضاء عشان لو دفع فلوس ولا وزع وجبات يصدر حكم ضده انه يتمنع من الترشح طول عمره وما يعديش تاني جنب المجالس النيابية لو رايح مشوار يلف من شارع تاني، وعقوبة الرشوة وشراء الاصوات تبقى بهدلة بهدلة كده، اللي يعمل كده يركبوه الحمارة بالمقلوب، ويبقى فيه لجنة قضائية تراقب النواب اللي تم انتخابهم للتأكد من انهم بيمثلوا اللي انتخبوهم فعلا، ولو اتقفش بيهوبص يتبهدل بهدلة مافيش انسان اتبهدلها في حياته، وكمان يبقى فيه لجنة من المجالس النيابية تراقب مراقبة القضاء، بحيث كل واحد يبقى صباعه في بق التاني يقوم يبقى فيه نزاهة، ومجلس تشريعي يعني مجلس تشريعي، يعني نواب الشعب هم اللي يشيلوا ويحطوا تحت اشراف القضاء للتأكد من ان ده بيعبر عن الناس
    6- اطلاق حرية تشكيل الاحزاب تماما، اللي عايز يعمل حزب علمني العوم والنبي يا احمد ياخد ترخيص، بس يبقى فيه رقابة مالية عليه عشان الفساد، واطلاق حرية الصحافة اللي عايز يطلع جرنال تحت السلم يطلعه، من غير رقابة غير الرقابة المالية برضه عشان الفساد
    ادي اللي نفسي فيه في الحريات ودولة المؤسسات وبرضه يمكن نسيت حاجة اكيد في التعليقات حد حيبقى نفسه في حاجة
    نيجي للبند التاني
    7- العدالة الاجتماعية: يبقى فيه حد ادنى للاجور وحد اقصى للاجور، مافيش حاجة في الدنيا كلها اسمها بني ادم في مؤسسة ياخد ميت الف جنيه وفي نفس المؤسسة واحد بياخد ميت جنيه، ابدا دي ما تحصلش، ابدا ابدا ابدا، ولا في وزارة واحدة
    يبقى حد ادنى للاجور في كل الدولة 1200 جنيه، وحد اقصى للاجور في كل مصر 20 الف جنيه، في كل القطاعات العامة والخاصة والمقلمة والمنقطة والسامبوكسات ويبقى رقابة مشددة على الدخول ويتم تفعيل قرارات الجهاز المركزي للمحاسبات، ويبقى مستقل وتحت اشراف لجنة قضائية.
    8- حقوق العمال والموظفين من رعاية صحية وضمانات اجتماعية وضمانات وظيفية في كل القطاعات خاصة الخاصة، لان القطاع العام ماحدش بيترفد فيه، كمان القطاع الخاص مش حر يرفد حد على كيفه كده، وعلى اللوائح الداخلية الا تتعارض مع قوانين العمل العامة الضامنة لحقوق الموظفين والعمال
    9- اعانات البطالة والمحتاجين، ووزارة الشئون الاجتماعية تتحط تحت اشراف لجنة من المجالس النيابية ولجنة قضائية ولجنة من الجهاز المركزي للمحاسبات عشان الوزارة دي فيها سرقة السنين، ويتم حصر سكان العشوائيات واللي بيعانوا من الفقر والبطالة وعلى وزارة العمل والشئون الاجتماعية انها يا توفر لهم فرصة عمل باجر مناسب يا تصرف لهم اعانة ورعاية صحية
    10- التأمين الصحي يبقى تحت رقابة من المجالس النيابية والجهاز المركزي للمحاسبات ومافيش حاجة اسمها علاج على نفقة الدولة، فيه تأمين صحي لكل الناس، كل مواطن غني او فقير، كل الناس تتعالج بنفس المستوى وفي نفس المستشفيات وبنفس الاستعدادات مافيش حاجة اسمها واحد رجل اعمال يروح يتعالج في مستشفى استثماري وغلبان يتعالج في مستشفى الحانوتية، كله يتعالج بنفس المستوى، زي انجلترا كده
    11- كذلك التعليم (هو كل ده ينفع يبقى في الدستور؟ لو ما ينفعش خلوه ينفع) التعليم برضه يبقى زي انجلترا، المدارس تبقى للغني والفقير وكله يتعلم بنفس المستوى وفي نفس المدارس والمدارس الاهلية المفروض ان يبقى مستواها اقل من المدارس الحكومية، المدارس الحكومية دي بتتمول بميزانية دولة، والمدارس الاهلية بتتمول بميزانية افراد، يبقى المنطقي ان المدارس الحكومية يبقى مستواها اعلى، والتعليم مجاني، لاننا بندفع ضرايب، وكمان الفلوس خلاص ميزانية الدولة مش حيروح تلتينها لوزارة الداخلية زي ايام المقبور، حتروح للتعليم والصحة... اه، تلتين الميزانية يروحوا للتعليم والصحة وده يبقى مكتوب في الدستور
    -----------
    انا خلصت كل اللي انا فاكراه
    ناقص اقول حاجة: الناس اللي ماتت كانت بتقول: تغيير، حرية، عدالة اجتماعية
    واحد التعليقات اللي اتقالت على الثورة المصرية: الشعب الوحيد اللي ساعة الصلاة كله بيصلي، وساعة الرقص كله بيرقص
    يعني اللي ماتوا ما ماتوش عشان مصر تبقى السعودية ولا كمان عشان مصر تبقى تركيا ولا فرنسا
    اللي ماتوا كانوا بيصلوا ويرقصوا
    من الاخر كده، الناس مش حتصوت على الغاء المادة التانية
    وكمان مش حيصوتوا على دولة اسلامية
    هم عايزين دولة مؤسسات ديمقراطية يتم تمثيل كل طوائف الشعب فيها وفي نفس الوقت تحتفظ بشخصيتها وهويتها
    اي حد بيرفع شعارات الشعب ما رفعهاش يبقى بيفتئت على الشعب اللي قدم التضحيات وشهداء، ومش حيتم فرض نظام اسلامي ولا حيتم الغاء المادة التانية الا بقمع الشعب، وما اعتقدش ان الناس دي ماتت عشان تقمع
    يبقى اللي بيفتح مواضيع هو عارف انها لا تلقى قبولا لدى الشعب اللي قام بالثورة - بدون قيادات بدون قيادات بدون قيادات - مجرد عايز يشتتنا ويدخلنا في مهاترات مالهاش معنى
    مصر هي مصر... الناس بتصلي وترقص، وعايزين عدل وحرية، اللي هم عايزينه يتعمل لهم وبس
    ---------------


    بالمناسبة منعا للفهم الخاطيء , انا قد اختلف مع نوارة عادي جدا :))

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  2. #2

    الصورة الرمزية eagle2009

    رقم العضوية : 36539

    تاريخ التسجيل : 27Mar2009

    المشاركات : 196

    النوع : ذكر

    الاقامة : الكون

    السيارة: BBB

    السيارة[2]: honda

    دراجة بخارية: no

    الحالة : eagle2009 غير متواجد حالياً

    افتراضي -

    الا على فكرة هيا مين نوارة نجم دى اللى انت عمال تنقل عن لسانها
    وكل موضوعاتك عنها
    سؤال برىء ارجوا الاجابة عليه ؟


  3. #3

    الصورة الرمزية أحمد كمال

    رقم العضوية : 33438

    تاريخ التسجيل : 19Feb2009

    المشاركات : 14,563

    النوع : ذكر

    الاقامة : استراليا

    السيارة: None

    السيارة[2]: Toyota Camry

    دراجة بخارية: Harley-Davidson

    الحالة : أحمد كمال غير متواجد حالياً

    افتراضي -

    صحفية بالدستور

    بنت أحمد فؤاد نجم و صافيناز كاظم


  4. #4

    الصورة الرمزية otefa

    رقم العضوية : 27285

    تاريخ التسجيل : 10Dec2008

    المشاركات : 11,282

    النوع : ذكر

    الاقامة : الكرة الأرضية

    السيارة: -Cabrice-LTZ

    السيارة[2]: ِAlfa156 seles-جيب جراند شيروكي

    الحالة : otefa غير متواجد حالياً

    افتراضي -

    اقتباس المشاركة الأصلية كتبت بواسطة eagle2009 مشاهدة المشاركة
    الا على فكرة هيا مين نوارة نجم دى اللى انت عمال تنقل عن لسانها
    وكل موضوعاتك عنها
    سؤال برىء ارجوا الاجابة عليه ؟

    أنا عايز أعرف برده..........سؤال بريء والله برده؟
    ولو معلومات عن وائل غنيم يبقى كتر خيركم؟

    إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
    م/محمد


  5. #5

    الصورة الرمزية Dojuar

    رقم العضوية : 30796

    تاريخ التسجيل : 22Jan2009

    المشاركات : 1,676

    النوع : ذكر

    الاقامة : Cairo

    السيارة: لا يوجد

    السيارة[2]: Excel' 94

    دراجة بخارية: دراجة

    الحالة : Dojuar غير متواجد حالياً

    افتراضي -

    اقتباس المشاركة الأصلية كتبت بواسطة otefa مشاهدة المشاركة

    أنا عايز أعرف برده..........سؤال بريء والله برده؟
    ولو معلومات عن وائل غنيم يبقى كتر خيركم؟
    اسمحلي ادلو بدلوي:
    هيه مدونة مشهورة جدا في وسط المدونين

    ثائرة جدا على النظام - ليبرالية جدا

    واحدة بمية راجل زي ما بيقولوا

    لكن مأخذي عليها حاجتين محوريين:

    - استخدامها لألفاظ و شتايم قذرة جدا أحيانا
    - موقفها من القنوات الاسلامية وشيوخ زي الحويني و يعقوب و حسان

    بس

    م.أحمد


  6. #6

    الصورة الرمزية hossaam

    رقم العضوية : 21802

    تاريخ التسجيل : 11Oct2008

    المشاركات : 662

    النوع : ذكر

    الاقامة : Mansoura

    السيارة: Honda CBR 250 R

    السيارة[2]: SEAT Leon

    الحالة : hossaam غير متواجد حالياً

    افتراضي -

    شكرا على الموضوع

    http://www.nilemotors.net/Nile/signaturepics/sigpic21802_5.gif


  7. #7

    الصورة الرمزية otefa

    رقم العضوية : 27285

    تاريخ التسجيل : 10Dec2008

    المشاركات : 11,282

    النوع : ذكر

    الاقامة : الكرة الأرضية

    السيارة: -Cabrice-LTZ

    السيارة[2]: ِAlfa156 seles-جيب جراند شيروكي

    الحالة : otefa غير متواجد حالياً

    افتراضي -

    اقتباس المشاركة الأصلية كتبت بواسطة dojuar مشاهدة المشاركة
    اسمحلي ادلو بدلوي:
    هيه مدونة مشهورة جدا في وسط المدونين

    ثائرة جدا على النظام - ليبرالية جدا

    واحدة بمية راجل زي ما بيقولوا

    لكن مأخذي عليها حاجتين محوريين:

    - استخدامها لألفاظ و شتايم قذرة جدا أحيانا
    - موقفها من القنوات الاسلامية وشيوخ زي الحويني و يعقوب و حسان

    بس
    النقطة دي مش مستغربها طالعة لأبوها
    موقفها من القنوات أيه؟
    تحياتي

    إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
    م/محمد


  8. #8

    الصورة الرمزية Dr Zezo

    رقم العضوية : 1952

    تاريخ التسجيل : 29Aug2007

    المشاركات : 1,413

    النوع : ذكر

    الاقامة : القاهرة

    السيارة: .

    السيارة[2]: .

    الحالة : Dr Zezo غير متواجد حالياً

    افتراضي -

    بصراحة المستشار طارق البشري رجل لا خلاف عليه

    فوق مستوي الشبهات معروف بتدينه الشديد - تحديدا بعد 67 - و سماحته
    و علمه و ايضا مواقفه الناقدة للنظام و المؤسسات الدينية مسيحية و اسلامية و طرح الحلول

    و اقربها بعد تفجير الاسكندرية مقالة نشرت له علي يومين يشخص المشكلة و يطرح الحلول و كلها في نطاق اعراف المجتمع و تقاليده و تعاليمه


    رجل فاضل
    نسأل الله ان يوفقه هو وصحبه

    -----

    بالنسبة لوائل غنيم ما المهم فيه حتي نعرف عنه شئ ؟
    هل هو من اللجنة المعينة لتعديل الدستور ؟


  9. #9

    الصورة الرمزية Dojuar

    رقم العضوية : 30796

    تاريخ التسجيل : 22Jan2009

    المشاركات : 1,676

    النوع : ذكر

    الاقامة : Cairo

    السيارة: لا يوجد

    السيارة[2]: Excel' 94

    دراجة بخارية: دراجة

    الحالة : Dojuar غير متواجد حالياً

    افتراضي -

    اقتباس المشاركة الأصلية كتبت بواسطة otefa مشاهدة المشاركة
    النقطة دي مش مستغربها طالعة لأبوها
    موقفها من القنوات أيه؟
    تحياتي
    هيا مع حرية تواجدها - مع اعتراضها على تمويلها (حسب زعمها) واعلاناتها

    لكن رأيها في شيوخها - حدث ولا حرج

    م.أحمد


  10. #10

    الصورة الرمزية otefa

    رقم العضوية : 27285

    تاريخ التسجيل : 10Dec2008

    المشاركات : 11,282

    النوع : ذكر

    الاقامة : الكرة الأرضية

    السيارة: -Cabrice-LTZ

    السيارة[2]: ِAlfa156 seles-جيب جراند شيروكي

    الحالة : otefa غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة dojuar مشاهدة المشاركة
    هيا مع حرية تواجدها - مع اعتراضها على تمويلها (حسب زعمها) واعلاناتها

    لكن رأيها في شيوخها - حدث ولا حرج
    تمام الله ينور شكرا على التوضيح وصلت الفكرة

    إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
    م/محمد



 
صفحة 1 من 2 1 2 الأخيرةالأخيرة

المواضيع المتشابهه

  1. ردا على المشككين في لجنة تعديل الدستور والجيش
    بواسطة م.احمد زكريا في المنتدى المنتــــــدى الاجتمــاعى
    مشاركات: 9
    آخر مشاركة: 21-03-2011, 05:23 PM
  2. بشرى : تعيين المستشار طارق البشرى رئيسا للجنة صياغة الدستور
    بواسطة m3_dolphen في المنتدى المنتــــــدى الاجتمــاعى
    مشاركات: 6
    آخر مشاركة: 15-02-2011, 10:50 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2