الموضوع: ريس لثائر

المشاركة الأصلية كتبت بواسطة karembob

السلام عليكم عندي مشكله كبيرة ومش عارف اعمل اخي حد يفدني يا رجاله في الصباح جيت ادور الموتو لقتو مش عوز يدوة وفي تكتكة من الكتاوت الي بتقوم المرش قلت يمكن البطارية ضعيفة رحت اشحنها وجيت لقت بردو مش عوز يدور والتكتكة زي ماهي مش عارف اعمل اي حد يفدني اخواني

لو المرش قايم يبقا ممكن اوى البوجيهات مرطبة او شربون المرش عايز يتعمل اظن كدة
هقلك حاجة خلى حد يذق المكنة وانت ارمى ليها لو دارت جرى على الكهربائى(سواء دنمو او مرش) لو مدرتش يبقا احتمال كبير البوجيهات

المشاركة الأصلية كتبت بواسطة alaakamal

يا جماعة طيب ايه نظام ال cbr 600 rr c فى الليلة دى ؟ يعنى ينفع واحد يبدأ بيها ولا لأ ؟؟

طيب سعر الشكل الجديد اللى هو من 2002 تقريبا كام ؟ و سعر الشكل القديم زى مثلا 1998 و الحاجات دى كام ؟

اولا مكنة كويسة ولاكن بعها يصعب على الكافر نسبة الخسارة فيها علية لان محدش بيجبها يا صغير يا كبير
لان الواحد بيجيب الصغير يتعلم وبيجيب الكبير عشان يحترف
منصحش حد بيها خالص انزل اسال على قطع غيرها لو لقتها مش هيعجبك السعر

المشاركة الأصلية كتبت بواسطة alaakamal

تمام الكلام اللى حضرتك بتقولوا ده بس انا بتكلم على حاجة للعمر كلو يعنى ابدأ بيها و اتعلم عليها ولما احترف اكمل بيها برده

وبعدين انا مهما احترفت عمرى فى حياتى ما هوصل انى احتاج cbr 1000 مثلا
و انا شايف ان هيا مكنة كويسة اوى و خد بالك برده انها مش تعبانة دى بتقفل ال 280 و فى نفس الوقت شكلها رائع اعتقد مش بيفرق عن ال1000 كتير صح ولا ايه ؟ و بردوه حديثة شوية احسن من الحاجات اللى فى اوائل التسعينيات و كده

و بعدين زى ما قلت لحضرتك انا عمرى ما هحتاج مكنة زى ال1000 و ال600 دى متوسطة بين ال1000 و ال400

انا الصراحة شايف ان هىا مكنة مناسبة من جميع النواحى بس طبعا رأيى ده مايجيش حاجة جنب الناس اللى هنا

و ياريت حد يقولى بس على اسعارها

انا بحترم وجهت نظرك جدا وبحيك عليها ولاكن بختلف معاك فيها لماذا بسبب عدة نقاط وهى
1- نقطة اولى ان التعليم على مكنة بتجيب السرعة دية مجزفة كبيرة لان المكن دة بيغر جدا ومغرى على الجرى ولو انت غير محترف احتراف كامل مع الاسف النهاية هتكون ....... المكنة الصغيرة محدودة السرعة وخفيفة ويسهل التنقل بيها بكل سهولة وهى تصنف 125 250 400 فئة مبتدئين انت لما بتطلع السلم مينفعش تطلع من نصفة لازم وحدة وحدة ياما ناس خدوها عند ومع الاسف نسبة حدوث ما اخشاة كبيرة اى انها ليسة قعدة

2- النقطة الثانية
عندا بداية ممرسة مثل هذة الرياضة يكون الضرر بالغ عليها اى انك عندما تبداء بسواقة السيارات تاخذ وقت كثير فى الركنة والمطالع وخلافة ويحدث بسبب قلة الخبرة تلف بعض الاجزاء مثل الاسطوانة والدسك والبلية ودة بسبب قلة الخبرة وعدم الدقة فى الغيار
وهذا ما سيحدث مع المكنة الاجزاء المكانيكية يحدث لها ضرر بالغ مع المبتدا وخصوصا الفتيس دراع الغيرات والتروس وورق الدبرياج يبقا سعتك جبت مكنة غلية وقطع الغيار اغلاء تتعلم عليها ومفيش مكنيكى فى بلدك هيرجعلك حاجة ذى ما كانت هتبتر اسفا تبعها او تنبتر تذور المكنيكى كل شوية

3- النقطة الثالثة
عند البداية نسبة الضرر فى الفيبر وخلافة كبيرة جدا ونحن جميعا نعلم ان اجمل ما يميز هذا المكن هو شكلة الانيق الجميل وما يعطيك شيء من التميز ما اول حادث وثانى حادث كلة هيتدمر وتخسر ميزة الجمال الشكل الرائع والرياضى

ودة طبعا غير انك بتستهلك فرمل ودسكات بشكل كبير فى البداية وحجات من هذا القبيل

انا احترم وجهت نظرك كثيرا ولاكنى اختلف معك مع الاسف
هتجيب 600 وبعديها هتفكر تجيب 919 وبعديها 954 وبعديها 1000 وممكن الهيبوازا او الفىكنج
مع الاسف تسلسل التغير هيحدث بدون ان تدرى انها رياضة قائمة بشكل كبير على السرعة والمرونة وكل فئة اعلى تعطيك اشباع اقوى ثم يحدث اكتفاء وتنتقل الى ما هو ابعد

تقبل فائق احترامى وتقديرى

المشاركة الأصلية كتبت بواسطة alaakamal

[overline]
بجد انا مش عارف اقولك ايه . انت راجل عشرة على عشرة و كل كلمة بتقولها صح 100 فى 100

عايز بس اسئلك سؤال انا بعرف اسوق عجل زى الفل بس عمرى ما سوقت موتوسيكل و معرفش حد عنده

موتوسيكل خالص و عايز اتعلم السواقة اعمل ايه ؟

متشكر ليك جداا
[/overline]

ههههههههههههههههههههههههه هههههه عجلة
انا مش بضحك على كلامك خالص ولاكن منذو يقرب من مدة واحد صحبى اسر يسوق المتوسكل بتاع واحد صحبنا واعد على المكنة وهو طولة 195 وربنا مديلة لياقة محدش يقدر يقلة لا نهارة هيكون اسود المهم اخد المفتاح ولما جيت اكلمة قلى اة انت مبتعرفش تركب عجل وتمسك برئية جدا وما كان مننا الا اننا فهمناة طريقة السواقة ودور المكنة وابتداء يمشى بسرعة 10 كيلو لا اقل ولا اكثر مشكلتة ان متجة الى عمود نور والى شجرة اعد يحاول يحود بالمكنة بس كان الجزء الخلفى من صحبى يحود والموتوسكل ماشى الى الشجرة والعمود صحبى وانا واقف بيسالنى هو رايح فين بكل سذاجة قلتلة رايح يحضن الشجرة بشكل رهيب وزهول واعد يضحك جدا وقبل الشجرة باقل من متر وقع صحبنا ما حدث طفت منة المكنة وهو ساب دبرياج المكنة فرملت فى مكنها وطبعا وقعت علية وكان يوم وكان فى عيال بتلعب فى الشارع اعدو يذفوة ذفة بجد الحوار قلب كومدى جدا المكنة وقعت علية القصة دية من سنة ولولا قوة جسمة كان اتبهدل جامد وسدقنى بيعانى من الوقعة حتى وقتنا هذا باى حد بيسالنى انا بعرف اسوق عجل ممكن اسوق موتوسكل افطس من الضحك لما افتكر الحوار

على العموم هو التوازن يعتبر كفكرة وحدة بس الاختلاف هنا ثقل الموتوسكل العجلة خفيفة الموتوسكل ثقيل
والحركة المكنيكية كمان سواء فى الغيار او مقبض البنزين كل حاجة بحساب

بخصوص التعليم ممكن تاجر موتوسكل صينى 30 ج الساعة واتعلم الاساسيات والمشى وبعد كدة هتقف قدامك التاكيف على مقبض البنزين ودية هتكون بسيطة بردو فى واحد اسمة خالد هنا بيعلم سواقة الموتوسكل مقابل مبلغ بسيط وهو علم ناس كتير هنا بيجيلك فى مكان فاضى وتعد انت وهو فى خلال حصتين ثلاثة هتكون تمام
وبعد متتعلم على الصينى تعلالى وخلى علية تعليم اساسيات القيادة فى البلد هنا فى الزحمة وهتكون ممتاز بس تبعد عن التهور والسرعة الجنونية